Jueces 2:11 - Bible in Tzotzil de Chenalhó with Deuterocanon

¹¹ Ts'acal to, li israeletique chopol c'usi lic spasic ta stojol li Muc'ul Diose; ja' lic tunicuc yu'un li sloc'obaltac Baale.

Bible in Tzotzil de Chamula

¹¹ Ti c'usitic lic yesilanic ta spasel ti israeletique, chopol laj yil ta sba ta sat ti Diose. Yu'un lic snijan xchiman sbaic ta yich'el ta muc' ti yalel toyol sloc'obbail ti Baale.

Jueces 2:11 Iomraidhean Croise

Génesis 13:13

ja' ti bu nacalic li cristianoetic ti toj chopolique, ti puru jpasmuliletic ta stojol Muc'ul Diose.

Génesis 38:7

Li Muc'ul Diose mu'yuc lec laj yil c'u x'elan stalel li Ere, jech laj yac' chamuc.

1 Reyes 11:5

Li Salomone ja' lic yich'be ta muc' me' dios yu'un sidonetic, Astoret sbie, xchi'uc Milcom, ja' li sdiosic amonetic ti toj chopole.

1 Reyes 18:18

Itac'ov li Eliase: —Muc vu'cun ta xcac'be svocolic. Ja' vo'ot xchi'uc li achi'iltaque. Ja' ta scoj ti laj acomtsanbeic smantaltac li Muc'ul Diose yu'un ja' bat avich'ic ta muc' li Baaletique.

1 Reyes 22:53

Xchi'uc bat yich' ta muc' ec li Baale; te itun ta stojol jech chac c'u cha'al la spas li stote. Jech la sa'be sc'ac'al yo'nton li Muc'ul Dios yu'un Israele.

2 Crónicas 28:2

Ja' la sts'aclin batel c'usi la spasic li ajvaliletic ta Israele, xchi'uc la spas ep sloc'obal baaletic ta unijesbil taq'uin.

2 Crónicas 28:3

Jech noxtoc la xchic' pom te ta stenlejaltic Ben-hinom, xchi'uc la xchic' xnich'nab ta smoton sdios jech chac c'u cha'al sbol talelic li yajvaltac banamil ti inutsbatic loq'uel yu'un Muc'ul Diose.

2 Crónicas 33:6

Jech noxtoc la xchic' xnich'nab sventa smoton sdios te ta stenlejaltic Ben-hinom, xchi'uc la xchan ic'ch'ulelal, t'unul, xchi'uc mágia, xchi'uc laj yac' ta chanel li c'opanej ch'ulelaletique xchi'uc ac'chamel. Bats'i toj chopolic yabtel ta stojol li Muc'ul Diose, jech te ilic o sc'ac'al yo'nton yu'un li Muc'ul Diose.

Esdras 8:12

Johanán xnich'on Hacatán smomnich'on Azgad, xchi'uc yan lajuneb svacvinic (110) viniquetic la xchi'inic sutel;

Nehemías 9:26

“Pero la sa'boxuc sc'ac'al avo'nton, la stoy sbaic ta atojol; la sva'lupatinic comel li amantaltaque. La smilic li avaj'alc'optac ti jamal i'albatic smulique, xchi'uc ti i'albatic ti ac'o suticuc tal ta atojole. Toj ven chopol li c'usi la spasique.

Salmos 78:56

Pero li stuquique la sa'beic sc'ac'al yo'nton li Diose. La stoy sbaic ta stojol li Boch'o te oy ta vinajele; muc xch'unbeic li smantaltaque.

Jeremías 11:10

Ja' xa bat xcha'tambeic xchopolil li smoltot syame'ic ta vo'one ti muc xch'unic c'usi laj calbeique; ja' bat yich'ic ta muc' li yantic diosetique, ja' itunic yu'un. Li smomnich'nabtac Israel xchi'uc Judae la soquesic li c'usi chapanbil cu'un ta sventa smoltot syame'ique.

Jeremías 16:11

Jech xavalbe: ‘Jech chal li Muc'ul Diose: Ja' ta scoj ti la scomtsanicun li amoltot ayame'ique. Ja' bat yich'ic ta muc' li yantic diosetique, ja' itunic yu'un; la squejan sbaic ta stojol. Vu'un la scomtsanicun; muc xich'ic ta muc' li mantaletic cu'une.

Jeremías 2:20

“Ep xa c'ac'al laj atuch' loq'uel avaq'uil; laj apas aba ta mantal atuc, jech laj aval: ‘Mu jc'an xitun avu'un’, xachi. Jech te labat ta scotol toyol vitsetic, ta yolon muc'tic te'etic; xco'laj xchi'uc jmulavil ants lac'ot ta sventa li c'usi laj apase.

Jeremías 2:23

Mu xu' jech chaval: ‘Mu'yuc jmul; mu'yuc chquich' ta muc' li baaletique’, mu xu' xachi. Q'uelo lec avil c'u x'elan atalel te ta stenlejaltique; tuc'ulano lec avil li c'usi apasoje. Ja' jechot jech chac c'u cha'al me' ca' ti buyuc no'ox xojet sjol ta anil c'alal chbaq'ue.

Jeremías 32:23

Jech laj yich'ic, la sc'upinic ya'yic, pero muc xayich'icot ta muc'; muc xch'unic li mantaletic avu'une; muc ja'uc la spasic li c'usi laj avalbee. Ja' yu'un laj atacbe tal li vocol li' chich'ique.

Jeremías 9:14

Ja' no'ox la spasic li c'usi ital ta yo'nton stuquique; ja' laj yich'ic ta muc' li baaletic jech chac c'u cha'al ichanubtasatic yu'un li stot sme'ique.

Números 25:3

Jech te ilo'laatic o batel ta yich'el ta muc' li Baal-peore. Li Muc'ul Diose tsots i'ilin ta stojol li israeletique,

Deuteronomio 31:16

Li Muc'ul Diose jech lic yalbe li Moisese: “Li vo'ote po'ot xa chacham. Li achi'iltac li'i j'ech'el me chbolibic o yu'un li diosetic yu'un yanlum cristianoetic te nacajtic ta osil bu chbat yich'ique. Jech chiscomtsanicun o; ta soquesic o scotol li c'usi jchapanoj ta stojolique.

Deuteronomio 4:25

“C'alal me oy xa'ox anich'nabic xchi'uc amomnich'nabique, xchi'uc me lamalubic xa'ox li' ta banamile, me ts'acal chlic asoques abaic, me chlic apasbeic sloc'obal c'usitic oye, chata amulic ta stojol li Dios cu'untique. Jech chlic ilinuc ta atojolic.

Jueces 10:10

Ts'acal to lic sc'anbeic vocol li Muc'ul Diose jech laj yalbeic: “Laj xa jta jmulcutic ta atojol, yu'un la jcomtsanotcutic vo'ot li Diosote; ja' laj quich'cutic ta muc' li Baaletique”, xutic.

Jueces 10:6

Li israeletique lic spasic c'usi chopol yan velta ta stojol li Muc'ul Diose; ja' lic tunicuc yu'un li Baaletique, xchi'uc li Astarote, xchi'uc li diosetic yu'un Siria, Sidón, Moab, xchi'uc li diosetic yu'un xnich'nab Amón xchi'uc filistaetique. Ja' la scomtsanic o li Muc'ul Diose; muc xa ja'uc xtunic yu'un.

Jueces 13:1

Li israeletique lic spasic c'usi chopol yan velta ta stojol li Muc'ul Diose. Ja' yu'un li Muc'ul Diose laj yac' ochicuc ta sc'ob filistaetic cha'vinic (40) jabil.

Jueces 3:12

Li israeletique lic spasic yan velta c'usitic chopol ta stojol li Muc'ul Diose. Ja' yu'un li Muc'ul Diose laj yac'be stsatsalic li Eglón, ja' li ajvalil ta Moabe, yu'un ac'o scontrain li israeletic ta scoj ti chopol c'usi la spasique.

Jueces 3:7

Li israeletique chopol c'usi lic spasic ta stojol li Muc'ul Diose; ja' lic tunicuc yu'un li sloc'obaltac dios Baale xchi'uc li sloc'obaltac dios Aserae. Ja' la scomtsanic o li Muc'ul Diose.

Jueces 4:1

C'alal chamen xa'ox li Aode, li israeletique lic spasic yan velta c'usitic chopol ta stojol li Muc'ul Diose.

Jueces 6:1

Pero li israeletique lic spasic yan velta c'usitic chopol ta stojol li Muc'ul Diose. Jech li Muc'ul Diose laj yac' ochicuc ta sc'ob madianetic vucub jabil.

Jueces 6:25

Te no'ox ta yac'ubalil li Muc'ul Diose jech laj yalbe li Gedeone: —Tsacbo jcotuc xvacax atot, ja' li xchibal ti vucub jabil yich'oje. Bat jinesbo li scajleb smoton Baal smeltsanoj atote. Ts'eto noxtoc li te' te spajoj ti spasojbe ta sloc'obal Aserae.

Jueces 8:33

C'alal icham li Gedeone, li israeletique lic scomtsanic yan velta li Diose. Ja' lic yich'ic ta muc' li Baaletique, xchi'uc ja' la st'ujic ta sdiosic li Baal-berite.

1 Samuel 12:10

Pero ts'acal lic sna'ic ti laj xa sta smulic ta stojol li Muc'ul Diose, ti laj xa scomtsanique yu'un ja' xa itunic yu'un li Baaletique xchi'uc li Astarote. Jech lic sc'anbeic vocol ti ac'o coltaaticuc loq'uel ta sc'ob li yajcontraique; laj yalbeic ti ja' xa no'ox chich'ic o ta muc' stuque.

1 Samuel 7:3

Ja' yu'un li Samuele jech laj yalbe scotol li israeletique: “Me ta melel scotol avo'nton chasutic tal yan velta ta stojol li Muc'ul Diose, loq'uesic ta atojolic li yantic diosetic avu'unique xchi'uc li sloc'obaltac Astarote. Ja' no'ox ac'o avo'ntonic ta stojol li Muc'ul Diose; ja' no'ox stuc xavich'ic ta muc', jech chascoltaoxuc loq'uel ta sc'ob li filistaetique”, xut.

1 Samuel 7:4

Ja' yu'un li israeletique la sloq'uesic li sdiosic Baaletic xchi'uc Astarote; ja' no'ox lic tunicuc yu'un li Muc'ul Diose.