Jueces 16:10 - Bible in Tzotzil de Chenalhó with Deuterocanon

¹⁰ Li Dalilae jech laj yalbe li Sansone: —¡Laj alo'laun; mu meleluc li c'usi laj avale! Avocoluc albun ta jamal c'u x'elan xu' chavich' chuquel —xut.

Bible in Tzotzil de Chamula

¹⁰ Xi albat yu'un ti Dalilae: —¡Laj xa alo'laun! ¡Laj xa ajutilanbun c'op ta j'ech'el! Avi tana une, avocoluc, albun ca'i c'u s'elan ta chuquelot.

Jueces 16:10 Iomraidhean Croise

Nehemías 6:4

Chanib velta jech la staquicun ta iq'uel, pero ja' no'ox jech la jtac'beic batel ec.

Proverbios 24:28

Mu me xava'an aba ta j'epalc'op testigo ta scontrainel li achi'ile; mu me xalo'lavan achi'uc li avee.

Ezequiel 33:31

Jech ta xtalic ta atojol jech chac c'u cha'al jteclum cu'un yilel. Te lamal chvulic ta atojol; cha'yic li c'usi chavale, pero mu spasbeic yabtelal. Ja' no'ox chloc' ta yeic ti tsc'anicune, pero li yo'ntonique yan o c'usi tsc'an; yan o c'usi tsc'upin.

San Lucas 22:48

Pero li Jesuse jech laj yalbe: —Judas, ¿me ta jts'uts'el no'ox chavac'un ta c'abal, vu'un ti Xnich'on cristiano lic'ote? —xut.

Jueces 16:11

Itac'ov li Sansone: —Me chixchuquicun ta ach' lasu ti mu'yuc to picbile, ta xch'ay o li jtsatsale; co'olun xa chic'ot jchi'uc yantic viniquetic ti mu'yuc tsots slomoique —xi.

Jueces 16:13

Li Dalilae jech laj yalbe li Sansone: —¡Yoquel to puru lo'lael chavac'bun, yoquel to puru epalc'op chapasbun! Albun ca'ay ta melel c'u x'elan xu' chavich' chuquel —xut. Itac'ov li Sansone: —Me chacap ta jalel vucnet'eluc ta sjalubil poq'uetic li stsotsil jole, xchi'uc me lec tsots chapajbe li yoyaltaque, mu'yuc xa jtsatsal chicom jech chac' c'u cha'al yantic viniquetic ti mu'yuc tsots slomoique —xi.

Jueces 16:7

Itac'ov li Sansone: —Me ta xchuquicun ta vuclic ac' ti yoxic toe, ta xch'ay li jtsatsale; co'ol xa chic'ot jech chac c'u cha'al yantic viniquetic ti mu'yuc tsots slomoique —xi.

Jueces 16:9

Li Dalilae te xa'ox nac'al yu'un viniquetic ta yut sna. C'alal chucul xa'ox yu'une, jech laj yal: —¡Sansón, ta xa xtal stsacot li filistaetique! —xut. Li Sansone la xtuch' ta ora li aq'uetique; xco'laj no'ox xchi'uc c'aq'uem no laj ya'ay. Ja' yu'un li filistaetique muc sna'ic c'u x'elan oy stsatsal li Sansone.