Jueces 2:16 - Bible in Tzotzil de Chenalhó with Deuterocanon

¹⁶ Pero li Muc'ul Diose la sa'be jchapanvanejetic yu'unic yu'un ac'o coltaaticuc loq'uel ta sc'ob li boch'otic la spojic c'usitic oy yu'unique.

Bible in Tzotzil de Chamula

¹⁶ ti Diose laj taluc yu'un jtsobvanejetic yo' ta xpojatic ti ilbaj x'utatic yu'un ti j'ilbajinvanejetique.

Jueces 2:16 Iomraidhean Croise

2 Samuel 7:11

ti c'alal lic jt'ujbe jchapanvanejetic yu'unique. Jech ec li vo'ote laj cac' colan ta sventa scotol li avajcontrae. Jech noxtoc chcac' ana' ti chacac'bot amomnich'nabtaque.

Nehemías 9:27

Jech lic avac' ochicuc ta sc'ob yajcontraic, te lic uts'intaaticuc. C'alal ja'o chich'ic ep vocole, la sc'anic coltael ta atojol, jech laj ava'ibe sc'opic c'alal ta vinajel. Lic at'uj boch'otic xu' chcoltaatic loq'uel ta sc'ob li yajcontraique, yu'un toj c'uxic ta avo'nton.

Hechos 13:20

C'alal i'ech' xa'ox o'lol yo'bal ciento (450) jabile, ja'o lic ac'baticuc jchapanvanejetic yu'unic c'alal to i'och ta j'alc'op li Samuele.

Jueces 10:1

C'alal chamen xa'ox li Abimeleque, ilic jun vinic, Tola sbi; ja' liquem ta jchop yu'un Isacar. Ja' xnich'on Fúa; ja' smomnich'on Dodo. Ja' lic scolta scotol li israeletique. Li Tolae te nacal ta Samir ta vitsetic yu'un Efraín.

Jueces 11:32

Jech ibat ta slumal amonetic li Jeftee, bat stsac ta pleito. Li Muc'ul Diose laj yac'be ta sc'ob, jech ivu' yu'un la stsal.

Jueces 3:15

Ts'acal to lic sc'anbeic vocol li Muc'ul Diose. Ja' yu'un li Muc'ul Diose lic st'ujbe jun boch'o chcoltaatic loq'uel ta sc'ob li ajvalile. Li boch'o la st'uje ja' Aod, xnich'on Gera, liquem ta jchop yu'un Benjamín. Ja' jun vinic ta sts'et sna' x'abtej. Li israeletique oy jun velta la stacbeic batel spatanic li Eglone; ja' la stacbeic batel li Aode.

Jueces 3:31

Ts'acal ilic yan jpojvanej yu'unic li israeletique, ja' Samgar sbi; ja' xnich'on Anat. Ja' la smil vaquib ciento (600) filista viniquetic ta stijubil vacax. Ja' jech la scolta ec li xchi'iltac ta israelale.

Jueces 4:5

Li Deborae nopen xa'ay te chbat chotluc ta yolon jtec' xan (li xane, ja' “xan yu'un Débora”, xi sbi) ta vitsetic yu'un Efraín; ja' cacal ta o'lol yu'unic li Ramá xchi'uc Betele. Li israeletique te chbatic ta stojol ti c'alal tsc'anic chapanele.

Jueces 6:14

Li Muc'ul Diose la sq'uelbe lec sat li Gedeone, jech laj yalbe: —Bat tuneso li atsatsal cac'ojbote. Bat coltao loq'uel ta sc'ob madianetic li achi'iltac ta israelale. Vu'un jtuc chajtacot batel —xut.

Rut 1:1

C'alal ja'o yorail oy jchapanvanejetic yu'un li israeletique, ja'o ital tsots vi'nal. Oy jun vinic te ta Belén ta yosilal Judá, ibat nacluc ta yosilal Moab xchi'uc yajnil xchi'uc chib xnich'on.

1 Samuel 12:11

“Ja' yu'un li Muc'ul Diose la st'ujbe jchapanvanejetic yu'unic; ja' li Jerobaale, li Baraque, li Jeftee, xchi'uc vu'un li Samuelune, jech la jcoltaotcutic loq'uel ta sc'ob li avajcontraic li' ta jpat ta jxocontique, jech jun avo'ntonic li' lanaquiic.

1 Samuel 14:48

Lic stsob yajsoldadotac, bat stsalic li Amaleque, jech la scolta o israeletic ta sventa li j'eleq'uetic te ch-elc'aj ta stojolique.