Jueces 10:13 - Bible in Tzotzil de Chenalhó with Deuterocanon

¹³ Vo'oxuc laj acomtsanicun; ja' laj avich'ic ta muc' li yantic diosetique. Ja' yu'un mu'yuc xa chajcoltaoxuc.

Bible in Tzotzil de Chamula

¹³ Manchuc mi jech un, laj avalopatinicun comel ti bat anijan achiman abaic ta yich'el ta muc' ti yan diosetique. Mi ja'uc xa ta jtic' jba ta apojelic yan velta avi tana li' une.

Jueces 10:13 Iomraidhean Croise

1 Crónicas 28:9

Jech ec li vo'ote, jquerem Salomón, otquino me lec li Dios cu'un, vu'un li atotune. Junuc me avo'nton, yutsiluc me avo'nton tunan yu'un. Yu'un xotquin c'usi ta jnoptic; sna' c'usi oy ta co'ntontic. Me oy ta avo'nton chasa'e, chac' sba ta ilel ta atojol. Yan me chavicta comele, j'ech'el chascomtsanot o ec.

2 Crónicas 12:5

Li j'alc'op Semaiase ital sc'opan li Roboame xchi'uc li banquilaletic te ta Judae, yu'un ja'o te stsoboj sbaic ta Jerusalén ta scoj li Sisaque, jech c'ot yalbe: —Li Muc'ul Diose jech chayalboxuc: ‘Ta sventa ti laj acomtsanicune, jech ec li vu'une la jcomtsanoxuc ec; laj cac'oxuc ta sc'ob li Sisaque’, xi li Muc'ul Diose —xut.

2 Crónicas 15:2

jech iloc' batel, bat sc'opan li Asae, jech laj yalbe: “Asa, xchi'uc vo'oxuc judaetic xchi'uc benjaminetic, a'yic c'usi ta xcal: Li Muc'ul Diose li' xchi'inojoxuc o ti me te oyoxuc o ta stojol eq'ue. Me chasa'ique, chataic. Yan me chacomtsanique, chascomtsanoxuc ec.

2 Crónicas 21:10

Pero li edometique ivu' yu'unic ti stuquic xa no'ox lic sventain sbaique; mu'yuc xa ventainbilic yu'un Judá icomic c'alal to tana. Jech noxtoc ja'o yorail te lic sventain sba stuquic li lum Libnae, yu'un li Jorame la scomtsan li Muc'ul Dios yu'un smoltot syame'taque.

Jeremías 2:13

Yu'un li jteclumale oy chib ti bu la sta smulic ta jtojole: la scomtsanicun, vu'un li bats'i nio'un yu'unique, xchi'uc la smeltsanic yavil vo' yu'un stuquic. Pero chaq'uem, solel mu sts'ani o ya'lel.

Jeremías 2:19

Achopolilic no'ox chayac'boxuc atoj amulic; atoyobbailic no'ox chayac'oxuc ta vocol. Nopic me lec, q'uelo lec avilic ti toj chopol, ti acomtsanojicun vu'un li Muc'ul Diosun avu'unique, ti muc xavich'icun ta muq'ue. Jech chcal jtuc vu'un li Muc'ul Diosune, vu'un li Diosun ti ta jpas ta mantal scotol te ta vinajele.

Jonás 2:8

Li boch'otic ja' chich'ic ta muc' c'usitic cuybil ta diosetic ti mu'yuc stue mu xa junuc yo'ntonic ta atojol.

Deuteronomio 32:15

“Pero iju'p li Jesurune,, ipas ta simarón; solel lec xt'ajajet xchi'uc li sjubenale. Pero la scomtsan li Diose, ja' li boch'o ipasat yu'une; la sbaj comel li Jchabivanej yu'une, li Jcoltavanej yu'une.

Jueces 10:14

Ja' bat c'anbeic vocol li diosetic avu'unic laj at'ujique. Ac'o scoltaoxuc loq'uel ta sventa li avocolique”, xut.

Jueces 2:12

Ja' la scomtsanic o li Muc'ul Dios yu'un smoltotic ta vo'one ti iloq'uesatic tal ta Egiptoe; ja' bat yich'ic ta muc' li yantic diosetique, ja' li diosetic yu'un cristianoetic te nacajtic ta spat xoconique. Jech laj yaq'uic ilinuc ta stojolic li Muc'ul Diose.

Jueces 2:19

Pero c'alal icham li jchapanvanejetic yu'unique, lic soquicuc yan velta noxtoc. Ech'em to no'ox chopol la spasic jech chac c'u cha'al li stot sme'ic ta vo'onee. Ja' lic tunicuc yu'un li yantic diosetique; lic squejan sbaic ta stojol. Me jutuc muc scomtsanic spasel li c'usi chopole xchi'uc li xchopol talelique.