Jueces 15:8 - Bible in Tzotzil de Chenalhó with Deuterocanon

⁸ Jech lic yac'anbe lec comel ta scub xchi'uc ta yo'; ep ichamic yu'un. Jech iyal batel, bat nacluc ta nailch'en ta Etam.

Bible in Tzotzil de Chamula

⁸ Ta sc'ac'al xa yo'nton ta j'ech'el, lic stsacan ta milel, ti lilijem com yu'un ti sjol sbaquilique. Laj taj une, bat snac' sba ta naclej ta nail ch'en ti oy ta lican ch'entic yu'un ti Etame.

Jueces 15:8 Iomraidhean Croise

2 Crónicas 11:6

La sva'an coralton ta lum Belén, ta Etam, ta Tecoa,

Isaías 25:10

Li Muc'ul Diose tsmac lec ta sc'ob li vits Sione; yan li Moabe te no'ox chich' pech'el ta teq'uel ta yamac' jech chac c'u cha'al chich' pech'el ta teq'uel jobel ta c'a'eptic.

Isaías 63:3

—Jech, vu'un jtuc la jpech' ta teq'uel li ts'usub sventa ta jpits'be ya'lele; mu'yuc boch'o la scoltaun ta junuc lum. Ilinemun ti c'alal la jt'us ta teq'uele; ta sc'ac'al co'nton la jpech' ta teq'uel. Ja' yu'un ep ich'ituj li xch'ich'ale; iyatin sliclijil li jc'u'e.

Isaías 63:6

Ta sventa sc'ac'al co'nton la jpech' ta teq'uel li lumetique; xco'laj xchi'uc yacuben icom xchi'uquic li sc'ac'al co'ntone. La jmalbe ta banamil li xch'ich'alique.

Hebreos 11:34

Oy itic'atic ta muc'ta c'oc', muc xc'aq'uic. Oy chmilatic ox ta espada, pero icolic batel. Ja' ic'ataj ta stsatsalic li yalubenal sbec'talique. Jech oy lec ivu' yu'unic paspleito; la snutsic batel yanlum soldadoetic.

Jueces 15:10

Li boch'otic te nacajtic ta Judae jech la sjac'beic: —¿C'u yu'un ti tal acontrainuncutique? —xutic. —Ja' no'ox tal jtsaccutic li Sansone, yu'un ac'o spas ya'ay ec li c'usi la spasbuncutique —xiic.

Jueces 15:11

C'alal laj ya'yique, ibat oxmil (3,000) viniquetic te ta nailch'en ta Etam yo' bu oy li Sansone, ja' li boch'otic liquemic ta Judae, jech c'ot yalbeic: —¿C'u yu'un ti laj asa'butic jvocoltique? ¿Me mu xana' ti ja' toj ech'em xaq'uic li filistaetique? —xutic. Itac'ov li Sansone: —Ja' la jpacbeic ec jech chac c'u cha'al la spasbicune —xi.

Jueces 15:7

Li Sansone jech laj yal: —Ta sventa ti jech laj apasbicune, jamal chacalboxuc ta stojol Dios, mu'yuc ch-ech' co'nton o ti jech ta jpase, ja' to me laj apacbicun sutel ec li vo'oxuque —xut.

Jueces 15:9

Li filistaetique italic; te vul spas scarpanaic ta yosilal Judá xc'ot c'alal to ta Lehi.