Jueces 12:5 - Bible in Tzotzil de Chenalhó with Deuterocanon

⁵ Li galaadetique la spojbeic o li xtuch'ubil uc'um Jordán yu'un Efraine. C'alal me tsc'an te chjelovic batel li boch'otic liquemic ta Efraine, li galaadetique jech tsjac'beic: “¿Me vo'ot liquemot ta Efraín?”, xutic. C'alal me chalic ti ma'uque,

Bible in Tzotzil de Chamula

⁵ C'alal laj sventainic galaadetic ti spul-puliltac ech'ebal yu'un ti Jordane, mi oy buch'u ta sc'an ta xjelav ti jatvil ta x'ech' batel teye, ti stuquique ta sjac'beic mi ja' snitilultac ti Efraine. Mi ta staq'uic ti ma'uque,

Jueces 12:5 Iomraidhean Croise

1 Reyes 11:26

Jech noxtoc li Jeroboam yaj'abtel Salomón xnich'on Nabat liquem ta jchop yu'un Efraín te nacal ta lum Seredae, lic scontrain ec li Salomone. Li sme' Jeroboame ja' me'on ants, Zerúa sbi.

Josué 2:7

Li svinictac ajvalile la snutsic batel ta anil ta stuq'uil uc'um Jordán. Te to ic'otic ti bu xtuch'ubil uc'ume. C'alal iloq'uic batele, ja'o la smaquic ti'coralton li soldadoetique.

Josué 22:11

Li yantic israeletique laj ya'yic ti la spasic scajleb smoton Dios te ta ti' uc'um Jordán ta yosilal Canaán banamil li jchop liquemic ta Rubén, ta Gad, xchi'uc li o'lol jchop liquemic ta Manasese.

Jueces 12:4

Li Jeftee lic stsob scotol li viniquetic te ta Galaade; lic spasic pleito xchi'uc li jchop liquemic ta Efraine. Tsalbil icom yu'unic. Yu'un jech to'ox i'albatic yu'un li boch'otic liquemic ta Efraine: “Vo'oxuc li galaadoxuc ti te xa nacaloxuc ta o'lol yu'unic li Efraín xchi'uc Manasese jatoviloxuc, yu'un li' laloq'uic batel ta jtojolcutic”, x'utatic.

Jueces 12:6

jech chalbeic noxtoc: “Shibolet”, chian ca'tic, xutic. “Sibolet”, me xie, te no'ox tsmilic o ta xtuch'ubil uc'um Jordán, yu'un cha'yic ti mu xloc' yu'une. Jech te ichamic chib yoxvinic ta mil (42,000) li boch'otic liquemic ta Efraine.

Jueces 17:7

Oy jun querem te ta Belén; ja' no'ox te xnabet ta stojol li jchop liquemic ta Judae. Ja' leví querem.

Jueces 3:28

Li Aode jech laj yalbe li xchi'iltaque: “Ts'aclinicun me, yu'un li Muc'ul Diose laj xa yac'butic ta jc'obtic li cajcontratique, ja' li moabetique”, xut. Jech la sts'aclinic batel; te ic'otic ta ti' uc'um Jordán ta yosilal Moab. Me junuc mu'yuc boch'o laj yac' jelovicuc tal ta jot uc'um.

Jueces 7:24

Li Gedeone la stac batel j'almantaletic ta vitsetic ta yosilal Efraín, yu'un ac'o bat yalbeic li jchop liquemic ta Efraín ti ac'o yalicuc batel ta ora, ac'o bat smaquic ta be li madianetique. Xchi'uc laj yalbe ti ac'o smaquic li xtuch'ubil uc'um Bet-bara xchi'uc li uc'um Jordane yu'un yo'to mu'yuc chjelovic. Jech li boch'otic liquemic ta Efraine la xch'unic li mantal i'albatique.

1 Samuel 1:1

Oy jun vinic te nacal ta Ramá ta vitsetic ta yosilal Efraín. Li vinique Elcana sbi; ja' xnich'on Jeroham. Li Jerohame ja' xnich'on Eliú. Li Eliue ja' xnich'on Tohu. Li Tohue ja' xnich'on Zuf; ja' muc'ta moltotil yu'unic. Le'e efrata la sbiinic.