Jueces 19:8 - Bible in Tzotzil de Chenalhó with Deuterocanon

⁸ Ta yo'bal c'ac'al sob ilic noxtoc yu'un chbat, pero li totile laj yalbe noxtoc ti ac'o ve'uc batel jutuque yu'un jech mu xvi'naj ta be. Jech te ive'ic xchibalic; te ibat o c'ac'al yu'unic.

Bible in Tzotzil de Chamula

⁸ Ta yo'obal xa c'ac'al un, sob xa lic ti levitae yo' ta stam batel ti sbee. Yan to velta xtoc, stot ti tsebe laj sc'anbe vocol ti ac'o ve'uc batel jutebuc ti c'alal mu to xloc' batele yo' jech noj lec xch'ut. Tey lic ve'icuc ti jech yich'oj o mal c'ac'al yu'unique.

Jueces 19:8 Iomraidhean Croise

Salmos 104:15

Ja' li ve'lil sventa tsta o stsatsalique, xchi'uc li ya'lel ts'usub sventa xcuxet no'ox yo'nton c'alal chuch'ique, xchi'uc li aceite sventa ch-ach'ub o lec sat yelovic yu'une, xchi'uc scotol li ve'liletic ti ch-ac'bat lec stsatsalic oe.

Jueces 19:5

Ta xchanibal c'ac'al sob iliquic yu'un chbatic xa. C'alal ta xa'ox xbatique, li stot tsebe jech laj yalbe li sni'e: —Ve'an batel jutuc pan, yu'un jech mu xavi'naj batel —xut.

Jueces 19:7

Li quereme ta xa'ox xbat. Pero li totile muc xlaj yo'nton ta yalbel ti ac'o to comuque, jech te icom.

Jueces 19:9

C'alal yu'un xa'ox chbatic xchi'uc li yan ants yu'une xchi'uc li smozoe, li totile jech laj yal noxtoc: —Q'uelavil, bat xa c'ac'al, mu xa jaluc sac; xquechet no'ox batel li c'ac'ale. Ja' lec comanic xa junuc ac'ubal li'i, yu'un jech jun avo'ntonic; oc'om sob xabatic —xut.