Jueces 10:18 - Bible in Tzotzil de Chenalhó with Deuterocanon

¹⁸ Li israeletic te nacajtic ta Galaade xchi'uc li banquilaletic yu'unique jech laj yalbe sbaic: “Li boch'o chijyic'utic batel ta scontrainel li amonetique ja' chcom ta jpasmantal yu'un scotol li jnaclumetic li' ta Galaade”, xut sbaic.

Bible in Tzotzil de Chamula

¹⁸ Ti israeletic ti nacalic ta Galaade lic svulesbe sbaic ta yo'nton xchi'uc ti banquilaletic yu'unique, ti buch'u van ta xtojobtasvan ta ac'-leto ta stsaquel ta leto ti amonitaetique, ti ja' ta xc'ot ta jpojvanej yu'un scotol ti jnaclejetic ta Galaade.

Jueces 10:18 Iomraidhean Croise

Isaías 34:12

Mu'yuc xa chich' alel boch'o ajvalil yu'unic; mu'yuc xa jpasmantaletic yu'unic o.

Jueces 1:1

C'alal chamen xa'ox li Josuee, li israeletique lic sjac'beic Muc'ul Dios boch'o jchopucal ba'yuc chbat spas pleito yu'unic xchi'uc li canaanetique.

Jueces 10:17

Li amonetique jmoj la stsob sbaic; te la spas scarpanaic ta Galaad. Jech ec li israeletique jmoj la stsob sbaic; te la spas scarpanaic ta Mizpa.

Jueces 11:1

Oy jun vinic Jefté sbi, lec tsatsal vinic, lec sna' paspleito. Ja' xnich'on Galaad; ja' yol jun jmulavil ants.

Jueces 11:11

Ja' yu'un li Jeftee la xchi'in tal li banquilaletique. Li israeletic te ta Galaade ja' la st'ujic ta banquilal xchi'uc ta jchapanvanej yu'unic. C'alal te oy ta Mizpa li Jeftee, te lic yalbe Muc'ul Dios c'usi laj yalic xchi'uc li banquilaletique.

Jueces 11:4

I'ech' jayibuc c'ac'al, li amonetique lic stsaquic ta pleito li israeletique.

Jueces 12:7

Li Jeftee vaquib jabil i'och ta jchapanvanej yu'unic li israeletique. C'alal ichame, te la smuquic ta Galaad ta slumal yo' bu ivoq'ue.

1 Samuel 17:25

Jech laj yalbe sbaic: “¿Me avilic li vinic iloc' tale? Yu'un tsc'an xa tsliques pleito ta jtojoltic. Li boch'o xu' yu'un chbat stsale ta x'ac'bat ep sc'ulejal yu'un li ajvalile, xchi'uc ta xac'be stseb yu'un ac'o yic', xchi'uc ta xcoltaatic o xchi'uc yalab xnich'nab ta stojel spatanic”, xiic.