Jueces 20:1 - Bible in Tzotzil de Chenalhó with Deuterocanon

¹ Scotol li israeletic xlic ta Dan c'alal ta Beerseba xchi'uc c'alal ta Galaade la stsob sba scotolic te ta Mizpa ta stojol li Muc'ul Diose. Jech chac c'u cha'al jun no'ox vinic laj ya'ay sba ta scotolic.

Bible in Tzotzil de Chamula

¹ Va'i un, scotol ti israeletique, co'ol s'elan jun no'ox vinic, lic stsob sbaic ta sba ta sat Dios ti ta Mizpae, ti liquic talel ta Dane, ti ta Beersebae, ti ta Galaade.

Jueces 20:1 Iomraidhean Croise

2 Samuel 19:14

Ja' jech ic'ot ta yo'nton yu'un scotol li viniquetic ta Judae. Scotolic jun no'ox laj yac' sbaic. Jun no'ox ya'yej scotolic, jech laj yalbeic batel li ajvalile: “Xu' chasut tal achi'uc scotol li j'abteletic avu'une”, xutic batel.

2 Samuel 2:9

Te c'ot stic' ta ajvalilal yu'un lum Galaad, Gesuri, Jezreel, Efraín, Benjamín, xchi'uc ta sventa scotol Israel.

2 Samuel 24:2

Ja' yu'un li Davide jech laj yalbe li Joab, ja' li banquilal soldado te xchi'inoje: —Batan ta scotol yosilal li jaychop jchi'iltactique. Tsacbo ta vun sbiic scotolic, yu'un jech ta jna' c'u yepal oy ta scotol. Liqueso ta Dan c'alal to ta Beerseba —xut.

2 Samuel 3:10

Ac'o pojbatuc o yabtelic xchi'uc yalab xnich'nab li Saule; ja' ac'o c'otuc ta stojol li Davide. Ja' ac'o sventain li Israel xchi'uc Judá ti xlic ta Dan c'alal to ta Beersebae —xi.

1 Reyes 5:5

Ja' yu'un li' ta orae jnopoj xa ta jpasbe xch'ulna li Muc'ul Dios cu'un jech chac c'u cha'al yalojbe ono'ox li jtote, jech laj yalbe: ‘Li jun anich'on ta xcac' chotluc comel ta aq'uexole ja' ta spasbun jch'ulna’, xut.

2 Reyes 25:23

C'alal laj ya'yic scotol banquilal soldadoetic ta Judá xchi'uc svinictaquic ti laj xa stic' ta ajvalil Gedalías li muc'ta ajvalil ta Babiloniae, te ibatic ta Mizpa xchi'uc svinictaquic, bat sc'opanic li Gedaliase. Li boch'otic ibatique ja' Ismael, xnich'on Netanías, Johanán, xnich'on Carea, Seraías, xnich'on Tanhumet ta Netofa, xchi'uc Jaazanías, xnich'on jun vinic liquem ta Maaca te xchi'inojic batel li svinictaquique.

1 Crónicas 21:2

Ja' yu'un li Davide lic yalbe li Joab xchi'uc banquilaletic yu'un xchi'iltaque: —Bat pasic tsactsacvun ta stojol li jchi'iltactique; liquesic ta Beerseba c'alal to ta Dan. Xtal avalbicun ca'ay yu'un jech ta jna' c'u yepal —xut.

2 Crónicas 30:5

jech la xchapanic ti ac'o batuc mantal ta scotol li israeletique. Te la sliquesic ta Beerseba c'alal to ta Dan, yu'un ac'o tal spasic q'uin Coltael yu'un Muc'ul Dios scotolic te ta lum Jerusalén. Yu'un ep xa jabil mu'yuc bu spasojic o jech chac c'u cha'al ts'ibabil ono'ox ti tsc'an ac'o spasilanique.

Esdras 3:1

C'alal iloc' svucubal u snaclejic ta slumalic li boch'otic isutic tal ta Babiloniae, ja'o lic stsob sbaic scotolic te ta Jerusalén.

Nehemías 11:27

ta Hazar-sual, ta Beerseba,

Nehemías 8:1

Scotol li israeletique te la stsob sbaic ta nopol ti'coralton Vo'etic sbi, yu'un ja' lec xocol te. Jun no'ox laj ya'ay sbaic ta scotolic. Te lic yalbeic jchanubtasvanej Esdras ti ac'o yich' loq'uel tal li mantaletic yu'un Moisés ti laj yac' Muc'ul Dios ta sventa Israele.

Jeremías 40:6

Li Jeremiase bat xchi'in li Gedalías xnich'on Ahicam te ta Mizpae; te la xchi'in ta naclej li xchi'iltac ti te icomic ta yosilalique.

Números 32:1

Li jchop liquemic ta Rubén xchi'uc ta Gade, toj bats'i ep xvacaxic xchi'uc xchijic. C'alal laj yilic ti toj lec sve'el xvacaxic xchijic te ta yosilal Jazer xchi'uc ta Galaade,

Números 32:40

Jech li Moisese laj yac'be ta sc'obic smomnich'nab Maquir li yosilal Galaade, ja' te inaquiic o.

Josué 15:38

Dileán, Mizpa, Jocteel,

Josué 17:1

Li'i ja' li banamil ti ic'ot ta sventaic li jchop liquemic ta Manasese, ja' li banquilal xnich'on Josee. Li Maquir, ja' li banquilal xnich'on Manasese, ja' li stot Galaade, ja' jun vinic ti lec sna' paspleitoe, ja' laj yich' li osil te ta Galaad xchi'uc ta Basán ta stuq'uil sloq'ueb c'ac'al yu'un uc'um Jordane.

Josué 18:26

Mizpa, Cafira, Mozah,

Josué 22:12

C'alal laj ya'yique, la stsob sbaic scotolic te ta Silo yu'un bat stsaquic ta pleito.

Josué 22:9

Jech isutic o batel ta snaic li jchop liquemic ta Rubén, ta Gad xchi'uc li o'lol jchop liquemic ta Manasese. La svoc' sbaic batel xchi'uc li yantic xchi'iltaquic te ta Silo ta yosilal Canaane. Isutic batel ta snaic te ta yosilal Galaad ti bu i'ac'batic yu'un Moisés ta smantal Muc'ul Diose.

Josué 4:13

Jutuc mu cha'vinicuc ta mil (40,000) ta scotol ti lec chapalic xchi'uc yabtejebic sventa pleitoe. La xchol sbaic lec ta stojol li Muc'ul Diose; ibatic ta stenlejaltic yu'un li lum Jericoe.

Jueces 10:17

Li amonetique jmoj la stsob sbaic; te la spas scarpanaic ta Galaad. Jech ec li israeletique jmoj la stsob sbaic; te la spas scarpanaic ta Mizpa.

Jueces 11:11

Ja' yu'un li Jeftee la xchi'in tal li banquilaletique. Li israeletic te ta Galaade ja' la st'ujic ta banquilal xchi'uc ta jchapanvanej yu'unic. C'alal te oy ta Mizpa li Jeftee, te lic yalbe Muc'ul Dios c'usi laj yalic xchi'uc li banquilaletique.

Jueces 11:34

C'alal isut tal ta sna te ta Mizpa li Jeftee, ital nupatuc ta be yu'un stseb; te ch-ac'otaj tal, tstij tal sepsep taq'uin. Pero c'ajumal jun li xnich'one; mu'yuc yan squerem, o me stseb.

Jueces 18:29

Li lume Dan laj yac'beic sbi. Ja' laj yich'be sbi li stotique, ja' li xnich'on Israele. Ja' yu'un Dan la sbiin li lume; ja' li Lais to'ox sbie.

Jueces 20:11

Scotol li israeletique la stsob sbaic batel jech chac c'u cha'al jun no'ox vinic ibatic ta scontrainel li lum Gabaae.

Jueces 20:18

Li yan jvoc' israeletique ibatic ta Betel. Te lic sjac'beic Dios boch'o jchopucal yu'unic ba'yuc chbat spas pleito xchi'uc li benjaminetique. Te i'albatic yu'un Muc'ul Dios ti ja' ba'yuc ac'o baticuc li Judae.

Jueces 20:2

Li banquilaletic ta jujuchop israeletique te oyic scotolic. Oy chanib ciento ta mil (400,000) ta scotolic yich'ojic lec yespadaic.

Jueces 20:26

Ja' yu'un li israeletique isutic batel yan velta ta Betel, c'ot yoc'ta sbaic ta stojol Muc'ul Dios te ta ch'ulna. Sbejel c'ac'al te oyic; mu'yuc xve'ic o. Te la xchic'beic smoton Muc'ul Dios, xchi'uc la smilbeic smoton sventa lec ch-ilatic.

Jueces 20:8

Scotolic iva'iic jmoj yo'nton scotolic jech laj yalic: —Tana li'i, me junuc mu'yuc boch'o tsut batel ta sna cu'untic.

Jueces 21:5

Jech te lic sjac'be sbaic: “¿Boch'o muc x'ay cu'untic ti c'alal la jtsob jbatic ta stojol Muc'ul Dios te ta Mizpae?”, xiic. Yu'un laj caltic ta stojol Muc'ul Dios ti chich' milel li boch'otic mu'yuc te oye.

1 Samuel 10:17

Ts'acal to lic yic' scotol israeletic li Samuele yu'un ac'o bat yich'ic ta muc' Muc'ul Dios te ta Mizpa.

1 Samuel 3:20

Scotol li israeletic xlic ta Dan c'alal to ta Beersebae la sna'ic ti ja' lequil j'alc'op yu'un Muc'ul Dios ta melel li Samuele.