Jueces 14:12 - Bible in Tzotzil de Chenalhó with Deuterocanon

¹² Li Sansone jech laj yalbe li lajuneb xcha'vinic (30) te oyique: —Oy c'usi chcac' anopbeic smelol. Me it'un avu'unic li vucub c'ac'al li' oyutic ta q'uine, vu'un chacac'boxuc jujulic lequil muc'tic c'u'iletic pasbil ta lino no xchi'uc jujulic ac'u'ic sventa q'uin.

Bible in Tzotzil de Chamula

¹² Ti lajuneb xcha'vinic ta vo' taje, xi albatic yu'un ti Sansone: —Ta xcac'boxuc at'unic jun tajimol lo'il. Ti mi t'un xa ox avu'unic smelol ta yucubal c'ac'al sjalil ti q'uine, ta xcac'boxuc jujulic axela-mochib-c'u'ic, xchi'uc jujuchop aq'uelob-q'uin-c'u'ic ti jujunoxuque.

Jueces 14:12 Iomraidhean Croise

Génesis 45:22

Xchi'uc laj yac'be batel yach' c'u'ic sventa tsjel sbaic. Yan li Benjamine laj yac'be batel oxib ciento (300) ta sep saquil taq'uin xchi'uc vo'lic sc'u'.

1 Reyes 10:1

C'alal laj ya'ay ajvalil ants ta Sabá ti toj lec puquem sc'oplal ta sventa Muc'ul Dios li Salomone, ibat ta Jerusalén yu'un oy c'usi toj tsotsic bat sjac'be li Salomone. Yan to sba yepal xchololetic tal li j'abteletic yu'une. Bats'i ep perfumeetic xcuchojic batel ta camelloetic, xchi'uc ep c'anal taq'uinetic, xchi'uc lequil tonetic ti c'upilic sbae. C'alal ic'ot ta stojol li Salomone, c'ot sjac'be scotol li c'usitic snopoj tsjaq'ue.

2 Reyes 5:22

Itac'ov li Giezie: —Mu'yuc, li cajvale la stacun tal, yu'un ja' tal calbot ava'ay ti ja' to te ivulic chib querem j'alc'opetic liquemic tal ta vitsetic ta Efraín. ¿Me mu xa'abulaj xavac'bun batel oxmiluc ta sep saquil taq'uin xchi'uc cha'licuc ach' c'u'iletic? —xi.

2 Reyes 5:5

Li ajvalil ta Siriae jech laj yal: —Lec oy, xu' chabat; vu'un ta jpas batel carta ta stojol li ajvalil ta Israele —xut. Li Naamane ibat; laj yich' batel lajuneb xcha'vinic ta mil (30,000) ta sep saquil taq'uin, vacmil (6,000) ta sep c'anal taq'uin, xchi'uc lajunlic ach' c'u'iletic.

2 Crónicas 7:8

Li Salomón xchi'uc scotol israeletique ja'o yorail te lic spasic vucub c'ac'al q'uin sventa ch-ochic ta yaxnaetic. Bats'i ep li israeletic te oyique; te liquemic ta lum Hamat c'alal to ta bevo' yu'un Egipto.

Salmos 49:4

Chcac' lec jchiquin ta ya'yel li jaybel chanubtasele; ta arpa ta xcal li c'usi oy ta co'ntone.

Proverbios 1:6

Jech chlic ya'ibe lec smelol c'u x'elan li chanubtasel xchi'uc tojobtasele; cha'ibe lec smelol c'usitic chalic li boch'otic bijique, xchi'uc li c'usitic vocol ta a'ibel smelole.

Proverbios 31:24

Li antse lequil poq'uetic ta sjal xchi'uc chuquiletic; ta xchonbe batel li jchonolajeletique.

Ezequiel 17:2

“Xnich'on cristiano, alo junuc lo'il; loc'tabo ta lo'il c'u x'elanic li smomnich'nab Israele,

Ezequiel 20:49

Jech la jtac'be li Muc'ul Diose: “¡Ay, Cajval Muc'ul Dios, me jech chcale, li cristianoetique xu' chiyalbicun ti ja' no'ox puru senyail chcalilane!”, xcut.

San Mateo 13:13

Ja' yu'un ja' no'ox ta jloc'tabe ta lo'il. Yu'un altic ti chililanique; mu xich'ic ta muc'. Altic ti cha'yilanique; mu xa'ibeic smelol, mu xc'ot ta yo'ntonic.

San Mateo 13:34

Li Jesuse ta puru lo'il c'op la sc'opan li cristianoetique. C'alal me mu'yuc lo'il c'ope, mu'yuc ichanubtasvan.

San Mateo 27:28

La sloc'beic sc'u' li Jesuse; la slapbeic natil tsajal c'u'il.

San Mateo 6:19

“Mu me xatsob ac'ulejalic li' ta banamil, yu'un chlaj ta c'uxel ta chil, xchi'uc chcuxin, xchi'uc xu' chbat ta elec'.

San Lucas 14:7

C'alal laj yil Jesús ti ja' tst'ujic ba'yuc lequil chotlebal ta mexa li boch'otic ic'bilic ta ve'ele, jech laj yalbe jun lo'il scotolic:

San Juan 16:29

Li yajchanc'optaque jech laj yalbeic: —Li' ta orae jamal xa laj avalbuncutic; muc xa ta lo'il c'opuc chac'opoj.

1 Corintios 13:12

Pero ac'o me muc'utic xa, jutuc no'ox li c'usi jna'tique. Jech chac c'u cha'al ti mu xvinaj lec jsatic c'alal mu'yuc lec li nene. Pero me lijc'ot ta vinajele, chc'ot jna'tic scotol. Li' ta orae jutuc no'ox xu' chcotquintic, pero tsta yorail chcotquintic lec scotol jech chac c'u cha'al lec xijyotquinutic li Diose.

Santiago 5:2

Li ac'ulejalique c'a'emic xa; li ac'u' apoq'uique lajemic xa ta chil.

Jueces 14:11

Ta sventa ti chi'ic li uts' alaletique, jech laj yiq'uic tal lajuneb xcha'vinic (30) xchi'iltaquic.

Jueces 14:13

Pero me muc xavalbicun c'usi smelole, vo'oxuc chavac'bicun lajuneb xcha'vinic (30) ta lic lequil muc'tic c'u'iletic pasbil ta lino no xchi'uc lajuneb xcha'vinic (30) c'u'il sventa q'uin —xut. Itac'ovic: —Alo li atajimol lo'ile, chca'icutic —xiic.