Jueces 18:3 - Bible in Tzotzil de Chenalhó with Deuterocanon

³ C'alal nopol xa'ox x'ech'ic ta sna li Micaiae, laj ya'ibeic ta sc'op ti ja' leví te oye, jech bat sjac'beic: —¿Boch'o laj yic'ot tal li'i? ¿C'u yu'un ti latal li' ta banamile? ¿C'usi tal asa'? —xutic.

Bible in Tzotzil de Chamula

³ Ti nopol xa oy sna ti Micaíae, ta sc'opojel no'ox laj ya'iic ti nacal jun levita querem vinique, ti xi bat sjac'beique: —¿Buch'u laj yic'ot talel li'e? ¿C'u cha'al li' oyote? ¿C'usi ta xasa' li'e?

Jueces 18:3 Iomraidhean Croise

Génesis 27:22

Li Jacobe te inopaj batel yu'un ac'o picatuc yu'un li stote. Li Isaaque jech laj yal: “Ja' snuc' Jacob ya'yel, pero li sc'obe ja' Esaú ya'yel noxtoc”, xi.

Isaías 22:16

‘¿Boch'o laj yac'bot ta ac'ob li'i, boch'o laj yalbot ti xu' chapas amuquinal li'i, ti xu' chajoc' ch'en ti bu lec toyole, ti xu' chavom ton sventa chacux avo'ntone?

San Mateo 26:73

Ta jliquel inopajic tal ta stojol Pedro li boch'otic te oyique, jech laj yalbeic: —Ta melel, ja' ono'ox achi'il li Jesuse, yu'un lec xvinaj ta ac'op —xutic.

Jueces 12:6

jech chalbeic noxtoc: “Shibolet”, chian ca'tic, xutic. “Sibolet”, me xie, te no'ox tsmilic o ta xtuch'ubil uc'um Jordán, yu'un cha'yic ti mu xloc' yu'une. Jech te ichamic chib yoxvinic ta mil (42,000) li boch'otic liquemic ta Efraine.

Jueces 18:2

C'alal te oyic ta Zora xchi'uc ta Estaole, la staquic batel vo'ob viniquetic ti lec tsots yo'ntonique, yu'un ja' chbat sq'uelic tal c'u x'elan li banamile. Jech laj yalbeic batel: —Batanic, bat q'uelic tal c'u x'elan li banamile —xutic. Jech ibatic ta vitsetic te ta yosilal Efraín. Te ic'otic ta sna li Micaiae; te ivayic.

Jueces 18:4

Li leví vinique te lic yal c'usi la xchapanic xchi'uc li Micaiae, xchi'uc c'usi chapal yu'unic ti jech ch-abtej ta paleal yu'unique.