Jueces 17:1 - Bible in Tzotzil de Chenalhó with Deuterocanon

¹ Oy jun vinic te nacal ta vitsetic yu'un Efraín, Micaía sbi.

Bible in Tzotzil de Chamula

¹ Ta vitstic ti ta yosil ti Efraine, nacal jun vinic ti sbiinoj Micaíae,

Jueces 17:1 Iomraidhean Croise

1 Reyes 4:8

Li yan lajchab (12) j'abteletique ja' jech sbiic: Ben-Hur, ja' la sventain ta vitsetic yu'un Efraín;

Josué 15:9

Te xjoyij tal ta jolvits c'alal to ta nio'etic ta Neftoa. Ts'acal te xc'ot ta lumetic ta vits Efrón; te xjelov batel ta Baala, ti Quiriat-jearim yan sbie.

Josué 21:21

Xchi'uc ja' i'ac'batic noxtoc li lum Siquem te ta vitsetic yu'un Efraine, ja' li snac'ubbail boch'o chmilvanique, xchi'uc lum Gezer,

Josué 24:30

Te la smuquic ta yosil stuc te ta Timnat-sera ta vitsetic yu'un Efraín ti te xcom ta stuq'uil norte yu'un li vits Gaase.

Jueces 10:1

C'alal chamen xa'ox li Abimeleque, ilic jun vinic, Tola sbi; ja' liquem ta jchop yu'un Isacar. Ja' xnich'on Fúa; ja' smomnich'on Dodo. Ja' lic scolta scotol li israeletique. Li Tolae te nacal ta Samir ta vitsetic yu'un Efraín.

Jueces 16:31

Te italic xchi'iltac ta voq'uel li Sansone xchi'uc li yuts' yalaltaque, tal yich'beic batel li sbec'tale; bat smuquic te ta smuquinal Manoa, ja' li stote. Li smuquinalique ja' cacal ta o'lol yu'unic li Zora xchi'uc Estaole. Li Sansone jtob (20) jabil i'och ta jchapanvanej yu'un li israeletique.

Jueces 17:2

Jech laj yalbe li sme'e: —Li jmil xchi'uc vo'vinic (1,100) ta sep saquil taq'uin ich'ay avu'un chavale, ti lachopolc'opoj o ta stojol li j'eleq'ue, pero vu'un li' quich'oj li taq'uine; vu'un laj quelc'an. Ta jsutesbot, yu'un laj ca'ay ti laj aval ti avoc'oj xa ta sventa Muc'ul Dios, yu'un chavac' ta pasel jun dios avu'un ti lec bisbil smuc'ule xchi'uc ti lec pixbil ta saquil taq'uine —xut. Jech la sutesbe li saquil taq'uine. Li sme'e jech laj yal: —Ac'o yac'bot bendición li Muc'ul Diose, col —xut.

Jueces 18:13

Te iliquic batel noxtoc; ibatic ta vitsetic yu'un Efraín. Te ic'otic ta sna li Micaiae.

Jueces 18:2

C'alal te oyic ta Zora xchi'uc ta Estaole, la staquic batel vo'ob viniquetic ti lec tsots yo'ntonique, yu'un ja' chbat sq'uelic tal c'u x'elan li banamile. Jech laj yalbeic batel: —Batanic, bat q'uelic tal c'u x'elan li banamile —xutic. Jech ibatic ta vitsetic te ta yosilal Efraín. Te ic'otic ta sna li Micaiae; te ivayic.

Jueces 3:27

C'alal te xa'ox ochem ta Seirat li Aode, lic sjupan xcachu te ta vits yu'un Efraín. Jech scotol israeletic iyalic batel; ja' ba'yucbe ibat yu'unic li Aode.