Jueces 13:6 - Bible in Tzotzil de Chenalhó with Deuterocanon

⁶ Li antse ital yalbe smalal scotol li c'usi i'albate, jech laj yalbe: “Oy jun vinic liquem tal ta stojol Dios i'ay sc'opanun, pero xco'laj xchi'uc jun j'almantal yu'un Muc'ul Dios ti lec ich'bil ta muq'ue. Mu'yuc la jac'be boch'o, bu liquem tal, xchi'uc mu'yuc laj yalbun c'usi sbi ec.

Bible in Tzotzil de Chamula

⁶ Ti antse xi laj yal ti c'alal bat chapbe ya'i ti smalale: “Ti bu oyune, tal jun svinic Dios, ti ch'ayal c'ot co'nton yu'un ta j'ech'ele. Yu'un co'ol s'elan yaj'ánjel ti Dios stuque. Mu ja'uc laj jac'be ti buch'ue, mi ja'uc ti stuc laj yalbune.

Jueces 13:6 Iomraidhean Croise

Génesis 18:2

C'alal la stoy sat li Abrahame, laj yil oy oxib viniquetic te va'alic ta stojol. C'alal laj yile, iva'i ta anil; bat snup ta be. La squejan spatan sba ta banamil.

Génesis 32:29

Li Jacobe jech la sjac': —Albun ca'ay c'usi abi ec li vo'ote —xut. Itac'ov li vinique: —¿C'u yu'un ti chajac'bun jbie? —xi. Li vinique te laj yac'be bendición li Jacobe.

1 Reyes 17:18

Li antse jech laj yalbe li Eliase: —¿C'u yu'un jech laj apasbun vo'ot li yaj'alc'opot Diose? ¿Me yu'un tal avac'bun jtoj jmul ti laj avac' chamuc li cole? —xut.

1 Reyes 17:24

Li me'on antse jech laj yalbe li Eliase: —Li' ta orae laj xa jna' ti vo'ot yaj'alc'opot Dios ta melele, xchi'uc ti ja' chaval c'usi melel yaloj stuc li Muc'ul Diose —xut.

2 Reyes 4:16

Li Eliseoe jech laj yalbe: —Jeche' c'alal jabil jech chac li'i, oy xa'ox avol —xut. Itac'ov li antse: —Mo'oj, tata, mu xavalbun jech. Mu xalabanun, vo'ot li yaj'alc'opot Muc'ul Diose —xi.

2 Reyes 4:9

Li antse jech laj yalbe li smalale: —A'yo ava'ay, li vinic li' ch-ech' sq'uelutic jujun veltae, ja' tuq'uil vinic; ja' yaj'alc'op Dios.

Éxodo 3:2

Te laj yac' sba ta ilel yaj'almantal Muc'ul Dios ta o'lol yat c'oc' te ta jpets ch'ix. Li Moisese la sq'uel lec; ja' to laj yil ti yu'un tsanem li jpets ch'ixe, pero mu'yuc chc'ac'.

Éxodo 3:6

Jech laj yal noxtoc: —Vu'un Diosun yu'un li amoltotac ta vo'onee. Vu'un Diosun yu'un Abraham, Diosun yu'un Isaac, Diosun yu'un Jacob —xi. Li Moisese la smac sat yu'un ta xi' ta sq'uelel li Diose,

Daniel 10:11

Jech laj yalbun: ‘Daniel, toj lec c'anbilot, a'yo lec ava'ay li c'usi chacalbote; lican, va'lan, yu'un tacbilun tal ta aventa’, xiyutun. “C'alal jech laj yalbune, liva'i, pero jeche' xit'elt'un.

Daniel 10:5

C'alal la jtoy jsate, ja' to laj quil te oy jun vinic, slapoj saquil c'u'il pasbil ta lequil lino no. Li xchuc xchuquinoje pasbil ta bats'i lequil c'anal taq'uin.

Daniel 8:17

“Jech te ital ti bu va'alune. C'alal inopaj tale, lixi'. La jpatan jba ta banamil ta stojol. Jech laj yalbun: ‘Xnich'on cristiano, a'yo lec ava'ay, li c'usi laj avile ja' sc'oplal slajebal c'ac'al’, xiyutun.

San Lucas 1:19

Itac'ov li j'almantale: —Vu'un Gabrielun, vu'un te chi'abtej ta stojol Dios. Ja' la stacun tal ti tal jc'opanote. Ja' tal calbot ava'ay li Lequil A'yej li'i.

San Lucas 9:29

C'alal ja'o tsc'opan Dios li Jesuse, ic'ataj sat. Isacub li sc'u'e, i'ayin xojobal.

Hechos 6:15

Ja' yu'un scotol li jchapanvanejetic ta ch'ulna te chotolique la sq'uelbeic sat li Estebane. Xco'laj xchi'uc sat yaj'almantal Dios laj yilic.

Deuteronomio 33:1

C'alal jutuc xa'ox sc'an xcham li Moisese, ja' li yajtunel Diose, laj yac'be bendición scotol li xchi'iltac ta israelale.

1 Timoteo 6:11

Pero vo'ot li yajtunelot Diose, voc'o me aba ta sventa scotol le'e. Ja' sa'o batel li c'usi tuc' ta pasele, li yich'el ta muc' Cajvaltique, li xch'unojel avo'ntone, li c'uxubinvaneje, ti ac'o oyuc lec stsatsal avo'ntone, ti ac'o cuchuc avu'un scotole, xchi'uc ti biq'uit chavac' abae.

Josué 14:6

Li smomnich'nabtac Judae ibat sc'opanic li Josué c'alal te oyic ta Gilgale. Li Caleb, xnich'on Jefone cenezeo vinique, jech laj yalbeic li Josuee: “Vo'ote, ana'oj c'usi i'albat yu'un Muc'ul Dios te ta Cades-barnea li Moisese, ja' li yajtunel Diose. Ja' i'albat ac'oplal li vo'ote xchi'uc jc'oplal ec li vu'une.

Apocalipsis 1:17

C'alal laj quile, liyal ta lum ta stojol; xco'laj xchi'uc chamen lic'ot. La stijun ta sbats'ic'ob, jech laj yalbun: “Mu xaxi'. Vu'un sliquebun, vu'un slajebun.

Jueces 13:10

Li antse bat yalbe ta anil noxtoc li smalale: —Ay xa sc'opanun noxtoc li vinic ti i'ay ono'ox sc'opanun ta jun veltae —xut.

Jueces 13:22

Li Manoae jech laj yalbe li yajnile: —Ta jbel sc'oplal chijchamutic xa, yu'un laj xa quiltic li Diose —xut.

Jueces 13:3

Li antse ital c'opanatuc yu'un yaj'almantal Muc'ul Dios, jech i'albat: “Vo'ote mu ono'ox xana' xa'alaj. Pero ta xlic achi'in avol; chavoq'ues jun querem.

Jueces 13:7

Jech laj yalbun: ‘Ta xlic achi'in avol; chavoq'ues jun querem. Ja' yu'un mu me xavuch' pox, xchi'uc mu me xavuch' li c'usi tsotsic ta uch'ele, xchi'uc mu me xave' li c'usi albiloxuc mu stac' xave'ique. Yu'un li querem chavoq'uese ja' t'ujbil yu'un Dios c'alal mu'yuc to'ox ta xvoc', xchi'uc c'alal to ta xcham’, xiyutun”, xut li smalale.

Jueces 13:8

Li Manoae lic sc'opan Dios, jech laj yalbe: “Cajval Muc'ul Dios, ta jc'anbot vocol ti ac'o xa taluc yan velta li vinic ti laj atac tale; ac'o tal xchanubtasuncutic lec c'usi ta jpascutic c'alal me ivoc' li querem laj avale”, xut.

Jueces 6:11

Li j'almantal yu'un Muc'ul Diose te ital chotluc ta yolon jpets tulan te ta Ofra ta yosil Joás, ja' li jchop sbiic abiezeretique. Li Gedeón, xnich'on Joase, ja'o te ta xic'a strigo ta nac'alaltic ta yav spits'ubil ya'lel ts'usub, yu'un jech mu x'ilat yu'un li madianetique.

1 Samuel 2:27

Ts'acal te ic'ot jun j'alc'op yu'un Dios yu'un bat sq'uel li Elie, jech c'ot yalbe: “Li Muc'ul Diose jech chayalbot: ‘C'alal te to'ox oy ta mozoil ta sc'ob faraón ta Egipto li amoltote, lec laj cac' jba ta otquinel ta stojol.

1 Samuel 9:6

Itac'ov li smozoe: —Li' ta lume oy jun j'alc'op yu'un Dios lec ich'bil ta muc'. Scotol li c'usi chale persa chc'ot ta pasel yu'un. Bat jc'opantic; oy yic'al xu' chijyalbutic c'usi beal xu' ta jtamtic batel —xi.