Jueces 19:5 - Bible in Tzotzil de Chenalhó with Deuterocanon

⁵ Ta xchanibal c'ac'al sob iliquic yu'un chbatic xa. C'alal ta xa'ox xbatique, li stot tsebe jech laj yalbe li sni'e: —Ve'an batel jutuc pan, yu'un jech mu xavi'naj batel —xut.

Bible in Tzotzil de Chamula

⁵ Ta sacubel osil ta xchanibal c'ac'ale, sob xa liquic yo' ta stam batel sbeic. C'alal ta xa xloq'uic batele, stot ti tsebe xi laj yalbe ti sni'e: —Ve'an batel, ac'o mi c'ajomal jutebuc uni pan ti c'alal mu to ta xaloc' batele yo' oy lec yipal avu'un.

Jueces 19:5 Iomraidhean Croise

Génesis 18:5

Yu'un li' lajelov yo' bu nacal li avajtunele, chbat quich'boxuc tal jutuc ave'elic yu'un jech mu xa'alubic ta be ti bu chabatique —xut. —Lec oy —xi itac'ovic.

1 Reyes 13:7

Li ajvalile jech laj yalbe li j'alc'ope: —Batic ta jna; ta xcac'bot jutuc ave'el xchi'uc ta xcac'bot amoton —xi.

Salmos 104:15

Ja' li ve'lil sventa tsta o stsatsalique, xchi'uc li ya'lel ts'usub sventa xcuxet no'ox yo'nton c'alal chuch'ique, xchi'uc li aceite sventa ch-ach'ub o lec sat yelovic yu'une, xchi'uc scotol li ve'liletic ti ch-ac'bat lec stsatsalic oe.

San Juan 4:34

Li Jesuse jech laj yal: —Li jve'ele ja' ti ta jpasbe c'usi tsc'an li Boch'o la stacun tale, xchi'uc ti ac'o jvu'esbe li yabtele.

Hechos 9:19

C'alal ive'e, lic ayinuc lec stsatsal yan velta. Jech te to icom xchi'in jayibuc c'ac'al li jch'unolajeletic ta Damascoe.

Jueces 19:4

Jech li totile xcuxet no'ox yo'nton laj yic' ec li sni' c'alal laj yile; laj yalbe ti te ac'o comuque. Li leví vinic xchi'uc smozoe oxib c'ac'al te icomic ta sna stot li tsebe. Te ive'ic, laj yuch'ic vo'; te ivayic.

Jueces 19:8

Ta yo'bal c'ac'al sob ilic noxtoc yu'un chbat, pero li totile laj yalbe noxtoc ti ac'o ve'uc batel jutuque yu'un jech mu xvi'naj ta be. Jech te ive'ic xchibalic; te ibat o c'ac'al yu'unic.

1 Samuel 30:12

Laj yac'beic noxtoc juteb pan pasbil ta higo, xchi'uc chib pan pasbil ta taqui sat ts'usub. C'alal laj yo'nton ta ve'el li egipto vinique, itsatsub yo'nton, yu'un yoxibal xa c'ac'al mu'yuc c'usi la sve', mu'yuc c'usi laj yuch'.