Jueces 11:3 - Bible in Tzotzil de Chenalhó with Deuterocanon

³ Jech iloc' batel li Jeftee; bat nacluc ta jun banamil Tob sbi. Oy xchi'iltac la stsob sbaic batel; ja' ch'ajil viniquetic. Co'ol iloq'uic batel xchi'uquic li Jeftee.

Bible in Tzotzil de Chamula

³ Va'i un, ti Jeftee jatav loq'uel ta stojol ti xchi'iltac ta voq'uele. Bat nacluc ta yosilal Tob, ti bu lic stsob epal ch'ajil pucujil viniquetique, ti jmoj bu yalel muyelic ta xanobal xchi'uque.

Jueces 11:3 Iomraidhean Croise

2 Samuel 10:6

Li amonetique laj ya'yic ti iq'uexlaltasatic xa li Davide, jech lic stojic batel jtob ta mil (20,000) soldadoetic ta Bet-rehob xchi'uc ta Soba, xchi'uc la stojic batel ajvalil Maaca xchi'uc jmil (1,000) svinictac, xchi'uc lajcha'mil (12,000) viniquetic ta Is-tob.

2 Samuel 10:8

Iloq'uic tal ec li amonetique; te no'ox la xchapan sbaic lec ta ti'lum. Yan li soldadoetic ta Soba, ta Rehob, ta Is-tob xchi'uc li Maacae slecoj laj yac' sbaic batel ta jamalal jobeltic.

Hechos 17:5

Pero li judioetic ti mu xch'unique ven it'ix yo'ntonic. Jech la stsobic jayibuc chopol viniquetic ti te no'ox xva'etic ta ch'ivite. C'alal ep xa stsoboj sbaique, lic socbeic sjol scotol li cristianoetic te ta lume. Jech scotolic ibatic ta sna jun vinic Jasón, yu'un tsc'an ta snitic loq'uel li Pablo xchi'uc Silase, yu'un chbat yaq'uic ta sc'ob li cristianoetique.

Jueces 11:2

Li yajnil Galaade oy squeremetic ec. C'alal ich'i li squeremetique, la snutsic loq'uel ta snaic li Jeftee, jech laj yalbeic: “Mu'yuc c'usi chavich' comel li' ta sna jtotic, yu'un yan o ame'”, xutic.

Jueces 9:4

Jech la sloq'uesic tal lajuneb xchanvinic (70) ta sep saquil taq'uin te ta ch'ulna yu'un li Baal-berite; ja' laj yac'beic li Abimeleque. Li Abimeleque ja' la stoj o jayibuc ch'ajil jmilvanejetic yu'un ac'o chi'inatuc batel.

1 Samuel 22:2

Jech noxtoc te la stsob sbaic batel li boch'otic oy svocolique, li boch'otic oy yilique, xchi'uc li boch'otic oy at-o'nton cha'yique. Ja' ic'ot ta banquilal yu'unic li Davide. Oy van chanib ciento (400) viniquetic ta scotolic ti la xchi'inic li Davide.

1 Samuel 27:2

Ja' yu'un ibatic xchi'uc li vaquib ciento (600) xchi'iltaque, bat yac' sbaic ta ventainel yu'un li Aquis, xnich'on Maoc, xchi'uc li ajvalil te ta lum Gate.