Jueces 2:1 - Bible in Tzotzil de Chenalhó with Deuterocanon

¹ Li j'almantal yu'un Muc'ul Diose iloc' ta Gilgal; ibat ta Boquim, jech laj yalbe li israeletique: “Vu'un laj loq'uesoxuc tal ta Egipto; laj quic'oxuc tal li' ta banamil yo' bu calojbe ono'ox li amoltotaquic ta vo'onee. Jech laj calbe: ‘Mu'yuc ta jsoques c'usi jchapanoj ta atojolic,

Bible in Tzotzil de Chamula

¹ Ti yaj'ánjel Diose loc' batel ta Gilgal, bat ta Boquim, ti xi laj yalbe ya'iic ti israeletique: “Laj jloq'uesoxuc talel ta Egipto. Laj quic'oxuc talel ta banomil li'e, ti calojbe ono'ox ya'iic sc'oplal ti amolmuc'totic ti xichie: ‘Mu xch'ay ta be cu'un ti jtrate ti laj cac' ta atojolique.

Jueces 2:1 Iomraidhean Croise

Génesis 12:7

Li Muc'ul Diose te laj yac' sba ta ilel ta stojol li Abrame. Jech laj yalbe: “Li banamil li'i ja' ta xcac'beic li amomnich'nabtaque”, x'utat. Ja' yu'un li Abrame te lic spasbe jun scajleb smoton li Muc'ul Diose yu'un chich' ta muc' ta sventa ti laj yac' sba ta ilel ta stojole.

Génesis 16:13

Ta sventa ti la sc'opan sbaic xchi'uc Muc'ul Dios li Agare, jech la sa'be sbi li Diose: “Ja' Dios ti chiyilune”, xi. Yu'un jech laj yal: “Ac'o me laj yilun li Diose pero cuxulun to”, xi.

Génesis 48:16

xchi'uc ti ja' la scoltaun ta sventa li c'usitic chopole, ac'o yac'be bendición li chib queremetic li'i. Ac'o ja'uc ta sventaic ti te chich' na'ilanel o jbie, xchi'uc sbi li jmoltot Abrahame, xchi'uc sbi li jtot Isaaque. Xchi'uc ac'o boluc ep xnich'nabic; ac'o epajuc sts'unubalic ta banamil”, xi.

Salmos 89:3

C'alal oy c'usi j'ech'el laj achapan achi'uc li boch'o t'ujbil avu'une, ja' li avajtunel Davide, jech laj avalbe ta jamal:

Salmos 89:34

Mu'yuc ta jtuch' o li c'usi jchapanoje; mu'yuc ta jsutes li jc'ope.

Éxodo 14:14

Li vo'oxuque junuc avo'ntonic, yu'un ja' stuc Muc'ul Dios ta stsalboxuc li avajcontraique —xi li Moisese.

Éxodo 14:19

Li yaj'almantal Diose xchi'uc li toc ti ba'yucbe ital yu'un li israeletique ta ora la sjel ti bu oyique; te bat yac' sbaic ta spat li israeletique.

Éxodo 20:2

“Vu'un Muc'ul Diosun avu'unic. Vu'un la jloq'uesoxuc tal ta Egipto ti bu to'ox tiq'uiloxuc ta mozoile.

Éxodo 23:20

“A'yo ava'yic, ta jtac tal ta atojolic caj'almantal, yu'un ja' chaxchi'inoxuc batel ta be; ja' chayic'oxuc batel ti bu chapanbil avavilic cu'une.

Éxodo 33:14

Itac'ov li Muc'ul Diose: —Vu'un jtuc ta jchi'inot batel, xchi'uc vu'un ta xcac' acux avo'nton —xi.

Isaías 63:9

Scotol li svocolic to'oxe ja' la svocolin stuc scotol; ja' stuc ital scolta, muc yanuc boch'o la stac tal. Ta sventa slequil yutsil yo'nton la scolta, laj yic' tal, la stoy liquel; ja' jech la spasilanbe o scotol ora.

Jeremías 14:21

Ti c'u cha'al ac'o ich'biluc o ta muc' li abie, mu me xabajuncutic; mu me xasoquesbe o sc'oplal li Jerusalén ti bu oy achotleb sventa chapas mantale, ti jun no'ox yutsile. Na'o me li c'usi achapanoj ta jtojolcutique; mu me xasoques.

Levítico 26:42

Jech chlic t'abuc ta co'nton li c'usi jchapanoj jchi'uc Jacob, jchi'uc Isaac, jchi'uc Abrahame. Xchi'uc chlic t'abuc ta co'nton noxtoc li banamil bu cac'ojboxuque,

Levítico 26:44

“Ac'o me jech chc'ot ta pasel, ac'o me te oyoxuc ta yosilal li avajcontraique, muc j'ech'eluc ta jipoxuc o ta co'nton, xchi'uc muc j'ech'eluc ta jbajoxuc o, mu'yuc ta xculesoxuc o ta jyalel, yu'un mu xcac' ch'ayuc c'usi la jchapan jchi'uc li amoltotic ta vo'one, vu'un li Muc'ul Diosun avu'unique.

Zacarías 11:10

La jtsac li jte' “C'uxubinel” sbie, la jc'as. Ja' senyail ti la jlajesbe sc'oplal c'usi yaloj Dios ta stojol li yantic lume.

Malaquías 3:1

Li Muc'ul Dios ti tspas ta mantal scotol te ta vinajele jech chal: “A'yo ava'yic, ta jtac batel j'almantal cu'un, ja' chbat sjambun jbe. Jech ta ora no'ox ta xtal ochuc ta xch'ulna li Ajvalil chasa'ique. Chvul xa ta loq'uel li boch'o tacbil tal sventa chtal yal c'usi chapanbil ono'ox, ti chac'anic ac'o taluque. Le' xa nopol xtale”, xi.

Números 14:34

Li vo'oxuque cha'vinic (40) c'ac'al ay aq'uelic tal c'u x'elan li osile. Ja' chc'ataj ta avocolic, jech cha'vinic (40) jabil puru xanubal chapasic li' ta xocol banamil. Li jun c'ac'ale ja' jun jabil stojol amulic chc'ot. Jech chana'ic o ti mu lecuc ti chacontrainicune’, uto li achi'iltaque.

Deuteronomio 1:8

Yu'un laj xa cac'boxuc ta ac'obic scotol li osil le'e. Ochanic batel; ich'ic li avosilique, ja' ti laj ono'ox calbe amoltotic Abraham, Isaac, xchi'uc Jacob ta vo'one ti chcac'beic xchi'uc smomnich'nabique’, xijyututic.

Deuteronomio 4:34

¿Me oy jech yan Dios la st'uj jun lum ta scotol yantic lumetic, xchi'uc ti la spas tsots senyailtac, xchi'uc sq'uelubiltac, xchi'uc muc'tic pleitoetique? Jac'o ava'yic me oy bu ivinaj tsots svu'el, xchi'uc me oy c'usi tsots la spas ti xi'balic sba jech chac c'u cha'al la spas ta atojolic te ta Egipto li Muc'ul Dios cu'untique.

Deuteronomio 7:9

Ja' yu'un na'ic me ti ja' mero Dios stuc li Muc'ul Dios cu'untique. Jayc'oluc cristianoetic chjelov, me tsc'anic li Diose, me chch'unbeic smantaltaque; li Muc'ul Diose mu sjel yo'nton o. Persa chac' c'otuc ta pasel ta stojolic li c'usi xchapanoj ono'oxe.

Josué 3:10

Li'i ja' svinajeb ti ta melel li' xchi'inojutic li mero cuxul Diose. C'alal chijxanovutic batele, ja' stuc ta smes loq'uel scotol li canaanetic, hetetic, hevetic, ferezetic, gergesetic, amorretic, xchi'uc li jebusetique.

Jueces 11:24

Li c'usi chayac'bot ec li Quemós, ja' li dios avu'une, ja' xa avu'un chc'ot o ec. ¿Me mu jechuc? Ja' no'ox jech ec li vu'uncutique, li c'usi laj yac'bun ta jc'obcutic li Muc'ul Diose ja' xa cu'un chca'icutic o ec.

Jueces 13:2

Oy jun vinic te ta Zora liquem ta jchop yu'un Dan, Manoa sbi. Li yajnile mu sna' x'alaj, jech mu'yuc yol xnich'onic o.

Jueces 13:3

Li antse ital c'opanatuc yu'un yaj'almantal Muc'ul Dios, jech i'albat: “Vo'ote mu ono'ox xana' xa'alaj. Pero ta xlic achi'in avol; chavoq'ues jun querem.

Jueces 2:5

Ja' yu'un Boquim laj yac'beic sbi li banamile. Te lic smilbeic smoton li Muc'ul Diose.

Jueces 6:8

li Muc'ul Diose la stacbe tal jun j'alc'op, jech laj yal: “Jech chal li Muc'ul Diose, ja' li Dios yu'un Israele: ‘Vu'un la jloq'uesoxuc tal ta Egipto banamil yo' bu tiq'uiloxuc to'ox ta mozoile.