Jueces 15:7 - Bible in Tzotzil de Chenalhó with Deuterocanon

⁷ Li Sansone jech laj yal: —Ta sventa ti jech laj apasbicune, jamal chacalboxuc ta stojol Dios, mu'yuc ch-ech' co'nton o ti jech ta jpase, ja' to me laj apacbicun sutel ec li vo'oxuque —xut.

Bible in Tzotzil de Chamula

⁷ Va'i un, ti Sansone xi laj yale: —Ti ja' jech a'elanic le'e, ¡jamal ta xcalboxuc ava'iic ti mu xilubtsaje, ta to jpacbeic sutel ya'iic ti c'usi laj spasbeicune!

Jueces 15:7 Iomraidhean Croise

Romanos 12:19

Vo'oxuc ti lec jc'anojoxuque, mu me xapac ac'oplal atuquic. Ja' ac'beic spac sutel stuc li Diose. Yu'un jech ts'ibabil ta sc'op Dios: “Vu'un oy ta jventa ta xcac'be spacol; vu'un jtuc ta xcac'be stoj”, xi li Cajvaltic Diose.

Jueces 14:19

Ta ora i'ac'bat stsatsal yu'un espíritu yu'un Muc'ul Dios li Sansone, jech ibat ta Ascalón, bat smil lajuneb xcha'vinic (30) viniquetic. Laj yich'anbe tal li sc'u'ique; ja' laj yac'be li boch'otic laj yalbeic smelol li lo'ile. Tsots ilic sc'ac'al yo'nton li Sansone, jech isut o batel ta sna stot.

Jueces 14:4

Li stote sme'e muc sna'ic me yu'un jech tsc'an Muc'ul Dios sventa ac'o vinajuc c'u x'elan xu' tstsalic li filistaetique, yu'un ja'o yorail tsalbilic li israeletique.

Jueces 15:6

Li filistaetique lic sa'ilanic boch'o ti jech la spase. C'alal it'un yu'unic ti ja' la spas jech li Sansón ta sventa la spac ti i'ac'bat ta yan vinic yajnil yu'un li smuni'e, ja' li timnat vinique, jech bat xchiq'uic li antse xchi'uc li stote.

Jueces 15:8

Jech lic yac'anbe lec comel ta scub xchi'uc ta yo'; ep ichamic yu'un. Jech iyal batel, bat nacluc ta nailch'en ta Etam.