Jueces 13:12 - Bible in Tzotzil de Chenalhó with Deuterocanon

¹² Li Manoae jech laj yalbe: —C'alal me ic'ot ta pasel li c'usi laj avale, ¿c'u x'elan ta ts'itesel li quereme? ¿C'usi xu' ta jpascutic? —xut.

Bible in Tzotzil de Chamula

¹² Va'i un, ti Manoae xi laj yale: —C'alal mi c'ot ta pasel ti va'i s'elan laj avale, ¿c'u s'elan ta jts'itescutic batel ti olole? ¿C'usi sc'an ta jpascutic ta stojol?

Jueces 13:12 Iomraidhean Croise

Génesis 18:19

Vu'un la jt'uj ta sventa ac'o yalbe ya'yic xnich'nab xchi'uc smomnich'nab ti ac'o yich'ic ta muc' li chanubtasel cu'une, xchi'uc ti ac'o spasic scotol c'usitic lec xchi'uc c'usitic tuq'ue, yu'un jech chcac' c'otuc ta pasel scotol li c'usitic calojbe ono'oxe”, xi.

Salmos 143:8

Ac'bun ca'ay ta jujun sob c'u x'elan li c'uxubinel avu'une, yu'un jpatoj co'nton o ta atojol; ac'bun jna' lec bu beal xu' chixanov batel, yu'un cac'oj o co'nton ta atojol.

Proverbios 22:6

Chanubtasic lec avalab anich'nabic ti bu beal tsc'an tstam batele, jech mu scomtsanic o ti c'alal mol me'elic xae.

Proverbios 4:4

Li jtote ja' jech la xchanubtasun chac li'i: “Comtsano me ta avo'nton ti c'u x'elan chajchanubtasote; ch'uno me li jmantal chacalbote, jech lec chabat.

Efesios 6:4

Vo'oxuc totil me'iletic, mu me xasa'beic sc'ac'al yo'nton li avol anich'onique. Tuc' xats'itesic, tojobtasic lec, chanubtasic lec ta sventa li Cajvaltique.

Jueces 13:11

Ilic li Manoae; la xchi'in batel li yajnile, jech c'ot yalbe li vinic ti te oye: —¿Me vo'ot ti ay ono'ox ac'opan jun velta li cajnile? —xut. —Vu'un —xi itac'ov.

Jueces 13:13

Itac'ov: —Ja' tsc'an ac'o spas scotol c'usi calojbe xa li avajnile.