Jueces 16:2 - Bible in Tzotzil de Chenalhó with Deuterocanon

² C'alal laj ya'yic yajvaltac lum ti te xa c'otem li Sansone, ital setuic sbejel ac'ubal; la xchabiic lec li sti' scoralil lume. Sbejel ac'ubal ch'anxiic, yu'un la snopic ti ta sacubel osil xu' ta smilique.

Bible in Tzotzil de Chamula

² C'alal laj ya'iic ti jnaclejetic ta Gaza ti oy ta jteclum ti Sansone, sjunul c'ac'al xvoletic batel ti laj stsob sbaic ta spa'iel ta sti' ti jteclume. Ja'uc ti ta ac'ubaltique, bat vayicuc, yu'un laj snopic ti c'alal mi sacubel ti osile, ta smilic.

Jueces 16:2 Iomraidhean Croise

San Mateo 21:38

Pero c'alal laj yilic boch'o sventainojic ti ja' xa xnich'on yajval osil itale, jech laj yalbe sbaic: ‘Le'e ja' xa ta xich'be comel c'usitic oy yu'un li stote. Ja' lec jmiltic, jech vu'utic ta xquich'betic o comel li c'usi sc'oplal chich'e’, xut sbaic.

San Mateo 27:1

C'alal isacube, scotol li banquilal paleetique xchi'uc li jchapanvanejetique, la xchapanic c'usi chalic sventa xu' chaq'uic o ta milel li Jesuse.

San Lucas 21:20

“C'alal chavilic li' xa joyibtabil ta soldadoetic li lum Jerusalene, na'ic me ti yu'un laj xa sta yorail ta chich' vuq'uesele.

Hechos 23:15

Ja' yu'un vo'oxuc li jchapanvanejoxuc ta ch'ulnae, avocolicuc albeic mero banquilal soldado ti ac'o yic' loq'uel tal ta atojolic li Pabloe. Albeic ti oy c'usi lec chac'an chajac'beic ta sventa li smul tic'bile. Li vu'uncutique chapaluncutic xa sventa ta jmaccutic ta be —xutic.

Hechos 9:24

Pero li c'usi la xchapanique laj ya'ay li Sauloe. Ta c'ac'al, ta ac'ubal te la smalaic ta ti'coralton yu'un li lume.

Jueces 15:18

Li Sansone solel taquin yo'nton laj ya'ay, ja' yu'un jech laj yalbe li Muc'ul Diose: “Vo'ot laj avac'bun li muc'ul coltael avu'une. Pero ¿c'u yu'un ti li' xa chavac' chamcun ta taqui-o'nal, xchi'uc chavac'un ta sc'ob li boch'otic mu'yuc yich'ojic circuncisione?”, xut.

Jueces 16:3

Pero li Sansone o'lol no'ox ac'ubal te ivay. Ilic batel, ech' stotsbe loq'uel sti' li scoraltonal lume. Laj yich' batel c'alal ta yoyaltac, c'alal ta smac. La scajan batel ta snecub, bat yac' ti bu ven toyol vits te ta stuq'uil Hebrone.

1 Samuel 19:11

Li Saule ta ora laj yalbe mantal svinictac ti ac'o bat sq'uelic ta sna li Davide, te ac'o xchabiic o; ta yoc'omal ac'o smilic. Pero li yajnil Davide, ja' li Micale, bat yalbe ya'ay li smalale: —Me mu xaq'uel aba ta ac'ubaltic tanae, oc'ome ta me xavich' milel —xut.

1 Samuel 23:26

Li Saule ta jot ch'ut vits oyic batel xchi'uc svinictac. Jech ta yan jot vits oyic batel xchi'uc svinictac ec li Davide. Yac'ojbeic yipal yu'un mu me xtaatic yu'un li Saule. Pero li Saúl xchi'uc svinictaque ta xa'ox staic ta be li David xchi'uc svinictaque; te xa'ox ta setuic sventa tsmilic o.