Jueces 19:9 - Bible in Tzotzil de Chenalhó with Deuterocanon

⁹ C'alal yu'un xa'ox chbatic xchi'uc li yan ants yu'une xchi'uc li smozoe, li totile jech laj yal noxtoc: —Q'uelavil, bat xa c'ac'al, mu xa jaluc sac; xquechet no'ox batel li c'ac'ale. Ja' lec comanic xa junuc ac'ubal li'i, yu'un jech jun avo'ntonic; oc'om sob xabatic —xut.

Bible in Tzotzil de Chamula

⁹ C'alal lic xchapan sba ti levitae yo' jech ta xbat xchi'uc ti yajnile xchi'uc ti smosove, albat yu'un ti smuni' ti toy xa ti c'ac'ale, ti mal xa batel ti c'ac'ale. Laj yalbe ti junuc to yo'ntonic ech'uc ti ac'ubal xchi'uque, ti ja'uc to loq'uicuc batel sob ta yoc'omale.

Jueces 19:9 Iomraidhean Croise

2 Samuel 13:28

Xchi'uc jech xa'ox yalojbe li smozotaque: “Q'uelic me lec, c'alal me laj avilic ep xa bat yuch'el vino yu'un li Amnone, me laj calboxuc ti ac'o amilique, milic ta ora. Mu me xaxi'ic, yu'un vu'un chacalboxuc mantal. Ja' yu'un tsotsanic me; mu me xaxi'ic”, xut.

Proverbios 27:1

Mu me xanop ti oy c'usi lec xu' chapas ta yoc'omale, yu'un mu xana' c'usi yich'oj tal li jun c'ac'al oc'ome.

San Lucas 24:29

Pero tsots la spajesic. Jech laj yalbeic: —Pajan li'i, chi'inuncutic, yu'un bat xa c'ac'al. Jutuc xa sc'an x'ic'ub osil —xutic. Jech te i'och chi'inaticuc yu'un li Jesuse.

Jueces 19:10

Pero li vinique muc xa sc'an xcom, jech ibatic yoxibalic xchi'uc cha'cot sburo cajajtic batel syavartaic. Te ic'otic ta stuq'uil Jebús; ja' li Jerusalene.

Jueces 19:6

Jech ichotiic xchibalic. Ive'ic, laj yuch'ic vo'. Li totile jech laj yalbe li sni'e: —Coman to junuc ac'ubal yu'un jech xcuxet avo'nton —xut.

Jueces 19:8

Ta yo'bal c'ac'al sob ilic noxtoc yu'un chbat, pero li totile laj yalbe noxtoc ti ac'o ve'uc batel jutuque yu'un jech mu xvi'naj ta be. Jech te ive'ic xchibalic; te ibat o c'ac'al yu'unic.

Rut 3:7

Li Booze te ive' laj yuch' vo', toj xcuxet yo'nton. Ts'acal ibat vayuc ta sts'el yo' bu busul li strigoe. Li Rute ta c'unc'un ital sjolbe yacan; te imochi.