Jueces 19:6 - Bible in Tzotzil de Chenalhó with Deuterocanon

⁶ Jech ichotiic xchibalic. Ive'ic, laj yuch'ic vo'. Li totile jech laj yalbe li sni'e: —Coman to junuc ac'ubal yu'un jech xcuxet avo'nton —xut.

Bible in Tzotzil de Chamula

⁶ Va'i un, xchibalic lic chotiicuc ta ve'el uch' vo'. Laj sc'an stot ti tsebe ti junuc to yo'ntonic ech'uc yu'unic ti jun ac'ubale.

Jueces 19:6 Iomraidhean Croise

2 Samuel 13:28

Xchi'uc jech xa'ox yalojbe li smozotaque: “Q'uelic me lec, c'alal me laj avilic ep xa bat yuch'el vino yu'un li Amnone, me laj calboxuc ti ac'o amilique, milic ta ora. Mu me xaxi'ic, yu'un vu'un chacalboxuc mantal. Ja' yu'un tsotsanic me; mu me xaxi'ic”, xut.

1 Reyes 21:7

Li Jezabele jech laj yalbe li smalale: —Pero vo'ot chapas mantal li' ta Israele. Ja' lec bat ve'an; mu c'u xal avo'nton. Vu'un ta jq'uel c'u x'elan xu' chavich' li ts'usubtic yu'un Nabote —xut.

Ester 1:10

C'alal svucubal xa'ox c'ac'al li q'uine, li ajvalil Asueroe lec xa'ox q'uixnajem ta yuch'el li pasem ya'lel sts'usube, jech te lic spas ta mantal li vucub viniquetic ti chchabibeic c'usitic oy yu'une, ja' li Mehumán, Bizta, Harbona, Bigta, Abagta, Zetar, xchi'uc Carcase.

Salmos 104:15

Ja' li ve'lil sventa tsta o stsatsalique, xchi'uc li ya'lel ts'usub sventa xcuxet no'ox yo'nton c'alal chuch'ique, xchi'uc li aceite sventa ch-ach'ub o lec sat yelovic yu'une, xchi'uc scotol li ve'liletic ti ch-ac'bat lec stsatsalic oe.

San Lucas 12:19

Xu' jech chlic cal ta co'nton: Oy xa ep jve'el ta sventa ep jabil, jech xu' ta jcux xa no'ox co'nton. Chive', chcuch' xa no'ox vo' ca'tic; ta jc'upin ca'tic li c'usi oy cu'une, xu' xichi’, xi la snop li vinique.

1 Tesalonicenses 5:3

C'alal jech chal li cristianoetique: “Jun co'ntontic, mu'yuc c'usi xi'bal sba”, me xiique, ja'o ta ora no'ox chvul ta loq'uel tsots vocol ta stojolic. Ja' jech chac c'u cha'al jun ants ti ta ora no'ox chlic xa'ay c'alal oy xch'ute. Me junuc mu'yuc boch'o xu' chjatov.

Apocalipsis 11:10

Li jnaclumetic ta banamile xcuxet no'ox yo'ntonic, stse'inic no'ox ti c'alal chilic ichamic xae. Jech ta xac'anbe sba smoton jujunic. Yu'un c'alal cuxulic to'oxe, ja' laj yac'beic ep svocol li jnaclumetic ta banamile.

Apocalipsis 11:13

C'alal ja'o jech ic'ot ta pasele, ital tsots niquel. Ep ivuc' li naetic ta lume. Jun ta lajlajuneb ivuc' ta scotol. Li cristianoetique vucmil ichamic ta scoj li niquele. Li yantique ixi'ic ta jyalel; laj yalbeic slequilal li Dios ta vinajele.

Jueces 16:25

Toj xcuxet no'ox yo'ntonic, jech la sc'anic loq'uesbel tal ta stojolic li Sansone yu'un tsc'an chuts'intaic. Jech la sloq'uesic ta chuquel li Sansone; te lic yuts'intaic, la slabanic. Te laj yaq'uic ta o'lol yoyaltac na.

Jueces 19:7

Li quereme ta xa'ox xbat. Pero li totile muc xlaj yo'nton ta yalbel ti ac'o to comuque, jech te icom.

Jueces 19:9

C'alal yu'un xa'ox chbatic xchi'uc li yan ants yu'une xchi'uc li smozoe, li totile jech laj yal noxtoc: —Q'uelavil, bat xa c'ac'al, mu xa jaluc sac; xquechet no'ox batel li c'ac'ale. Ja' lec comanic xa junuc ac'ubal li'i, yu'un jech jun avo'ntonic; oc'om sob xabatic —xut.

Jueces 9:27

Jech bat stulic tal sat ts'usub; la spits'beic ya'lel. Te lic spasic jun muc'ta q'uin. Te ive'ic, i'uch'bajic ta sna li diosetic yu'unique; te lic chopolc'opojicuc ta stojol li Abimeleque.

Rut 3:7

Li Booze te ive' laj yuch' vo', toj xcuxet yo'nton. Ts'acal ibat vayuc ta sts'el yo' bu busul li strigoe. Li Rute ta c'unc'un ital sjolbe yacan; te imochi.

1 Samuel 25:36

C'alal isut batel ta stojol smalal li Abigaile, te tspas jun q'uin c'ot sta li smalale; chac' lec ve'el. Xco'laj xchi'uc spas q'uin jun ajvalil tspas. Li Nabale toj xcuxet no'ox yo'nton, yu'un yacuben xa lec. Ja' yu'un li Abigaile muc xalbe ya'ay ta ora smalal li c'usi la spase; ja' to laj yalbe ta yoc'omal.