Jueces 10:7 - Bible in Tzotzil de Chenalhó with Deuterocanon

⁷ Ja' yu'un li Muc'ul Diose i'ilin ta stojol li israeletique, jech laj yac' ochicuc ta sc'ob filistaetic xchi'uc ta sc'ob amonetic.

Bible in Tzotzil de Chamula

⁷ Jech o xal ti Diose lic sc'ac'al yo'nton ta stojolic. Laj yac' comel ta yoc ta sc'ob ti filisteoetique xchi'uc ti amonitaetique.

Jueces 10:7 Iomraidhean Croise

Salmos 44:12

Jeche' no'ox laj achon batel li ateclumale; me jutuc mu'yuc c'usi laj ata o.

Salmos 74:1

Dios cu'un, ¿c'u yu'un ti j'ech'el laj abajuncutic oe? ¿C'u yu'un ti ilic sc'ac'al avo'nton ta stojol li achijtac ti te oyic ta sve'ub avu'une?

Isaías 50:1

Li Muc'ul Diose jech chal: “¿Bu oy svunal ti j'ech'el laj quicta o li ame'ique, ja' li Israele? ¿Me yu'un ta scoj oy ep quil ti la jchonoxuc batele? Ta scoj achopolil atuquic ti laj avich'ic chonel batele; ta scoj atoyobbailic ti laj quicta li ame'ique.

Nahúm 1:2

Li Muc'ul Diose ja' Dios ti sna' x'it'ixaj yo'ntone, xchi'uc ja' jpac-ajvalil; ja' tspacbe sutel li boch'o chcontrainat yu'une, ta xilinta li yajcontrae.

Nahúm 1:6

¿Me oy boch'o xcuch yu'un c'alal me i'iline? ¿Me oy boch'o lec va'al chcom c'alal me itsan sc'ac'al yo'ntone? Li sc'ac'al yo'ntone ta spuc sba batel jech chac c'u cha'al c'oc', jech ta x'unijan scotol li ch'entique.

Jueces 10:8

Li israeletic te nacajtic ta Galaad ta jot uc'um Jordán ta yosilal amorretique, tsots lic yich'ic uts'intael vaxaclajuneb (18) jabil yu'un li filistaetic xchi'uc amonetique.

Jueces 13:1

Li israeletique lic spasic c'usi chopol yan velta ta stojol li Muc'ul Diose. Ja' yu'un li Muc'ul Diose laj yac' ochicuc ta sc'ob filistaetic cha'vinic (40) jabil.

Jueces 2:14

Jech tsots i'ilintaatic o yu'un Muc'ul Dios li israeletique. Li Muc'ul Diose laj yac' taluc j'eleq'uetic, jech ipojbatic li c'usitic oy yu'unique, xchi'uc laj yac' ochicuc ta sc'ob li yajcontraique, jech muc xa xu' yu'un la stsalic.

Jueces 4:2

Ja' yu'un li Muc'ul Diose lic yac' ochicuc ta sc'ob ajvalil Jabín, ja' li canaán vinic ochem ta ajvalilal ta lum Hazore. Li banquilal soldado yu'une Sísara sbi; te nacal ta Haroset-goim.

Jueces 6:1

Pero li israeletique lic spasic yan velta c'usitic chopol ta stojol li Muc'ul Diose. Jech li Muc'ul Diose laj yac' ochicuc ta sc'ob madianetic vucub jabil.