Jueces 19:3 - Bible in Tzotzil de Chenalhó with Deuterocanon

³ Li vinique ibat sq'uel li yajnile, bat slequilc'opan yu'un chic' sutel. Laj yic' batel jun smozo xchi'uc cha'cot sburo. Li antse laj yic' ochel ta sna stot li smalale.

Bible in Tzotzil de Chamula

³ jech ti levitae bat sa' ta slajesbel yo'nton yo' jech ta xcha'ic' sbaic yan velta. Laj yic' batel jun smosov xchi'uc cha'cot sburro. Ich'bil ta muc' c'ot ti vinic yu'un ti ants ta sna ti stote.

Jueces 19:3 Iomraidhean Croise

Génesis 34:3

Ts'acal la snop ti tsc'an chic' o li tsebe. Jech te la slecubtasbe yo'nton yu'un ac'o c'anatuc.

Génesis 50:21

Ja' yu'un mu me xaxi'ic. Vu'un ta xcac'boxuc ave'elic achi'uc li avalab anich'nabique —xi. Li Josee la spatbe yo'ntonic li sbanquiltaque, yu'un toj lec ti c'u x'elan la sc'opane.

Jeremías 3:1

Jech chal noxtoc li Muc'ul Diose: “Me oy jun vinic ta xicta sbaic xchi'uc yajnile, me imalij ta yan vinic li antse, ¿me chbat to yic' yan velta li vinique? ¿Me mu ja'uc no'ox tsoquesbe sc'oplal sjunul slumal me jech tspase? Ja' jech laj apas ec li vo'ote, Israel; xco'laj xchi'uc ep xa boch'o lamulivaj achi'uc. ¿Me chanop ti xu' to chasut tal ta jtojole?, xacutot vu'un li Muc'ul Diosune.

Oseas 2:14

“Ja' yu'un vu'un jtuc ta xlic jcha'c'an; ta xquic' batel ta xocol banamil, te ta jtijbe yo'nton.

Oseas 2:16

Me la sta li sc'ac'alil le'e jech chlic yalbun: ‘Jmalal’, xiyutun. Chlaj sc'oplal ti ‘Baal cu'un’, xiyutune”, xi li Muc'ul Diose.

Levítico 19:17

“Mu me stsoq'uetuc no'ox avo'ntonic yu'un li achi'ilic ta voq'uele. “Taq'uio lec li achi'ilic ti c'alal jech tsc'ane, yu'un jech mu xamaquibe ec li smule.

Levítico 20:10

“Me oy boch'o tsc'opanbe yajnil xchi'ile, ac'o yich' milel li vinic xchi'uc li antse.

Números 22:22

Li Balaame icaji batel ta sburo; ichi'inat batel yu'un chib smozotac. C'alal ibate, i'ilin li Diose. Jech la stac tal yaj'almantal bat smac ta be li Balaame.

San Mateo 1:19

Li Josee ja' lequil vinic; mu sc'an xac' ta q'uexlal li Mariae, ja' yu'un tsc'an tscomtsan ta mucul.

San Juan 8:11

Itac'ov li antse: —Mu'yuc, Cajval —xi. Li Jesuse jech laj yalbe: —Jech mu'yuc ta xcac'bot atoj ec li amule. Batan, mu xa me xasa'ilan amul —xut.]

Gálatas 6:1

Quermanotac, me oy boch'o ich'ay ta bee, vo'oxuc ti ventainbil avo'ntonic yu'un Ch'ul Espiritue, bat coltaic ta smuc'ul avo'ntonic. Q'uelo me abaic jujunoxuc, yu'un xu' jech chtal preva ta atojolic ec.

Jueces 15:1

C'alal i'ech' xa'ox jayibuc c'ac'ale, li Sansone ibat sq'uel li yajnile; ja'o ta yorail tuch' trigoaltic. Yich'ojbe batel jcot unin tentsun, jech c'ot yalbe li smuni'e: —Ch-och jq'uel li' ta scuarto li cajnile —xut. Pero li smuni'e muc xa xac' ochuc,

Jueces 19:2

Pero li antse mu'yuc jun yo'nton, jech isut batel ta sna stot te ta Belén. Chanib u te la xchi'in li stote.

Jueces 19:26

C'alal sac xa'oxe, li antse isut tal ta sna li mol yo' bu oy li smalale. Te vul yaluc ta lum ta ti'na; te icham o.

Jueces 19:4

Jech li totile xcuxet no'ox yo'nton laj yic' ec li sni' c'alal laj yile; laj yalbe ti te ac'o comuque. Li leví vinic xchi'uc smozoe oxib c'ac'al te icomic ta sna stot li tsebe. Te ive'ic, laj yuch'ic vo'; te ivayic.