Jueces 2:10 - Bible in Tzotzil de Chenalhó with Deuterocanon

¹⁰ Scotol li israeletic ti cuxulic ta yorail Josuee ichamic ec. C'alal ilic yan jc'ol alab nich'nabetique, muc xotquinic li Muc'ul Diose xchi'uc mu'yuc xilic c'usitic la spas Muc'ul Dios ta stojol li stot sme'ique.

Bible in Tzotzil de Chamula

¹⁰ Chamic scotol xtoc ti israeletic ti buch'utic jmoj xanavic xchi'uc ti Josuee. Ja'uc ti buch'u jts'acal jch'iel jc'opojeletique, mi ja'uc xa ta staic ta na'el ti Diose. Mi ja'uc sna'beic sc'oplal ti yabtel ti laj stic' sba ta spojel ti israeletique.

Jueces 2:10 Iomraidhean Croise

Génesis 15:15

Yan li vo'ote jun avo'nton chacham ta amalubel, jech chbat achi'in li amoltotac ta vo'onee.

Génesis 25:17

Li Ismaele yich'oj xa'ox vuclajuneb svucvinic (137) jabil ti c'alal ichame. Te ibat xchi'in yo' bu mucul li smoltotaque.

Génesis 25:8

Tuc' no'ox icham ta smalubel. Te bat xchi'in li anima smoltotaque.

Génesis 49:33

C'alal laj yo'nton ta yalbel mantal xnich'nab li Jacobe, imochi yan velta ta svayab, jech te icham o.

2 Samuel 7:12

Jech c'alal tsta yorail chacham chbat achi'in atot ame'e, vu'un ta xlic jva'an junuc anich'on; ta jtic' ta ajvalilal.

1 Crónicas 28:9

Jech ec li vo'ote, jquerem Salomón, otquino me lec li Dios cu'un, vu'un li atotune. Junuc me avo'nton, yutsiluc me avo'nton tunan yu'un. Yu'un xotquin c'usi ta jnoptic; sna' c'usi oy ta co'ntontic. Me oy ta avo'nton chasa'e, chac' sba ta ilel ta atojol. Yan me chavicta comele, j'ech'el chascomtsanot o ec.

Job 21:14

Jech chalbeic li Diose: ‘Loc'an ta jtojolcutic; mu jc'an xcotquincutic li mantaletic avu'une.

Éxodo 1:6

Ts'acal to li José xchi'uc sbanquiltaque xchi'uc scotol li sba c'olal ivoq'uique icham scotolic;

Éxodo 1:8

Ts'acal i'och yan ajvalil ta Egipto; muc xa xotquin li Josee. Jech laj yalbe li egiptoetique:

Éxodo 5:2

Pero li faraone jech itac'ov: —¿Boch'o li ‘Muc'ul Diose’? ¿C'u yu'un ta jch'unbe ti tsc'an ta jloq'ues batel li israeletique? Mu xcotquin li Muc'ul Diose, xchi'uc mu'yuc ta jloq'ues batel li israeletique —xi.

Isaías 5:12

Xnic no'ox son, arpa, muc'tic arpa, vob, amaetic, xchi'uc ep pasem ya'lel ts'usub avu'unic te ta aq'uinic. Ja' mu xavac' asatic ta sq'uelel c'usi tspas li Muc'ul Diose; mu xatuc'ulanic c'u x'elan li yabtele.

Jeremías 22:16

Lec la xchapan li boch'o uts'intabilique; lec la scolta li me'onetique, jech lec ibat yu'un. ¿Me mu ja'uc jech tspas li boch'o xiyotquinune?”, xi li Muc'ul Diose.

Jeremías 31:34

Jech mu'yuc xa boch'o jech chalbe xchi'ilic, mu'yuc xa boch'o jech chalbe yuts' yalalic: ‘Tsc'an chavotquin lec li Muc'ul Diose’, mu'yuc xa boch'o xut. Yu'un scotolic chlic yotquinicun c'alal ta muc', ta biq'uit. Yu'un j'ech'el ta jch'aybe o ta co'nton li xchopolilique; mu'yuc xa ta jt'abbe o ta co'nton li smulique”, xi li Muc'ul Diose.

Jeremías 9:2

¡Oyuc boch'o yac'bun cavil te ta xocol banamil, yu'un te chbat naquicun, yu'un jech xu' ta jvoc' jba batel ta stojol li jchi'iltaque! Yu'un scotolic puru jmulaviletic; yu'un puru chopol stalelic o.

Jeremías 9:3

Li yoq'uique puru epalc'op tsjip loq'uel jech chac c'u cha'al st'ilesubil flecha. Muc ja'uc laj yac'beic yipal spasel li c'usi melel li' ta cosilaltique; solel isoquic o ta j'ech'el. Ja' yu'un jech chal li Muc'ul Diose: “Solel mu sc'an xiyotquinicun o”, xi.

Jeremías 9:5

Puru slo'lael xchi'ilic tspasic jujunic; mu'yuc boch'o melel c'usi chal. Solel nopen xa xa'yic li puru epalc'ope; ja' xa yac'oj yo'ntonic o spasel li c'usi chopole.

Números 27:13

C'alal me laj xa avil c'u x'elane, ja'o chacham. Te chbat achi'in li amoltotac ta vo'one jech chac c'u cha'al li abanquil Aarone.

San Lucas 20:32

Ts'acal to icham ec li antse.

Hechos 13:36

Pero li Davide, jna'ojtic ti ja' no'ox jayib c'ac'al itun ta stojol li xchi'iltaque, ja' ti c'u yepal c'ac'al la sc'an Dios i'abteje; ts'acal to icham. Te bat yich' muquel yo' bu mucul li stot sme'e, xchi'uc ic'a' li sbec'tale.

Deuteronomio 31:16

Li Muc'ul Diose jech lic yalbe li Moisese: “Li vo'ote po'ot xa chacham. Li achi'iltac li'i j'ech'el me chbolibic o yu'un li diosetic yu'un yanlum cristianoetic te nacajtic ta osil bu chbat yich'ique. Jech chiscomtsanicun o; ta soquesic o scotol li c'usi jchapanoj ta stojolique.

2 Tesalonicenses 1:8

Ta xyal tal xchi'uc natiquil yat c'oc', yu'un ja' chtal yac'be stoj smul li boch'otic mu xotquinic Diose, ti mu sc'an xch'unic li Lequil A'yej yu'un Cajvaltic Jesucristoe.

SUN TITO 1:16

Chalic ti xotquinic Diose pero ta sventa c'usitic tspasic chvinaj ti mu meleluque. Solel bolibenic o, jbajmantaletic o; mu'yuc stuic o ta sventa li lequil abtele.

Josué 24:31

Li israeletique ja' no'ox itunic o yu'un Muc'ul Dios ti c'alal cuxul li Josuee xchi'uc ti c'alal cuxulic ec li moletic ti laj yilic li Josuee, xchi'uc ti laj yilic scotol c'usi la spas Muc'ul Dios ta stojolique.

1 Samuel 2:12

Li xnich'nabtac Elie puru chopol viniquetic; muc xich'ic ta muc' li Muc'ul Diose,