Jueces 21:4 - Bible in Tzotzil de Chenalhó with Deuterocanon

⁴ Ta yoc'omal sob ilic li israeletique; la spasbeic scajleb smoton Muc'ul Dios. Te la xchic'beic, la smilbeic smoton sventa lec ch-ilatic.

Bible in Tzotzil de Chamula

⁴ Ti israeletique sob xa liquic ta yoc'omal. Lic smeltsanic jun altar. Laj yac'beic chic'bil matanal xchi'uc milbil matanal sventa lajesobil o'ntonal yu'un ti Diose.

Jueces 21:4 Iomraidhean Croise

2 Samuel 24:18

Te no'ox ta sc'ac'alil ital c'opanatuc yan velta yu'un Gad li Davide, jech i'albat: “Bat pasbo junuc scajleb smoton Dios te ta yav smajubil strigo li Arauna jebuseo vinique”, xut.

2 Samuel 24:25

Jech te lic spasbe jun scajleb smoton li Muc'ul Diose. Te la xchic'be, xchi'uc la smilbe smoton sventa ac'o co'oluc yo'ntonic xchi'uc. Ja' yu'un li Muc'ul Diose laj yich' ta muc' ti ic'anbat vocol ta sventa li chamel te ta yosilal israeletique, jech ipaj o li tsatsal chamel ta stojolique.

1 Reyes 8:64

Li ajvalile te no'ox ta sc'ac'alil la sts'u'iltas noxtoc li o'lol amac' ta yeloval ch'ulnae, yu'un ja' te laj yac' ta stojol Muc'ul Dios li chic'bil matanaletic, xchi'uc li xepual milbil matanal sventa lec ch-ilatic yu'un Diose. Yu'un li scajleb smoton Muc'ul Dios pasbil ta bronce taq'uine biq'uit no'ox. Mu x'och o li matanaletic chchiq'uique, xchi'uc li matanaletic co'ol jech chac c'u cha'al trigoe, xchi'uc li xepual milbil matanal sventa lec ch-ilatic yu'un Diose.

Oseas 5:15

“Ta ora chisut batel yo' bu oyune, ja' to me laj yotquinic li smulique, ja' to me tal sa'icune. C'alal me oy svocolique, ja' to chisa'icun”, xi li Diose.

Deuteronomio 12:5

Ja' yu'un ta st'ujboxuc junuc yav te ta atojolic ti jaychopoxuque; ja' yav yich'ubil ta muc' ta xc'ot o. C'alal me la st'ujboxuque, ja' no'ox xu' te chbat avich'ic ta muc'.

Hebreos 13:10

Li vu'utique oy xa jun scajleb matanal cu'untic. Li boch'otic te ch-abtejic ta ch'ulna pasbil ta nucule, mu xu' tslajesic li c'usi te oy ta scajleb matanal cu'untique.

Jueces 20:26

Ja' yu'un li israeletique isutic batel yan velta ta Betel, c'ot yoc'ta sbaic ta stojol Muc'ul Dios te ta ch'ulna. Sbejel c'ac'al te oyic; mu'yuc xve'ic o. Te la xchic'beic smoton Muc'ul Dios, xchi'uc la smilbeic smoton sventa lec ch-ilatic.

Jueces 21:3

“Muc'ul Dios, vo'ot Diosot yu'un li Israele, ¿c'u yu'un ti jech ic'ot ta pasele yu'un ch-ul xa li jchop jchi'ilcutic ta israelale?”, xiic.

Jueces 6:24

Ja' yu'un li Gedeone lic spas jun scajleb smoton Muc'ul Dios. “Li Muc'ul Diose ja' chac' jun o'ntonal”, xi sbi laj yac'be. Li scajleb smoton Muc'ul Diose te to oy o tana ti bu Ofra sbi li banamil te ta lum yu'unic li jchop abiezeretique.

Jueces 6:26

Te xapasbun scajleb jmoton ta sjol li ch'ene, vu'un li Muc'ul Diosun avu'une. Milbun jmotonin li xchibal vacaxe; te xachic'bun. Ja' xavac'be si'ilin li te' chats'et te spajoj atote —xut.

1 Samuel 7:17

Te isutilan batel ta Ramá yu'un ja' te nacal. La xchapan noxtoc li israeletic te ta Ramae. Te la spasbe jun scajleb smoton Muc'ul Dios.