Jueces 16:9 - Bible in Tzotzil de Chenalhó with Deuterocanon

⁹ Li Dalilae te xa'ox nac'al yu'un viniquetic ta yut sna. C'alal chucul xa'ox yu'une, jech laj yal: —¡Sansón, ta xa xtal stsacot li filistaetique! —xut. Li Sansone la xtuch' ta ora li aq'uetique; xco'laj no'ox xchi'uc c'aq'uem no laj ya'ay. Ja' yu'un li filistaetique muc sna'ic c'u x'elan oy stsatsal li Sansone.

Bible in Tzotzil de Chamula

⁹ Jech ti stuc une scaj-nac'oj xa ono'ox ochel jun chibuc viniquetic ti ta yut na ti xi lic avanuque: —¡Sansón, q'uelo aba yu'un ti filisteoetique! Ja'uc ti Sansone, co'ol to s'elan jun c'aq'uemal balbil poc' laj ya'i ti laj stuch' ti xchucobile. Mi ja'uc laj sna'ic ti filisteoetic ti bu ta xlic talel ti mu albajuc ti yipal yu'une.

Jueces 16:9 Iomraidhean Croise

Salmos 58:9

Ta anil no'ox ac'o lajicuc jech chac c'u cha'al ch'ix ti ta anil no'ox chc'ac', ti mu'yuc c'usi chc'ac'ub yu'une. Ja' jech ta anil no'ox ac'o lajicuc, ac'o ulicuc; ac'o yich'ic cuchel batel ta tsatsal ic'al vo'.

Jueces 15:14

Laj yiq'uic batel c'alal ta Lehi. C'alal laj yilic li filistaetique, xcuxet no'ox yo'ntonic; x'avlajetic no'ox bat snupic tal ta be. Pero li Sansone ta ora i'ac'bat stsatsal yu'un espíritu yu'un Muc'ul Dios, jech ivu' yu'un la xtuch' li lasuetique; xco'laj no'ox xchi'uc c'aq'uem te'el lino laj ya'ay. Li xmochbenaltaque te xbajlajet yalel ta sc'ob.

Jueces 16:10

Li Dalilae jech laj yalbe li Sansone: —¡Laj alo'laun; mu meleluc li c'usi laj avale! Avocoluc albun ta jamal c'u x'elan xu' chavich' chuquel —xut.

Jueces 16:7

Itac'ov li Sansone: —Me ta xchuquicun ta vuclic ac' ti yoxic toe, ta xch'ay li jtsatsale; co'ol xa chic'ot jech chac c'u cha'al yantic viniquetic ti mu'yuc tsots slomoique —xi.

Jueces 16:8

Li banquilaletic yu'un filistaetique laj yich'beic batel vuclic yaxal ac' li Dalilae. Jech li Dalilae ja' la xchuc o li Sansone.