Jueces 17:4 - Bible in Tzotzil de Chenalhó with Deuterocanon

⁴ C'alal laj xa sutesbe staq'uin sme' li Micaiae, li me'ile bat yac'be chib ciento (200) ta sep saquil taq'uin li boch'o sna' smeltsanel c'usiticuc ta saquil taq'uine. Laj yalbe ti ac'o spas jun dios ti lec bisbil smuc'ule, xchi'uc ac'o xpix ta saquil taq'uin. C'alal imeltsaje, li me'ile te bat yac' ta sna li Micaiae.

Bible in Tzotzil de Chamula

⁴ C'alal laj xa yac'be sutel taq'uin sme' ti Micaiae, jech ti me'ile bat yac' lajunvinic (200) ta sep plata taq'uin ta stojol jun j'unijesej-taq'uin yo' ta smeltsan ta loc'tael jun loc'obbail dios ti bonbil ta plata taq'uine. Ti mi laj une, ta xbat yac' ta sna Micaías ti mi meltsaj xae.

Jueces 17:4 Iomraidhean Croise

Isaías 30:22

Jech chlic abajic o li sloc'obal adiosic apasojic ta saquil taq'uine xchi'uc li bic'tal loc'ometic apasojic ta c'anal taq'uine; chajipic o batel jech chac c'u cha'al li c'usi toj i'lal sbae.

Isaías 44:13

Li carpinteroe ta stsac jun sregla, chac'be lec senyail ta lápiz. Ts'acal chlic xch'ul lec, chlic sloc'ta jun vinic; lec xa c'upil sba chbat yu'un, chbat sva'an ta xch'ulna.

Habacuc 2:18

¿C'usi stu li loc'om ti lec xa meltsajem yu'un li boch'o tspase? ¿C'usi stu li c'usi loc'tabil ta unijesbil taq'uin ti ja' no'ox chlo'lavane? Li sloc'obal diosetic ti mu xc'opojique ¿c'u yu'un ti ja' xa spatoj yo'ntonic yu'un li boch'otic tspasique?

Deuteronomio 27:15

‘Ac'o ac'batuc stoj li boch'o ta spasbe sloc'obal c'usitic chich' ta muq'ue, o me oy c'usi yan tsloc'taic ti pasbil ta unijesbil taq'uin yu'un jtentaq'uine, xchi'uc ti chaq'uic ta nac'alaltique. Li boch'o jech tspase toj chopol chil li Muc'ul Diose’, ac'o xiicuc. ‘Jechuc’, ac'o xiicuc scotol li jchi'iltactique.

Jueces 17:5

Li Micaiae oy sna yo' bu chich' ta muc' li sdiostaque, xchi'uc la spas jlic mocan c'u'il sventa pale xchi'uc diosetic sventa yajnil xnich'nab. Xchi'uc la st'uj jun xnich'on; laj yac'be yabtel ta paleal.

Jueces 18:17

Li vo'ob viniquetic ti i'ay sq'uelic ba'yuc li osile i'ochic ta na; la stsaquic loq'uel li sloc'obal sdiosic lec bisbil smuc'ule, ti macbil lec ta saquil taq'uine, xchi'uc li mocan c'u'ile, xchi'uc li yantic diosetic te oy ta snae. Yan li palee ja'o te comen ta ti'na xchi'uc li vaquib ciento (600) viniquetique.