Jueces 10:4 - Bible in Tzotzil de Chenalhó with Deuterocanon

⁴ Li Jaire oy lajuneb xcha'vinic (30) xnich'nab xchi'uc jujucot scajleb buroic. Xchi'uc oy lajuneb xcha'vinic (30) lumetic yu'unic. Ja' “Lumetic yu'un Jair” sbi; ja' jech sbi o c'alal to tana. Li lumetique te oy ta yosilal Galaad.

Bible in Tzotzil de Chamula

⁴ Laj yilbe sat lajuneb xcha'vinic (30) ta vo' squerem xnich'nab, ti xcajetic no'ox ta sburroic jujunique, xchi'uc ti oy jujun steclumalic ta yosilal ti Galaade. Ti lajuneb xcha'vinic jteclum taje, ojtiquinbil to yu'unic avi tana le'e, “Steclumal ti Jaire” xi sc'oplal.

Jueces 10:4 Iomraidhean Croise

2 Samuel 16:2

Li ajvalile jech la sjac': —¿C'u yu'un ti laj avich' tal li'i? —xut. Itac'ov li Sibae: —Li buroetique ja' sventa chcajiic batel li boch'otic oy avu'un, vo'ot li ajvalilote. Li panetic xchi'uc li sat ts'usube ja' sventa tsve'ic li soldadoetique. Li pasem ya'lel ts'usube ja' sventa chuch'ic li boch'otic chlubic ta xocol banamile —xi.

Zacarías 9:9

Cuxetuc no'ox avo'nton, lum Sión. Cuxetuc no'ox avo'nton q'uejinan, lum Jerusalén. A'yo ava'ay, ta xa xtal li ajvalil avu'une; tuc' yo'nton, lec xu' yu'un, biq'uit chac' sba. Cajal ta unin buro ta xtal; cajal ta xtal ta jcot yol me' buro.

Números 32:41

Li Jair, ja' li smomnich'nab Manasese, ja' laj yu'uninic jayibuc bic'tal lumetic yu'un li amorretique; ja' Havot-jair laj yac'beic sbi.

Deuteronomio 3:14

Li Jair, smomnich'on Manasese, ja' laj yich' scotol li yosilal Argob c'alal to yo' bu xlic li yosilal Gesur xchi'uc Maacae. Li osil laj yich' te ta Basane, Havot-jair laj yac'be sbi; ja' jech sbi o c'alal to tana.

Jueces 10:3

Ts'acal ilic noxtoc Jair, galaad vinic; ja' la spas ta mantal chib xcha'vinic (22) jabil li israeletique.

Jueces 10:5

C'alal icham li Jaire, te la smuquic ta Camón.

Jueces 12:14

Le'e oy cha'vinic (40) squeremetic, xchi'uc lajuneb xcha'vinic (30) smomnich'nab, xchi'uc lajuneb xchanvinic (70) ta cot scajleb ca'ic. Ja' vaxquib jabil i'abtej.

Jueces 5:10

“C'opojanic vo'oxuc jc'ulejetic ti cajaloxuc ta saquil buroe, xchi'uc vo'oxuc ti chachapanvanique, xchi'uc vo'oxuc ti abul abaic jxanubaloxuc no'oxe.