Jueces 2:13 - Bible in Tzotzil de Chenalhó with Deuterocanon

¹³ Ja' yu'un la scomtsanic o li Muc'ul Diose; ja' bat yich'ic ta muc' li Baal xchi'uc Astartee.

Bible in Tzotzil de Chamula

¹³ Laj stenic comel ta yich'el ta muc' ti Diose. Ochic ta yich'el ta muc' ti Baale, xchi'uc ti yalel toyol sloc'obbail ti Astartee.

Jueces 2:13 Iomraidhean Croise

1 Reyes 11:33

Li Salomone laj xa sbajun comel; ja' xa bat yich' ta muc' li Astorete, ja' li sme' diosic sidonetique, xchi'uc li Quemose, ja' li sdiosic moabetique, xchi'uc li Moloque, ja' li sdiosic amonetique. Toj chopol c'usitic la spas ta jtojol; muc ja'uc la xch'un li mantaletic, li chanubtaseletic cu'un jech chac c'u cha'al la xch'un li Davide, ja' li stote.

1 Reyes 11:5

Li Salomone ja' lic yich'be ta muc' me' dios yu'un sidonetic, Astoret sbie, xchi'uc Milcom, ja' li sdiosic amonetic ti toj chopole.

2 Reyes 23:13

La soques noxtoc li toyol c'opojebal te ta yeloval lum Jerusalén, ta xocon vits olivatic ta stuq'uil bats'ic'obe. Ja' ti spasoj ono'ox ajvalil Salomón ta sventa Astoret, ja' li me' dios yu'un sidonetique, xchi'uc Quemos, ja' li dios yu'un moabetique, xchi'uc Milcom, ja' li dios yu'un amonetic ti toj chopolic chil Diose.

2 Crónicas 12:2

Ta sventa ti stoyoj sbaic ta stojol li Muc'ul Diose, jech ilic li Sisac ajvalil ta Egiptoe, tal scontrain li lum Jerusalene; ja' ta yo'bal jabil yochel ta ajvalilal li Roboame.

2 Crónicas 28:3

Jech noxtoc la xchic' pom te ta stenlejaltic Ben-hinom, xchi'uc la xchic' xnich'nab ta smoton sdios jech chac c'u cha'al sbol talelic li yajvaltac banamil ti inutsbatic loq'uel yu'un Muc'ul Diose.

2 Crónicas 33:3

Yu'un ja' la xcha'va'anan li toyol c'opojebaletic ti la sjines ono'ox comel scotol li anima stote, ja' li Ezequiase. La xcha'pas noxtoc li scajleb matanaletique. La spasbe sloc'obaltac li Aserae; ja' lic yich' ta muc' scotol li c'usitic chac' xojobal ta vinajele.

2 Crónicas 7:22

Te chlic stac'be sbaic ti ja' ta scoj la scomtsanic li Muc'ul Dios yu'un smoltot syame'ic ta vo'one ti iloq'uesatic tal ta Egiptoe. Xchi'uc chalic ti ja' ta scoj bat yich'ic ta muc' yantic diosetique, ti ja' lic tunicuc yu'une. ‘Ja' yu'un li Diose laj yac' taluc ta stojolic li muc'ta vocole’, xi ac'oplalic yu'unic”, x'utat yu'un Muc'ul Dios li Salomone.

Salmos 106:36

Ja' lic yich'beic ta muc' li diosetic yu'unique; ja' ta scoj ti c'an ulesaticuc oe.

Jeremías 16:11

Jech xavalbe: ‘Jech chal li Muc'ul Diose: Ja' ta scoj ti la scomtsanicun li amoltot ayame'ique. Ja' bat yich'ic ta muc' li yantic diosetique, ja' itunic yu'un; la squejan sbaic ta stojol. Vu'un la scomtsanicun; muc xich'ic ta muc' li mantaletic cu'une.

Jeremías 2:20

“Ep xa c'ac'al laj atuch' loq'uel avaq'uil; laj apas aba ta mantal atuc, jech laj aval: ‘Mu jc'an xitun avu'un’, xachi. Jech te labat ta scotol toyol vitsetic, ta yolon muc'tic te'etic; xco'laj xchi'uc jmulavil ants lac'ot ta sventa li c'usi laj apase.

Números 25:3

Jech te ilo'laatic o batel ta yich'el ta muc' li Baal-peore. Li Muc'ul Diose tsots i'ilin ta stojol li israeletique,

1 Corintios 8:5

Ac'o me oy boch'otic tscuyic ta diosetic li c'usitic oy ta vinajel xchi'uc li' ta banamile, ac'o me oy ep diosetic, oy ep yajvalic cha'yic,

Jueces 10:6

Li israeletique lic spasic c'usi chopol yan velta ta stojol li Muc'ul Diose; ja' lic tunicuc yu'un li Baaletique, xchi'uc li Astarote, xchi'uc li diosetic yu'un Siria, Sidón, Moab, xchi'uc li diosetic yu'un xnich'nab Amón xchi'uc filistaetique. Ja' la scomtsanic o li Muc'ul Diose; muc xa ja'uc xtunic yu'un.

Jueces 2:11

Ts'acal to, li israeletique chopol c'usi lic spasic ta stojol li Muc'ul Diose; ja' lic tunicuc yu'un li sloc'obaltac Baale.

Jueces 3:7

Li israeletique chopol c'usi lic spasic ta stojol li Muc'ul Diose; ja' lic tunicuc yu'un li sloc'obaltac dios Baale xchi'uc li sloc'obaltac dios Aserae. Ja' la scomtsanic o li Muc'ul Diose.

1 Samuel 12:10

Pero ts'acal lic sna'ic ti laj xa sta smulic ta stojol li Muc'ul Diose, ti laj xa scomtsanique yu'un ja' xa itunic yu'un li Baaletique xchi'uc li Astarote. Jech lic sc'anbeic vocol ti ac'o coltaaticuc loq'uel ta sc'ob li yajcontraique; laj yalbeic ti ja' xa no'ox chich'ic o ta muc' stuque.

1 Samuel 31:10

Te la stiq'uic ta xch'ulna Astarot li yabtejeb Saule, xchi'uc te la sjoc'anbeic ta scoraltonal lum Bet-sán li sbec'tale.

1 Samuel 7:3

Ja' yu'un li Samuele jech laj yalbe scotol li israeletique: “Me ta melel scotol avo'nton chasutic tal yan velta ta stojol li Muc'ul Diose, loq'uesic ta atojolic li yantic diosetic avu'unique xchi'uc li sloc'obaltac Astarote. Ja' no'ox ac'o avo'ntonic ta stojol li Muc'ul Diose; ja' no'ox stuc xavich'ic ta muc', jech chascoltaoxuc loq'uel ta sc'ob li filistaetique”, xut.