Jueces 18:2 - Bible in Tzotzil de Chenalhó with Deuterocanon

² C'alal te oyic ta Zora xchi'uc ta Estaole, la staquic batel vo'ob viniquetic ti lec tsots yo'ntonique, yu'un ja' chbat sq'uelic tal c'u x'elan li banamile. Jech laj yalbeic batel: —Batanic, bat q'uelic tal c'u x'elan li banamile —xutic. Jech ibatic ta vitsetic te ta yosilal Efraín. Te ic'otic ta sna li Micaiae; te ivayic.

Bible in Tzotzil de Chamula

² Jech o xal snitilultac ti Dane, ta Zora to xchi'uc ta Estaol to, laj staquic batel vo'ob (5) tsatsaquil viniquetic yo' ta xtunic ta jpa'ivanej ta xchajel ta q'uelel ti banomile. Ti vo'ob jpa'ivanejetic taje ech'ic ta vitstic ti bu oy yosil ti Efraine, ti c'otic ta sna ti Micaía ti ech' yu'unic ti ac'ubaltic ti bu taje.

Jueces 18:2 Iomraidhean Croise

Génesis 42:9

Li Josee te it'ab ta yo'nton li xvayech ono'ox ta vo'onee. Jech lic yalbe li sbanquiltaque: —Li vo'oxuque jpamuc'tavanejoxuc no'ox. Ja' no'ox tal aq'uelic c'u x'elan xu' avu'unic chatsalic li jlumalcutique —xut.

Proverbios 20:18

Li c'usi ta jnoptique ta xc'ot ta pasel ti me lec nopbile; li pleitoe xu' cu'untic ti me lec chapanbile.

Números 13:17

Li Moisese, la stac batel ta sq'uelel li Canaán banamile. Jech laj yalbe batel: —Batanic te ta Néguev, te xamuyic batel ta vitsetic.

San Lucas 14:31

Jech noxtoc, me oy jun ajvalil chbat spasic pleito xchi'uc yan ajvalile, tsc'an ba'yuc ta snop lec me stsal yu'un yajcontra ta lajunmil (10,000) yajsoldado ti ja' jtob ta mil yajsoldado (20,000) li yajcontrae.

Josué 15:33

Li lumetic la staic te ta stenlejaltique ja' li'i: Estaol, Zora, Asena,

Josué 19:41

Li yosilalic la staique ja' te oy li lumetic li'i: Zora, Estaol, Ir-semes,

Josué 2:1

C'alal te oyic ta Sitime, li Josuee la stac batel ta mucul chib viniquetic jech laj yalbe batel: “Bat q'uelic tal c'u x'elan li banamile xchi'uc li lum Jericoe”, xut. Jech ibatic, te ic'otic ta sna jun jmulavil ants, Rahab sbi; te ivayic ta sna.

Josué 2:2

Pero oy boch'o bat yalbe li ajvalil te ta Jericoe. Jech c'ot yalbe: —Oy jayibuc israeletic ivulic ta ac'ubaltic, yu'un tal spamuc'taic c'u x'elan li cosilaltique —xutic.

Jueces 13:2

Oy jun vinic te ta Zora liquem ta jchop yu'un Dan, Manoa sbi. Li yajnile mu sna' x'alaj, jech mu'yuc yol xnich'onic o.

Jueces 13:25

Li espíritu yu'un Muc'ul Diose laj yac' sba ta ilel ta stojol Sansón te ta carpanaetic yu'un Dan ti cacal ta o'lol yu'un Zora xchi'uc Estaole.

Jueces 16:31

Te italic xchi'iltac ta voq'uel li Sansone xchi'uc li yuts' yalaltaque, tal yich'beic batel li sbec'tale; bat smuquic te ta smuquinal Manoa, ja' li stote. Li smuquinalique ja' cacal ta o'lol yu'unic li Zora xchi'uc Estaole. Li Sansone jtob (20) jabil i'och ta jchapanvanej yu'un li israeletique.

Jueces 17:1

Oy jun vinic te nacal ta vitsetic yu'un Efraín, Micaía sbi.

Jueces 18:11

Jech iloq'uic batel ta Zora xchi'uc ta Estaol vaquib ciento (600) viniquetic ti liquemic ta Dane; lec chapalic batel xchi'uc yabtejebic.

Jueces 18:13

Te iliquic batel noxtoc; ibatic ta vitsetic yu'un Efraín. Te ic'otic ta sna li Micaiae.

Jueces 18:3

C'alal nopol xa'ox x'ech'ic ta sna li Micaiae, laj ya'ibeic ta sc'op ti ja' leví te oye, jech bat sjac'beic: —¿Boch'o laj yic'ot tal li'i? ¿C'u yu'un ti latal li' ta banamile? ¿C'usi tal asa'? —xutic.

Jueces 18:8

Li vo'ob viniquetique isutic tal yo' bu comenic li xchi'iltaquic te ta Zora xchi'uc ta Estaole. Jech c'ot jac'baticuc: —¿C'u x'elan avilic? —xiic. Itac'ovic:

Jueces 19:1

C'alal ja'o mu'yuc ajvalil yu'unic li israeletique, oy jun leví vinic te nacal batel ta slajeb xa vitsetic yu'un Efraín ti bu toj nom xae. Laj yic' batel yan ants yu'un. Li antse te liquem ta Belén ta yosilal Judá.

Jueces 19:18

Itac'ov: —Chijelovcutic no'ox batel. Te lilicutic tal ta Belén ta yosilal Judá, yu'un chibatcutic ta slajeb xa vitsetic yu'un Efraín ti bu toj nom xae yu'un ja' to te nacalun. Te li'aycutic tal ta Belén; li'i suteluncutic xa batel ta jnacutic. Pero mu'yuc boch'o chiyic'uncutic ochel ta vayel ta sna.