Jueces 12:6 - Bible in Tzotzil de Chenalhó with Deuterocanon

⁶ jech chalbeic noxtoc: “Shibolet”, chian ca'tic, xutic. “Sibolet”, me xie, te no'ox tsmilic o ta xtuch'ubil uc'um Jordán, yu'un cha'yic ti mu xloc' yu'une. Jech te ichamic chib yoxvinic ta mil (42,000) li boch'otic liquemic ta Efraine.

Bible in Tzotzil de Chamula

⁶ ta sc'anbeic ti ac'o yal “Shibolete”. Ja'uc le' une, mi “Shibolet” ta xloc' ta yeique, ta scoj ti mu x'al yu'un ti c'ope, stsac x'utatic ta milel ta spul-pulil uc'um yu'un ti Jordane. Ti jech ora taj une, chamic chib yoxvinic ta mil (42,000) viniquetic snitilultac ti Efraine.

Jueces 12:6 Iomraidhean Croise

Salmos 69:15

Mu me xavac' xcuchun batel li yip uc'ume; mu me xavac' xisbic'un ochel li natil xabe; mu me xavac' smac sba li sti'e.

Salmos 69:2

Ta xa ximuc ochel ta natil ach'eltic chca'ay; mu'yuc xa bu xu' ta jtec'an li cacane. Laj xa jta jun natil nab; ta xa xixcuchun batel li yipe.

Proverbios 17:14

Li boch'o ta sliques c'ope ja' jech chac c'u cha'al nojelal uc'um; ja' lec mu jtic' jbatic, yu'un jech mu jtabetic xchuculal.

Proverbios 18:19

Me oy boch'o chich' contrainel yu'un xchi'il ta voq'uele cha'cha' to stsatsub yo'nton jech chac c'u cha'al jun lum setbil lec ta coralton; li c'op chlic ta jchi'il no'ox jbatic ta voq'uele ja' jech chac c'u cha'al sbaj sti' coralton chc'ot.

Eclesiastés 10:12

Li sc'op li boch'o bije toj lec ta a'yel; yan li sc'op bol vinique ja' no'ox sventa ta sa' o svocol.

Isaías 27:12

Me la sta li sc'ac'alil le'e, li Muc'ul Diose chlic abtejuc ta Eufrates c'alal to ta yuc'umal Egipto; jech chac c'u cha'al li boch'o tsmaj ta jujuchuc strigoe. Vo'oxuc li israeloxuque, chlic avich'ic tsobel tal ta jujuntal.

San Mateo 12:25

Li Jesuse la sna' li c'usi la snopique, jech laj yalbe: “Me ta svoq'uilan sbaic yajvaltac jun banamile, ta soquic o. Me ta scontrain sbaic yajvaltac jun lume, xchi'uc me ta scontrain sbaic yajvaltac jun nae, ta soquic noxtoc.

San Mateo 26:73

Ta jliquel inopajic tal ta stojol Pedro li boch'otic te oyique, jech laj yalbeic: —Ta melel, ja' ono'ox achi'il li Jesuse, yu'un lec xvinaj ta ac'op —xutic.

Marcos 14:70

Li Pedroe laj yal yan velta ti mu xotquine. Ta jliquel ic'opanat yu'un noxtoc li boch'o te oyique: —Ta melel ono'ox ti ja' achi'ile, yu'un xvinaj ta ac'op ti vo'ot Galilea vinicote —xutic.

Gálatas 5:15

Pero me te no'ox ati'ti' abaic, at'ol-t'ol aba atuquique, bijanic me, yu'un atuquic no'ox chamil abaic.

Jueces 12:5

Li galaadetique la spojbeic o li xtuch'ubil uc'um Jordán yu'un Efraine. C'alal me tsc'an te chjelovic batel li boch'otic liquemic ta Efraine, li galaadetique jech tsjac'beic: “¿Me vo'ot liquemot ta Efraín?”, xutic. C'alal me chalic ti ma'uque,

Jueces 12:7

Li Jeftee vaquib jabil i'och ta jchapanvanej yu'unic li israeletique. C'alal ichame, te la smuquic ta Galaad ta slumal yo' bu ivoq'ue.