Jueces 11:12 - Bible in Tzotzil de Chenalhó with Deuterocanon

¹² Li Jeftee la stac batel j'almantaletic ta stojol li ajvalil yu'un amonetique, jech laj yalbe batel: “¿C'usi chopol la jpasbotcutic ti tal acontrainuncutic li' ta cosilalcutique?”, xutic.

Bible in Tzotzil de Chamula

¹² Ts'acal to un, laj stac batel jun chib j'al-mantal j'ich'-c'opetic ta stojol ti ajvalil yu'un ti amonitaetique yo' xi ta sjac'bee: “¿C'usi la jmul ta xaq'uelbun avalojic ti jech ta xtal atsac ta leto ti jlumale?”

Jueces 11:12 Iomraidhean Croise

Números 20:14

C'alal te oyic ta Cadese, li Moisese la stac batel jayibuc j'almantaletic ta stojol li ajvalil yu'un edometique. Jech c'ot yalbeic: “Li yalab xnich'nab avits'in Israele, jech laj yalic tal ta atojol: ‘Li vo'ote lec xana' ti c'u x'elan jvocolcutique.

Números 21:21

Li israeletique la staquic batel jayibuc j'almantaletic ta stojol li Sehone, ja' li ajvalil yu'un amorretique. Jech c'ot yalbeic:

San Mateo 8:29

Li chibique tsots laj yaptaic li Jesuse: —Jesús, vo'ot Xnich'onot Dios, ¿c'usi tal apas li' ta jtojolcutic? ¿Me yu'un chac'an chavac'bun jvocolcutic ti c'alal muc to ja'uc yoraile? —xiic.

Deuteronomio 2:26

“C'alal te oyutic ta xocol banamil Cademote, la jtac batel boch'o chbat slequil c'opan li Sehone, ja' li ajvalil ta Hesbone. Jech c'ot yalbe:

Jueces 11:11

Ja' yu'un li Jeftee la xchi'in tal li banquilaletique. Li israeletic te ta Galaade ja' la st'ujic ta banquilal xchi'uc ta jchapanvanej yu'unic. C'alal te oy ta Mizpa li Jeftee, te lic yalbe Muc'ul Dios c'usi laj yalic xchi'uc li banquilaletique.

Jueces 11:13

Itac'ov li ajvalil yu'un amonetique: “C'alal iloq'uic tal ta Egipto li amoltotique, la spojbun li cosilalcutic xlic ta uc'um Arnón c'alal to ta uc'um Jaboc xchi'uc ta uc'um Jordane. Me xac'anique, sutesbuncutic ta lequilal ta ora”, xi.

Jueces 12:2

Itac'ov li Jeftee: —Li vu'un jchi'uc jvinictaque oy la jpascutic pleito jchi'uc li amonetic. Laj quic'otcutic, pero muc x'ay acoltauncutic.