Jueces 16:5 - Bible in Tzotzil de Chenalhó with Deuterocanon

⁵ Li banquilaletic yu'un filistaetique jech bat yalbeic li Dalilae: —Lo'lao li Sansone; jots'ol jaq'uilanbo c'u yu'un ti toj tsots slomoe, xchi'uc c'u x'elan xu' ta jtsalcutic, yu'un jech xu' ta jchuccutic. Chacac'botcutic lec atojol; ta xcac'cutic jmil xchi'uc vo'vinic (1,100) ta sep saquil taq'uin jujununcutic —xutic.

Bible in Tzotzil de Chamula

⁵ Ti banquilaletic yu'un ti filisteoetique xi c'ot yalic ti c'alal bat sq'uelic ti Dalilae: —Lo'labo yo'nton ti Sansone. T'uno ta jac'bel ca'itic bu ta xlic talel ti yipal ti mu albajuc xu' yu'une. Jac'bo ca'itic c'usi ta utel ti tsalbil ta xc'ote yo' jech xu' ta jchuccutic ti mu ja'uc xa ta xcol batele. Ta sventa ti avabtel taje, ta xacac'becutic buluchib ciento (1,100) ta sep plata taq'uin ti jujununcutique.

Jueces 16:5 Iomraidhean Croise

Génesis 33:16

Jech ta jun c'ac'al isut ta Seir li Esaue.

Miqueas 7:3

Ja' xa no'ox yabtelic o spasel li c'usitic chopole: li banquilaletique ta persa tsc'an smotonic; li jchapanvanejetique ta taq'uin chchapanvanic; li boch'otic muc' chac' sbaique ja' xa no'ox tspasic li c'usitic tsc'an yo'ntonique, jech te ta soc o yu'unic li lume.

San Mateo 26:15

Jech laj yalbe: —¿C'usi chavac'bicun me chacac'boxuc ta ac'obic li Jesuse? —xut. Jech te laj yac'beic lajuneb xcha'vinic (30) ta sep saquil taq'uin.

Josué 13:3

ti te xlic ta uc'um Sihor ta stuq'uil sloq'ueb c'ac'al yu'un Egiptoe, c'alal to ta sts'aquil yosilal Ecrón ta stuq'uil norte. Li banamil le'e albil sc'oplal ti ja' yosilal canaanetique. Ja' te oy li vo'ob lum ti ja' mero banquilaletic yu'un li filistaetique, ja' li Gazae, li Asdode, li Ascalone, li Gate, xchi'uc li Ecrone. Xchi'uc te to icom avu'un noxtoc li yosilal avetic

Jueces 14:15

Ta xchanibal c'ac'al jech laj yalbeic yajnil li Sansone: —Tsatsal jac'bo amalal c'usi smelol li lo'il laj yale. Me mu xapase, ta xajchic'cutic ta c'oc' xchi'uc sna atot tana. Ma'uc yu'un laj avic'uncutic tal li'i ti me'on xa chisutcutic batel avu'unique —xutic.

Jueces 16:4

Ts'acal to li Sansone lec laj yil jun tseb te nacal ta stenlejaltic Sorec, Dalila sbi.

Jueces 16:6

Li Dalilae jech lic yalbe li Sansone: —Avocoluc albun ca'ay c'uxi chavut ti toj tsots alomoe, xchi'uc c'u x'elan xu' chavich' chuquel chavich' tsalel —xut.

Jueces 17:2

Jech laj yalbe li sme'e: —Li jmil xchi'uc vo'vinic (1,100) ta sep saquil taq'uin ich'ay avu'un chavale, ti lachopolc'opoj o ta stojol li j'eleq'ue, pero vu'un li' quich'oj li taq'uine; vu'un laj quelc'an. Ta jsutesbot, yu'un laj ca'ay ti laj aval ti avoc'oj xa ta sventa Muc'ul Dios, yu'un chavac' ta pasel jun dios avu'un ti lec bisbil smuc'ule xchi'uc ti lec pixbil ta saquil taq'uine —xut. Jech la sutesbe li saquil taq'uine. Li sme'e jech laj yal: —Ac'o yac'bot bendición li Muc'ul Diose, col —xut.

Jueces 3:3

Ja' te icomic li vo'ob banquilaletic yu'un filistaetique, xchi'uc scotol li canaanetique, li sidonetique, xchi'uc li hevetic ti te nacajtic ta vitsetic ta Líbano xlic ta vits Baal-hermón xc'ot c'alal to ta Hamate.

1 Samuel 29:6

Li Aquise laj yic' li Davide, jech laj yalbe: —Ta stojol cuxul Muc'ul Dios chacalbot, ta melel vo'ot tuq'uil vinicot. Toj lec chquil c'u x'elan laj apas aba te ta carpanaetic cu'uncutic. Ti sjayibal xa c'ac'al lavul ta jtojole, me jutuc mu'yuc c'usi chopol jtaojbot. Pero li banquilaletic yu'un jchi'iltaque mu lecuc chayiloxuc.