Jueces 2:12 - Bible in Tzotzil de Chenalhó with Deuterocanon

¹² Ja' la scomtsanic o li Muc'ul Dios yu'un smoltotic ta vo'one ti iloq'uesatic tal ta Egiptoe; ja' bat yich'ic ta muc' li yantic diosetique, ja' li diosetic yu'un cristianoetic te nacajtic ta spat xoconique. Jech laj yaq'uic ilinuc ta stojolic li Muc'ul Diose.

Bible in Tzotzil de Chamula

¹² Laj yictaic comel ti Ajvalil Dios yu'un ti smolmuc'totic ti loq'uesatic talel ta Egiptoe. Lic snaban sbaic ta yich'el ta muc' ti diosetic yu'un ti jnaclejetic ti joyol ta spat ta xoconique. Lic sliquesbeic sc'ac'al yo'nton ti Dios ti jech taj une.

Jueces 2:12 Iomraidhean Croise

Salmos 106:36

Ja' lic yich'beic ta muc' li diosetic yu'unique; ja' ta scoj ti c'an ulesaticuc oe.

Salmos 78:58

Laj yaq'uic ilinuc Dios ta scoj li c'opojebaletic yu'unic ta vitsetique; laj yaq'uic it'ixajuc yo'nton ta scoj ti laj yich'ic ta muc' sloc'obal yan diosetique.

Éxodo 13:14

C'alal me jech chasjac'boxuc ta yoc'omal li anich'nabique: ‘¿C'usi sventa le'e?’, me xayutoxuque. Jech xatac'beic: ‘Yu'un li Muc'ul Diose ta smuc'ul stsatsal la sloq'uesuncutic tal ta Egipto ti bu to'ox tiq'uiluncutic ta mozoile.

Éxodo 13:16

Ti jech chich' pasele, ja' svulesubil ta avo'ntonic ec ti ta svu'el stsatsal Muc'ul Dios la sloq'uesuncutic tal ta Egiptoe. Jech xco'laj xchi'uc oy smarcail ta jc'obtic, o me ta jti'batic ya'yel’, uto li anich'nabique”, xut xchi'iltac li Moisese.

Éxodo 13:3

Li Moisese jech lic yalbe li xchi'iltac ta israelale: “Na'ic me ti tsots sc'oplal li jun c'ac'al li'i. Mu me xave'ic pan ti yich'oj svolesubil xch'ute, yu'un ja' sc'ac'alil la sloq'uesoxuc tal ta Egipto ta svu'el stsatsal li Muc'ul Dios ti bu to'ox tiq'uiloxuc ta mozoile.

Éxodo 13:9

Ja' yu'un tsc'an chcom senyail ta ac'obic, o ta ati'baic ya'yel, yu'un jech cht'ab ta avo'ntonic ti tsc'an ja' chalo'iltaic o li mantaletic yu'un Muc'ul Diose. Yu'un ja' la sloq'uesutic tal ta smuc'ul stsatsal te ta Egipto banamil.

Éxodo 20:5

Mu me xaquejan abaic ta stojol; mu me xavich'ic ta muc'. Yu'un vu'un jtuc Muc'ul Diosun avu'unic, vu'un Diosun ti toj it'ix co'nton me yan c'usi chavich'ic ta muq'ue. Li boch'o mu xiyich'un ta muq'ue ta xcac'be xcuch smulic c'alal to xchanc'olal smomnich'nabic.

Jeremías 16:11

Jech xavalbe: ‘Jech chal li Muc'ul Diose: Ja' ta scoj ti la scomtsanicun li amoltot ayame'ique. Ja' bat yich'ic ta muc' li yantic diosetique, ja' itunic yu'un; la squejan sbaic ta stojol. Vu'un la scomtsanicun; muc xich'ic ta muc' li mantaletic cu'une.

Deuteronomio 13:5

Li j'alc'ope o me ja' li boch'o sna' yalbel smelol vaychile, ac'o yich' milel, yu'un jech xu' chlaj o sc'oplal li c'usi chopol chlic te ta atojolique. Yu'un ja' ta xchanubtasoxuc ti ac'o abajbeic smantal li Muc'ul Dios cu'untic ti la sloq'uesoxuc tal ta mozoil ta Egiptoe. Xchi'uc ja' chayalboxuc ti ac'o acomtsanic li be yu'un Muc'ul Dios ti yalojboxuc tsc'an ja' chatamic batele.

Deuteronomio 29:18

Mu me oyuc boch'o scomtsan Muc'ul Dios avu'unic, me vinic o me ants, me achi'ilic ta jujuchopoxuc, yu'un ja' chbat yich' ta muc' li diosetic yu'un yan lumetique. Mu me oyuc boch'o jech chc'ot jech chac c'u cha'al jpets te' ti ch'a c'alal ta yibel, ti oy svenenoale.

Deuteronomio 29:25

Li stac'ubile ja' jech chac li'i: ‘Yu'un muc xch'unic c'usi la xchapanic Muc'ul Dios xchi'uc li smoltotaquic ta vo'one c'alal iloq'uesatic tal ta Egiptoe.

Deuteronomio 32:15

“Pero iju'p li Jesurune,, ipas ta simarón; solel lec xt'ajajet xchi'uc li sjubenale. Pero la scomtsan li Diose, ja' li boch'o ipasat yu'une; la sbaj comel li Jchabivanej yu'une, li Jcoltavanej yu'une.

Deuteronomio 33:17

Toj jun yutsil jech chac c'u cha'al sba xnich'on jcot muc'ta tot vacax. Toj tsots slomo jech chac c'u cha'al muc'ta tot vacax. Ta xul ta xulub scotol lumetic c'alal to ta jujujot sti' li banamile. Ja' jech stsatsal chc'ot li yepal smomnich'nab Efraine. Ja' jech stsatsal chc'ot li epal mil yu'untac Manasese”, xi.

Deuteronomio 4:25

“C'alal me oy xa'ox anich'nabic xchi'uc amomnich'nabique, xchi'uc me lamalubic xa'ox li' ta banamile, me ts'acal chlic asoques abaic, me chlic apasbeic sloc'obal c'usitic oye, chata amulic ta stojol li Dios cu'untique. Jech chlic ilinuc ta atojolic.

Deuteronomio 5:9

Mu me xaquejan abaic ta stojol. Mu me xavich'ic ta muc' yu'un jtuc no'ox Muc'ul Diosun avu'unic. Vu'un Diosun ti toj it'ix co'nton me oy c'usi yan chavich'ic ta muq'ue. Yu'un me mu xavich'icun ta muq'ue, ta me xcac'boxuc atoj amulic li vo'oxuque xchi'uc c'alal to ta xchanc'olal amomnich'nabic.

Deuteronomio 6:12

C'alal me ic'ot ta pasel jech chac c'u cha'al laj calboxuque, mu me xch'ay ta avo'ntonic li Muc'ul Dios ti ja' la sloq'uesoxuc tal ta Egipto ti bu to'ox oyoxuc ta mozoile.

Jueces 10:11

Li Muc'ul Diose jech la stac'be: “Li vo'oxuque oy to'ox avocolic ta mozoinel yu'un li egiptoetique, li amorretique, li amonetique, li filistaetique,

Jueces 5:8

“C'alal la sa'ic yan diosetic yu'unique, te tsacbilic o ta pleito. Me junuc smaquic, me junuc lanza, muc xvinaj te ta stojol li cha'vinic ta mil (40,000) israeletique.

Jueces 8:33

C'alal icham li Gedeone, li israeletique lic scomtsanic yan velta li Diose. Ja' lic yich'ic ta muc' li Baaletique, xchi'uc ja' la st'ujic ta sdiosic li Baal-berite.