Jueces 13:5 - Bible in Tzotzil de Chenalhó with Deuterocanon

⁵ Yu'un chavoq'ues jun querem, pero mu me xaloc'be sjol, yu'un ja' voc'bil yu'un Dios sventa yabtel., Ja' t'ujbil c'alal mu'yuc to'ox chvoc' sventa chlic scolta loq'uel ta sc'ob filistaetic li achi'iltac ta israelale”, x'utat.

Bible in Tzotzil de Chamula

⁵ Yu'un oy sc'oplal ti jun aquerem ta xa'ac'bate, ti mu'yuc ta xich' loc'bel ti stsotsil sjole. Yu'un ti querem taje, ti c'alal mu to ta xvoq'ue, t'ujbil xa ta yajtunel ti Diose, ti ja' jun nazareo ta xc'ote yo' jech ta xlic sva'an sba ta spojel ti israeletic ti ilbajinbilic yu'un ti filisteoetique.”

Jueces 13:5 Iomraidhean Croise

2 Samuel 8:1

Ts'acal to lic stsal filistaetic noxtoc li Davide; j'ech'el la spojbe o li Meteg-amae.

1 Crónicas 18:1

C'alal ilaj yo'ntone, ibat stsal filistaetic li Davide. La sbic'tajes o ta jyalel; la spojbe li lum Gat xchi'uc li bic'tal lumetic sventainoje.

Amós 2:11

Jech noxtoc laj cac' ochuc ta j'alc'op li anich'nabique, xchi'uc laj cac' ochuc ta nazareo, noxtoc li aqueremetique. ¿Me mu jechuc la jpas ta atojolic, israeletic?”, xi li Muc'ul Diose.

Números 6:5

Jech noxtoc mu me xac' ta loq'uel stsotsil sjol. Te ac'o natubuc o, ja' to me its'aqui ti c'u yepal c'ac'al yaloj ta jamal tspas c'usi yaloje. Yu'un tsc'an chvinaj ti voc'bil o yu'un Muc'ul Diose.

San Lucas 1:15

Yu'un toj muc' sc'oplal chc'ot ta stojol li Diose. Mu xuch' ya'lel ts'usub, xchi'uc mu xuch' pox. Ventainbil yo'nton yu'un Ch'ul Espíritu ti c'alal te to tiq'uil ta xch'ut sme'e.

Jueces 16:17

Jech ta slajeb c'op jamal xa lic yalbe o: —Ja' ta sventa ti mu'yuc boch'o sloc'ojbun o li jole yu'un t'ujbilun ono'ox yu'un Dios ti c'alal mu'yuc to'ox chivoq'ue. Pero me oy boch'o tsloc'bun li jole, mu'yuc xa jtsatsal chicom o; bats'i c'un chicom o jech chac c'u cha'al yantic viniquetic ti mu'yuc tsots slomoique —xi.

1 Samuel 1:11

Oy c'usi laj yal ta stojol li Diose, jech laj yal: “Muc'ul Dios, vo'ot ti chapas ta mantal scotol te ta vinajele, me chavil ti ep chcat co'ntone, me chana'un, me mu xach'ayun ta avo'ntone, ac'bun junuc cunin querem. Me laj avac'bune, ta xcac' tunuc o avu'un ti jayib c'ac'al cuxule. Mu'yuc ta xcac'be ta loc'bel sjol; ja' senyail ti cac'ojbot o ta ac'obe”, xut.

1 Samuel 7:13

Jech tsalbil icomic o li filistaetique; muc xa xbat ochicuc yan velta ta yosilal li israeletique. Ti jayib c'ac'al cuxul li Samuele, li Muc'ul Diose te ono'ox la scontrain o li filistaetique.