Jueces 14:6 - Bible in Tzotzil de Chenalhó with Deuterocanon

⁶ Li espíritu yu'un Muc'ul Diose laj yac'be stsatsal li Sansone, jech ivu' yu'un ta sc'ob no'ox biq'uitic la slilin comel li bolome. Xco'laj no'ox xchi'uc unin tentsun laj ya'ay. Pero mu'yuc laj yalbe stot sme' li c'usi ic'ot ta pasele.

Bible in Tzotzil de Chamula

⁶ Va'i un, ti xcuxlejal Diose vul ta stojol ti Sansone, ti mu ta sc'obuc laj ya'i laj slilin ta milel ti leone, ti co'ol no'ox s'elan jun uni nene' tentsun laj ya'ie. Mi ja'uc oy c'usi laj yalbe ya'i ti stot sme' ti va'i s'elan c'ot ta pasele.

Jueces 14:6 Iomraidhean Croise

Salmos 91:13

Ac'o me te chajelov ti bu oy leonetic xchi'uc jti'val chonetique, ac'o me ch-ech' apech' ta teq'uel li chonbolometic ti toj xi'balic sbae, mu'yuc c'usi xu' chaspasbot.

Isaías 42:2

Mu'yuc ch-avan, mu'yuc tsots chc'opoj; mu'yuc ch-avan ta xoraltic.

Zacarías 4:6

Ja' yu'un te lic yalbun: “Li Muc'ul Diose ja' jech chalbe li Zorobabele: ‘Muc ta sventauc soldadoetic, muc ta stsatsaluc cristiano; ja' no'ox ta sventa jvu'el jtuc’, xi li Muc'ul Dios ti tspas ta mantal scotol te ta vinajele.

San Mateo 11:29

Ja' cuchic li icatsil cu'une, ja' chanic c'u x'elan co'nton yu'un toj lec co'nton, biq'uit cac'oj jba. Me jech chapasique, jech cux xi avo'ntonic.

Hebreos 11:33

Le'e ta sventa xch'unojel yo'ntonic la stsalic yantic ajvaliletic, lec tuc' la spasic mantal, laj yilic ti icoltaatic yu'un Dios jech chac c'u cha'al albilique, oy imacbat ye jti'vanej bolometic jech muc xti'atic.

1 Juan 3:8

Yan li boch'o ta to sa'ilan smule te to oy ta sc'ob pucuj. Yu'un li pucuje ja' la sliques li mulil ta sliquebale; ja' jech yabtel o. Ja' yu'un ital ta banamil li Xnich'on Diose, ja' tal slajesbe stsatsal yabtel li pucuje.

Jueces 11:29

Li Jeftee iventainbat yo'nton yu'un Espíritu yu'un Muc'ul Dios. Ixanov batel ta yosilal Galaad xchi'uc ta yosilal Manasés; te ijelov batel ta Mizpa te ta Galaad, yu'un ch-och batel ta yosilal amonetic.

Jueces 13:25

Li espíritu yu'un Muc'ul Diose laj yac' sba ta ilel ta stojol Sansón te ta carpanaetic yu'un Dan ti cacal ta o'lol yu'un Zora xchi'uc Estaole.

Jueces 14:19

Ta ora i'ac'bat stsatsal yu'un espíritu yu'un Muc'ul Dios li Sansone, jech ibat ta Ascalón, bat smil lajuneb xcha'vinic (30) viniquetic. Laj yich'anbe tal li sc'u'ique; ja' laj yac'be li boch'otic laj yalbeic smelol li lo'ile. Tsots ilic sc'ac'al yo'nton li Sansone, jech isut o batel ta sna stot.

Jueces 14:5

Li Sansone ibatic ta Timnat xchi'uc stot sme'. C'alal ic'ot ta ts'usubtic ta Timnat li Sansone, te xme'et tal ta stojol jcot ch'ium jti'vanej bolom.

Jueces 14:7

Iyal batel, bat sc'opan li yelub tsebe yu'un lec c'upil sba chil.

Jueces 15:15

Te la sta jun sbaquil ye buro lec to yox; la stam, ja' la smil o jmil (1,000) filista viniquetic.

Jueces 15:8

Jech lic yac'anbe lec comel ta scub xchi'uc ta yo'; ep ichamic yu'un. Jech iyal batel, bat nacluc ta nailch'en ta Etam.

Jueces 16:30

jech tsots lic avanuc: “¡Co'ol ac'o chamcun jchi'uc li filistaetique!”, xi. Lic yac' scotol slomo li Sansone jech ilom yalel li nae. Te inet'ujic scotol li banquilaletique xchi'uc scotol li boch'otic te oyique. Ja' xjelov to yepal la smil c'alal icham li Sansone; ja' mu'yuc ep la smil ti c'alal cuxul to'oxe.

Jueces 3:10

Li Muc'ul Dios ti mu'yuc sbec'tale ital ta stojol li Otoniele, jech ivu' yu'un la spoj li xchi'iltaque. Li Otoniele iloc' batel ta pleito, li Muc'ul Diose laj yac' ti ac'o tsalatuc li Cusan-risataime.

1 Samuel 10:16

Itac'ov li Saule: —Laj yalbuncutic ta jamal ti tabil xa li me' buroetique —xut. Pero muc xalbe ya'ay sc'oplal li yabtel chich' ti i'albat yu'un Samuele.

1 Samuel 10:6

Ventainbilot chac'ot ta stsatsal Muc'ul Dios, chlic apas jech chac c'u cha'al li yan j'alc'opetique, jech chlic jeluc atalel.

1 Samuel 11:6

C'alal laj ya'ay li Saule, ta ora iventainat yu'un li Espíritu yu'un Diose; tsots i'ilin ta sventa li a'yeje.

1 Samuel 14:1

Ta yan c'ac'al li Jonatán, xnich'on Saule, jech laj yalbe li yajcoltaubbaile: —Batic, jelovcutic batel ta jot uc'um, bat cac'betic li jtsob filista soldadoetic te oyique —xut. Pero li Jonatane muc xalbe ya'ay li stote.

1 Samuel 17:46

Tana chayac'ot ta jc'ob li Muc'ul Diose jech xu' chajmilot; chajc'ocbot ajol. Li sbec'tal soldadoetic avu'unique ta xcac'be sti' mutetic ta vinajel xchi'uc jti'val bolometic. Jech ta sna'ic o scotol cristianoetic ta banamil ti oy jun Dios yu'un li israeletique.