Jueces 2:15 - Bible in Tzotzil de Chenalhó with Deuterocanon

¹⁵ Buyuc no'ox iloq'uic batel ta paspleito, li Muc'ul Diose scontrainoj o, jech puru chopol c'usi ic'ot ta pasel ta stojolic jech chac c'u cha'al yaloj ono'ox ta jamal li Diose, jech la sta ep svocolic.

Bible in Tzotzil de Chamula

¹⁵ C'alal jujun velta xbat tsacvanicuc ta letoe, ta xlic contrainaticuc yu'un ti Diose. Mi ja'uc oy c'usi lec ta xc'ot ta loq'uel yu'unic ti c'alal jech ono'ox albilic yu'une. Ac'o mi staojic lec svocolic yu'un Dios ti israeletique,

Jueces 2:15 Iomraidhean Croise

2 Crónicas 12:1

C'alal laj yil ti inaqui o lec ta yabtel li Roboame, xchi'uc ti lec xu' yu'un laj ya'ye, la scomtsan xch'unbel smantal li Muc'ul Diose. Ja' jech la spas scotolic ec li israeletique.

Jeremías 18:8

Pero me ta sutes yo'nton yu'un smulique, mu'yuc ta xcac'be tal li c'usi chopol jnopoj chcac'bee.

Jeremías 21:10

Yu'un jnopoj xa o ti chcac'be tal svocol li lum li'i; mu'yuc lec c'usi chtal ta stojol. Yu'un ta ono'ox x'och ta sc'ob li ajvalil ta Babiloniae; ta xchic' ta c'oc'’, xi li Muc'ul Diose.

Jeremías 44:11

‘Ja' yu'un jech chcal vu'un li Muc'ul Diosun ti ta jpas ta mantal scotol te ta vinajele, vu'un li Diosun yu'un Israele: Nopbil xa cu'un ti ta xcac' tal avocolic, ti ta xcules o scotol li Judae.

Jeremías 44:27

Yu'un ta ono'ox xcac' tal tsots avocolic; muc alequilalicuc ta xcac' tal. Vo'oxuc ti te nacaloxuc ta Egiptoe chalajic ta milel, chalajic ta vi'nal, ja' to me la'ul acotolique.

Miqueas 2:3

Ja' yu'un li Muc'ul Diose jech chal ta sventaic: “Oy xa c'usi chopol jchapanoj ta aventaic ec; ta xcac' tal tsots vocol ta atojolic. Cuchul xa no'ox anuc' chaxanovic, yu'un mu xa xu' avu'un xateltun chaxanovic, yu'un chtal chopol ora ta atojolic.

2 Corintios 4:8

Ja' yu'un, ac'o me oy ep ta chop vocol chca'icutic ta jujujot, pero mu teuc tsalbil chicomcutic o. Ac'o me ep chlo'ilaj co'ntoncutic, pero mu teuc chiyalubtasuncutic o.

Deuteronomio 18:20

Me ja' j'alc'op ta stoyobbail chc'opoj ta jventae, o me oy c'usi chal ti tscuy ti vu'un calojbee, o me chalbe sc'oplal yantic diosetique, le'e ac'o yich' milel’, xiyutun li Muc'ul Diose.

Jueces 10:9

Li amonetique ijelovic batel ta jot uc'um Jordán noxtoc yu'un bat stsaquic ta pleito li boch'otic liquemic ta Judá, ta Benjamín xchi'uc ta Efraine. Jech te ilic tsots svocolic ta uts'intael li israeletique.

Rut 1:13

pero ¿me yu'un chamalaic to chch'iic, tstaic vinical yo' xu' chlic amalinique? ¿Me yu'un xu' avu'unic ti te xava'lajetic o chamalaique? Tsebetic, mu xu'. Li Muc'ul Diose laj yac'bun tsots jvocol. Pero yo'to tstsatsub jvocol c'alal me chquil ep avocolic ec li vo'oxuque —xut.

1 Samuel 12:15

Pero me mu xach'unic, me mu xavich'beic ta muc' c'usi chayalboxuque, ta me xayac'boxuc atoj amulic li vo'oxuque xchi'uc li ajvalil avu'unique.

1 Samuel 13:6

C'alal laj yilic israeletic ti mu'yuc xa epic ta scoj ti scotolic xi'emique, jech la snac' sbaic ta nail ch'enetic, ta vomlumetic, ta ch'entic, ta bevo'tic, xchi'uc ta pozoetic.

1 Samuel 14:24

Pero li israeletique ja'o oy tsots svocolic, yu'un li Saule oy c'usi yaloj ta stojol li Diose. Jech yaloj: “Li boch'o oy c'usi tstun c'alal mu'yuc to chch'ay c'ac'ale, ti c'alal mu'yuc to ta jtsal li cajcontratique, ac'o stoj smul”, xi. Ja' yu'un scotol li israeletique me jutuc mu'yuc c'usi stunojic.

1 Samuel 30:6

Li Davide ep laj yat yo'nton, yu'un laj ya'ay ti tsc'an xa ch-ac'bat ton yu'un li svinictaque yu'un abul sba cha'yic ti ichucbatic batel xnich'nabique. Li Davide ja' xa no'ox la xch'un ti chcoltaat yu'un li Muc'ul Dios yu'une.