Jueces 11:10 - Bible in Tzotzil de Chenalhó with Deuterocanon

¹⁰ Itac'ov li banquilaletique: —Sna'oj Muc'ul Dios ti ja' melel chc'ot ta pasel jech chac c'u cha'al laj avale —xutic.

Bible in Tzotzil de Chamula

¹⁰ —Ja' rextico cu'untic ti Diose, ti ta jbel sc'oplal ta xc'ot ta pasel cu'untic ti va'i s'elan laj avale —xi laj staq'uic ti banquilaletique.

Jueces 11:10 Iomraidhean Croise

Génesis 16:5

Ja' yu'un li Saraie jech laj yalbe li Abrame: —Vo'ot ta amul ti chisna'leun li Agare. Vu'un laj cac' ti ac'o aviq'ue, pero tana c'alal cha'ay ti oy xa xch'ute, mu'yuc xa jtu ta sat. Ac'o yal stuc Muc'ul Dios boch'o oy smul cu'untic, me vu'un, o me vo'ot —xi.

Génesis 21:23

Ja' yu'un albun ta jamal ta stojol Dios ti mu xapasbun c'usi chopol jchi'uc li jnich'nabe xchi'uc li jmomnich'nabtaque. Albun ta jamal ti me chac'uxubinun jech c'u cha'al la jc'uxubinot eq'ue, xchi'uc me chac'uxubin noxtoc li cristianoetic ta lum yo' bu nacalot li' ta orae —xut.

Génesis 31:50

Me oy c'usi chopol chapasbe li jtsebetique, o me chlic avic' yan antsetic ti c'alal cuxulic to li jtsebetique, manchuc me mu'yuc boch'o chijyilutic, pero ja' testigo stuc li Diose —xi.

Génesis 31:53

Li Dios yu'un amoltot Abraham xchi'uc li jmoltot Nacore, ac'o spas li c'usi lec tsc'an yo'nton ta jtojoltique —xi. Li Jacobe laj yal ta jamal ta stojol Dios ec ti ac'o jechuque, ja' li Dios ti yich'oj ta muc' li stote, ja' li Isaaque.

Éxodo 20:7

“Mu me xavixtanbicun jbi, vu'un li Muc'ul Diosun avu'unique. Yu'un li boch'o chiyixtanbun jbie ta me xcac'be stoj smul.

Jeremías 29:23

Ti jech chcac' c'otuc ta pasel ta stojolique yu'un ja' la spasic c'usi toj chopol te ta Israel. La sc'opanbe yajnil xchi'iltaquic, xchi'uc la scuy sbaic ti vu'un ta jventa chc'opojique, pero muc tacbilicuc cu'un. Vu'un lec jna'oj, vu'un testigoun’, xi li Muc'ul Diose”, xi batel ta carta li Jeremiase.

Jeremías 42:5

Jech laj yalbeic li Jeremiase: —Li Dios avu'une ja' tsva'an sba ta tuq'uil testigo ta jtojolcutic ti me muc jch'uncutic li c'usi chayalbote.

Miqueas 1:2

Lumetic, a'yo ava'yic acotolic. Banamil, tuc'ulano lec ava'ay achi'uc li jnaclumetic avu'une: Li Cajvaltic Muc'ul Dios te oy ta xch'ulnae, ja' tsva'an sba ta testigo sventa chascontrainoxuc.

Zacarías 5:4

Li Muc'ul Dios ti tspas ta mantal scotol te ta vinajele jech chal: ‘Li vocol le'e vu'un ta jtac tal, yu'un ac'o c'otuc ta sna li boch'o ta x'elc'aje, xchi'uc li boch'o oy c'usi chal ta jbi ti mu meleluque. Le'e te ta xcom o ta snaic. Ta xculesbe o scotol c'alal ta ste'eltac, ta stanaltac li snae; mu'yuc c'usi ta xcom’, xi li Diose”, xiyutun.

Malaquías 3:5

Li Muc'ul Dios ti tspas ta mantal scotol te ta vinajele jech chal: “Vu'un chtal jchapanoxuc. Vu'un ta jva'an jba ta testigo ta scontrainel li j'ac'chameletique, li jmulaviletique, li boch'otic tst'abbeic sbi Dios c'alal ch-epalc'opojique, xchi'uc li boch'otic tslo'laic j'abtel yu'unique, xchi'uc li boch'otic abul sba yu'unic me'on antsetic, xchi'uc me'on ololetique, xchi'uc li boch'o mu'yuc tuc' c'usi tspasbeic yanlumetique, ti solel mu'yuc jxi'elal cha'yic oe”, xi li Muc'ul Diose.

Romanos 1:9

Ta melel scotol ora ta jc'opan Dios ta atojolic. Yiloj Dios ti jech ta jpase, ja' li Dios ti chitun yu'un ta scotol co'ntone, ti ta jcholbe sc'oplal li Lequil A'yej ta sventa Xnich'one.

2 Corintios 11:31

Li Diose, ja' li Stot Cajvaltic Jesucristo ti ich'bil o ta muc' sbatel osile, sna'oj ti ja' melel scotol c'usi chcale, ti mu'yuc chi'epalc'opoje.

Deuteronomio 1:16

Jech lic jchanubtasic lec li jchapanvanejetic avu'unique yu'un jech tsna'ic c'u x'elan lec ac'o spas li yabtelique. Jech laj calbeic: ‘Ventainic lec scotol li jchi'iltactique; chapanvananic lec. Tuc' me xachapanic scotol li jchi'iltactique xchi'uc c'alal ta yanlumetic.

Jueces 11:9

Itac'ov li Jeftee: —Me bat jchi'inoxuc sventa chbat jpastic pleito xchi'uc li amonetique, me laj yac'bun jtsal li Muc'ul Diose, ¿me ta melel ti chac'anic vu'un chicom ta banquilal avu'unique? —xi.

1 Samuel 12:5

Jech laj yal noxtoc li Samuele: —Ja' testigo chcom li Muc'ul Diose xchi'uc li ajvalil li' st'ujoj ti mu'yuc xatabicun jmul ta melele —xi. —Jech —xiic scotolic.

1 Samuel 24:12

Ja' ac'o xchapanutic jchibaltic stuc li Muc'ul Diose. Ac'o spacbun stuc Dios ti me chopol c'usi chajpasbote. Pero mu'yuc ta co'nton ti chcac' jc'ob ta atojole.