Jueces 19:4 - Bible in Tzotzil de Chenalhó with Deuterocanon

⁴ Jech li totile xcuxet no'ox yo'nton laj yic' ec li sni' c'alal laj yile; laj yalbe ti te ac'o comuque. Li leví vinic xchi'uc smozoe oxib c'ac'al te icomic ta sna stot li tsebe. Te ive'ic, laj yuch'ic vo'; te ivayic.

Bible in Tzotzil de Chamula

⁴ Xmuyubaj xa ti totile laj yic' ochel ta yut sna. Laj yalbe ya'i ti xu' ta xcom ta stojolique. Jech ti levita xchi'uc ti smosove comic oxib c'ac'al ta sna stot ti yajnile, ti lic ve'icuc uch'ubajicuque, ti x'ech' xjelav no'ox yu'unic ta xa'iic ti ac'ubale.

Jueces 19:4 Iomraidhean Croise

Génesis 24:55

Pero li xi'mel xchi'uc sme' Rebecae jech laj yalic: —Ac'o to com xchi'inuncutic lajunebuc c'ac'al li tsebe. Ts'acal xu' chavic' batel —xiic.

Génesis 25:6

Li xnich'nabtac Abraham ta yantic ants yu'une ja' no'ox laj yac'anbe smoton. C'alal cuxul to'oxe, la svoc' loq'uel ta stojol Isaac li yantic xnich'nabe, te la stac batel ta naclej ta stuq'uil sloq'ueb c'ac'al.

Jueces 19:3

Li vinique ibat sq'uel li yajnile, bat slequilc'opan yu'un chic' sutel. Laj yic' batel jun smozo xchi'uc cha'cot sburo. Li antse laj yic' ochel ta sna stot li smalale.

Jueces 19:5

Ta xchanibal c'ac'al sob iliquic yu'un chbatic xa. C'alal ta xa'ox xbatique, li stot tsebe jech laj yalbe li sni'e: —Ve'an batel jutuc pan, yu'un jech mu xavi'naj batel —xut.