Jueces 2:22 - Bible in Tzotzil de Chenalhó with Deuterocanon

²² Yu'un li Muc'ul Diose ja' sventa tsq'uel o yil me ja' tstamic, o me ma'uc tstamic batel li lequil be la stamic smoltotaquic ta vo'onee.

Bible in Tzotzil de Chamula

²² Ti va'i s'elan taje, ta sc'an ta sq'uel ya'i ti Diose mi ta xlic ts'acliatuc yu'un ti Israel jech c'u cha'al laj spasic ti smolmuc'totic ta ba'yele, mi mo'oj.

Jueces 2:22 Iomraidhean Croise

Génesis 22:1

C'alal i'ech' xa'ox jayibuc c'ac'ale, li Diose la sq'uelbe yo'nton me ta melel xch'unoj li Abrahame. Jech laj yalbe: —Abraham —xut. Itac'ov li Abrahame: —Li' oyune —xi.

2 Crónicas 32:31

Li banquilaletic ta Babiloniae la stac tal jayibuc svinictac sventa tal svu'lanic li Ezequiase, xchi'uc tal sjaq'uic c'u x'elan li senyail stsatsal la spas Muc'ul Dios te ta yosilalique. Li Diose la scomtsan stuc li Ezequiase, yu'un tsc'an tsq'uel c'usi snopoj, c'usi oy ta yo'nton.

Job 23:10

Li stuque ja' xotquin scotol ti c'u xi'elane; me chispasbun porovale, lec ta xiloc' jech chac c'u cha'al c'anal taq'uin.

Salmos 66:10

Dios cu'un, laj xa aq'uel avil c'u x'elan co'ntoncutic; laj xa aq'ueluncutic lec avil jech chac c'u cha'al saquil taq'uin ti chich' lecubtasele.

Éxodo 15:25

Li Moisese te lic sc'anbe vocol li Muc'ul Diose, jech i'ac'bat yil jpets te'. Bat sts'aj ta vo' li te'e, jech lec chi' icom li vo'e. Ja' te iq'uelbat yo'ntonic yu'un li Diose. I'albatic jun mantal li c'usi tsc'an tspasique.

Proverbios 17:3

Li c'anal taq'uin xchi'uc saquil taq'uine ta c'oc' chich' q'uelel me ja' ta melel, pero li yo'nton cristianoe ja' tsq'uel stuc li Muc'ul Diose.

Deuteronomio 13:3

mu me xach'unic. Yu'un li Muc'ul Dios cu'untique ja' no'ox tsc'an ta sq'uelboxuc avo'ntonic me ta melel avich'ojic ta muc' ta scotol ajol avo'ntonic.

Deuteronomio 8:16

Xchi'uc ja' laj yac' manavaj ave'ic te ta xocol banamil ti mu xavotquinique, me ja'uc li amoltotaquic ta vo'onee mu xotquinic ec. Yu'un tsc'an ti ac'o bic'tajanique xchi'uc tsc'an tsq'uelboxuc c'u x'elan avo'ntonic ta stojol, pero ja' sventa alequilalic ic'ot ta ts'acal.

Deuteronomio 8:2

Vuleso me ta avo'ntonic scotol c'u x'elan li be bu laj yic'oxuc tal cha'vinic (40) jabil ta xocol banamil li Muc'ul Dios cu'untique. Le'e ja' sventa la sbic'tajesoxuc, xchi'uc la sq'uelboxuc avo'ntonic, yu'un tsc'an tsna' me chac'an chach'unbeic, o me mu xac'an xach'unbeic li smantaltaque.

Jueces 2:23

Ja' yu'un li Muc'ul Diose muc snuts loq'uel ta ora li muc'tic lumetic ti bu muc ono'ox xac'be ta sc'ob li Josuee, jech te laj yac' comicuc.