Jueces 19:1 - Bible in Tzotzil de Chenalhó with Deuterocanon

¹ C'alal ja'o mu'yuc ajvalil yu'unic li israeletique, oy jun leví vinic te nacal batel ta slajeb xa vitsetic yu'un Efraín ti bu toj nom xae. Laj yic' batel yan ants yu'un. Li antse te liquem ta Belén ta yosilal Judá.

Bible in Tzotzil de Chamula

¹ Ti yorail ta vo'ne taje, ti c'alal ch'abal ajvalil yu'un ti Israele, ta vitstic ti oy ta yosilal ti Efraine, oy jun levita vinic ti nom to nacal ti stuque. Laj yic' yan ants ti nacal ta Belén ti oy ta Judae.

Jueces 19:1 Iomraidhean Croise

Génesis 22:24

Jech noxtoc li Nacore oy xnich'nab ta yan ants yu'un, ja' li Reumae. Li yol xnich'onique ja' li'i: Teba, Gaham, Tahas, xchi'uc Maaca.

Génesis 25:6

Li xnich'nabtac Abraham ta yantic ants yu'une ja' no'ox laj yac'anbe smoton. C'alal cuxul to'oxe, la svoc' loq'uel ta stojol Isaac li yantic xnich'nabe, te la stac batel ta naclej ta stuq'uil sloq'ueb c'ac'al.

Génesis 35:19

Ja' jech ic'ot ta pasel c'alal icham li Raquele. Te la smuquic comel ta sbelal Efrata, ja' li Belén sbi ta orae.

2 Samuel 16:22

Jech lic yaq'uic jun carpana sventa Absalón te ta yamaq'uil jolna. Te ta sat scotol israeletic lic xchi'inbe ta vayel yajniltac stot li Absalone.

2 Samuel 19:5

Ja' yu'un li Joabe ibat ta stojol li ajvalile, jech c'ot yalbe: —Li' ta orae chavac' ta q'uexlal scotol li avinictac ti la scoltaot yo' jech cuxulot toe, xchi'uc ti jech cuxulic to li aquerem atsebetic, li avajniltac xchi'uc li yantic antsetic avu'une.

2 Samuel 20:3

C'alal isut batel ta spasubmantal te ta Jerusalén li Davide, c'ot yic'an li lajuneb antsetic yu'un ti scomtsanoj ta xchabiel li na bu tspas mantale. Laj yac'be jbej snaic, pero lec chabibilic. La sventain lec, pero mu'yuc la xchi'in sba xchi'uc. Icomic o jech chac c'u cha'al me'on antsetic; te no'ox macalic o ta na c'alal to ichamic.

2 Samuel 3:7

Li Saule oy yan ants yic'oj, Rizpa sbi; ja' stseb Aja. Li Is-bosete jech laj yalbe li Abnere: —¿C'u yu'un laj ac'opanbe li yan ants yu'un anima jtote? —xut.

2 Samuel 5:13

C'alal iloc' batel ta Hebrón li Davide, te ic'ot nacluc ta Jerusalén; te la sa' ep yajnil xchi'uc yan antsetic yu'un. Te ivoc' ep squeremetic stsebetic.

1 Reyes 11:3

Ja' oy vucub ciento (700) li yajnile; ja' oxib ciento (300) yan antsetic yu'un, jech isocbat o yo'nton yu'un li yajniltaque.

1 Reyes 4:8

Li yan lajchab (12) j'abteletique ja' jech sbiic: Ben-Hur, ja' la sventain ta vitsetic yu'un Efraín;

2 Crónicas 11:21

Li Roboame ja' toj lec la sc'an li Maaca stseb Absalone; ja' jutuc no'ox sc'anoj li yantic yajniltaque. Yu'un oy vaxaclajuneb (18) yajniltac, xchi'uc oxvinic (60) yantic antsetic yu'un. Jech oy vaxquib xcha'vinic (28) squeremetic; oy oxvinic (60) stsebetic.

Ester 2:14

Ta bat c'ac'al chbatic ta stojol li ajvalile, ta yoc'omal te xa chbatic ta yan jbej snail antsetic li boch'o lec i'ilate, ti oy ta sventa chchabi li Saasgaz, ja' li boch'o chchabibe yan antsetic yu'un ajvalile. Mu'yuc xa chbatic ta stojol ajvalil yan velta; ja' xa no'ox ti bu junucal ic'ot ta yo'nton li ajvalile ja' chlic tstac ta iq'uel.

Malaquías 2:15

¿Me mu junuc no'ox abec'talic, ach'ulelic laj yac'boxuc li Diose? Ti jech jun la spasoxuc li Diose ¿c'usi oy ta yo'nton? Yu'un tsc'an ti voc'bil chcom o li avalab anich'nabique, ja' yu'un q'uelo me abaic; mu me xavuts'intaic, mu me xamacbeic sat li avajnilic ta aqueremalique.

San Mateo 2:6

‘Vo'ot Belén, te ta yosilal Judá; mu'yuc biq'uitot ta stojol li muc'tic lumetic ta Judae. Yu'un ja' te ta xloc' ta atojol jun Ajvalil; ja' ta xlic sventainoxuc vo'oxuc li israeloxuque’, xi ono'ox li Diose —xiic li paleetique.

Josué 24:30

Te la smuquic ta yosil stuc te ta Timnat-sera ta vitsetic yu'un Efraín ti te xcom ta stuq'uil norte yu'un li vits Gaase.

Josué 24:33

C'alal icham ec li Eleazar, ja' li xnich'on Aarone, te la smuquic ta sts'ubts'ubil yosil xnich'on, ja' li Fineese. Ja' te ta vitsetic yu'un li Efraine.

Jueces 12:8

C'alal icham li Jeftee, ja' i'och ta jchapanvanej yu'un israeletic jun vinic liquem ta Belén, Ibzán sbi.

Jueces 17:1

Oy jun vinic te nacal ta vitsetic yu'un Efraín, Micaía sbi.

Jueces 17:6

Yu'un ja'o yorail mu'yuc ajvalil yu'unic li israeletique jech ta jujuntal lic spasic li c'usi lec cha'yique.

Jueces 17:7

Oy jun querem te ta Belén; ja' no'ox te xnabet ta stojol li jchop liquemic ta Judae. Ja' leví querem.

Jueces 17:8

Li quereme iloc' tal ta Belén, yu'un tal sa' yan bu xu' chnaqui. Te ixanov tal ta vitsetic yu'un Efraín; te ivul ta loq'uel ta sna Micaía.

Jueces 18:1

C'alal jech ic'ot ta pasele, ja'o mu'yuc ajvalil yu'unic li israeletique. Jech noxtoc li jchop liquemic ta Dane la sa'ilanic bu xu' ta xnaquiic, yu'un mu'yuc staoj yosil stuquic te ta stojol li yantic israeletique.

Jueces 18:13

Te iliquic batel noxtoc; ibatic ta vitsetic yu'un Efraín. Te ic'otic ta sna li Micaiae.

Jueces 19:16

Ts'acal te ijelov jun mol, yu'un ic' xa isut batel ta yabtel. Li mole te liquem tal ta vitsetic yu'un Efraín. Jch'om osil no'ox c'otem ti te nacale. Yu'un li yajvaltac Gabaae ja' yalab xnich'nab Benjamín.

Jueces 19:2

Pero li antse mu'yuc jun yo'nton, jech isut batel ta sna stot te ta Belén. Chanib u te la xchi'in li stote.

Jueces 21:25

C'alal jech orae, mu'yuc ajvalil yu'unic li israeletique, jech ta jujuntal la spasic li c'usi lec cha'yique.

Jueces 3:27

C'alal te xa'ox ochem ta Seirat li Aode, lic sjupan xcachu te ta vits yu'un Efraín. Jech scotol israeletic iyalic batel; ja' ba'yucbe ibat yu'unic li Aode.