Jueces 18:8 - Bible in Tzotzil de Chenalhó with Deuterocanon

⁸ Li vo'ob viniquetique isutic tal yo' bu comenic li xchi'iltaquic te ta Zora xchi'uc ta Estaole. Jech c'ot jac'baticuc: —¿C'u x'elan avilic? —xiic. Itac'ovic:

Bible in Tzotzil de Chamula

⁸ Va'i un, ti vo'ob jpa'ivanejetique sutic batel ta o'lol yu'un ti Zora xchi'uc ti Estaole, ti bu comem ti yan xchi'ilique, ti xi jac'batic yu'une: —¿C'u s'elan laj avilic un? Xi laj staq'uique:

Jueces 18:8 Iomraidhean Croise

Josué 15:33

Li lumetic la staic te ta stenlejaltique ja' li'i: Estaol, Zora, Asena,

Jueces 13:2

Oy jun vinic te ta Zora liquem ta jchop yu'un Dan, Manoa sbi. Li yajnile mu sna' x'alaj, jech mu'yuc yol xnich'onic o.

Jueces 16:31

Te italic xchi'iltac ta voq'uel li Sansone xchi'uc li yuts' yalaltaque, tal yich'beic batel li sbec'tale; bat smuquic te ta smuquinal Manoa, ja' li stote. Li smuquinalique ja' cacal ta o'lol yu'unic li Zora xchi'uc Estaole. Li Sansone jtob (20) jabil i'och ta jchapanvanej yu'un li israeletique.

Jueces 18:11

Jech iloq'uic batel ta Zora xchi'uc ta Estaol vaquib ciento (600) viniquetic ti liquemic ta Dane; lec chapalic batel xchi'uc yabtejebic.

Jueces 18:2

C'alal te oyic ta Zora xchi'uc ta Estaole, la staquic batel vo'ob viniquetic ti lec tsots yo'ntonique, yu'un ja' chbat sq'uelic tal c'u x'elan li banamile. Jech laj yalbeic batel: —Batanic, bat q'uelic tal c'u x'elan li banamile —xutic. Jech ibatic ta vitsetic te ta yosilal Efraín. Te ic'otic ta sna li Micaiae; te ivayic.

Jueces 18:7

Jech iloq'uic batel; ibatic ta lum Lais. Li cristianoetic tee jun no'ox yo'ntonic jech chac c'u cha'al stalelic ono'ox li sidonetique. Mu sna'ic me oy boch'o chbat uts'intaaticuc, yu'un mu'yuc c'op cha'yic.

Jueces 18:9

—La jxancutic lec scotol li banamile, pero toj lec. Batic, bat ochcutic te. Mu me li'uc no'ox ch'anxi chotol xacomic. Bat jpojtic li banamil le'e.