Jueces 10:11 - Bible in Tzotzil de Chenalhó with Deuterocanon

¹¹ Li Muc'ul Diose jech la stac'be: “Li vo'oxuque oy to'ox avocolic ta mozoinel yu'un li egiptoetique, li amorretique, li amonetique, li filistaetique,

Bible in Tzotzil de Chamula

¹¹ Xi tac'batic talel yu'un ti Diose: “Ti vo'oxuque laj avich'ic tsots ilbajinel yu'un ti egipcioetique, ti amorreoetique, ti amonitaetique, ti filisteoetique,

Jueces 10:11 Iomraidhean Croise

Éxodo 14:30

Li Muc'ul Diose ja' jech ora la scolta loq'uel ta sc'ob egiptoetic li israeletique. Li israeletique laj yilic ti te xcajtecajte ta ti'ti' nab li egiptoetique, puru animaetic xa.

Números 21:35

Jech li israeletique la smilic li ajvalil Og xchi'uc xnich'nabe xchi'uc scotol li yajsoldadotaque. Me junuc mu'yuc boch'o cuxul icom yu'unic, jech laj yich'beic o li yosilalique.

Hebreos 11:29

Ta sventa xch'unojel yo'ntonic li jchi'iltactic ta vo'onee jech ijelovic tal ta Tsajal Nab. Xco'laj xchi'uc taqui banamil laj ya'yic. C'alal tsc'an ox chjelovic tal ec li egiptoetique, te ijic'ovic ta yut nab scotolic.

Jueces 2:12

Ja' la scomtsanic o li Muc'ul Dios yu'un smoltotic ta vo'one ti iloq'uesatic tal ta Egiptoe; ja' bat yich'ic ta muc' li yantic diosetique, ja' li diosetic yu'un cristianoetic te nacajtic ta spat xoconique. Jech laj yaq'uic ilinuc ta stojolic li Muc'ul Diose.

Jueces 3:28

Li Aode jech laj yalbe li xchi'iltaque: “Ts'aclinicun me, yu'un li Muc'ul Diose laj xa yac'butic ta jc'obtic li cajcontratique, ja' li moabetique”, xut. Jech la sts'aclinic batel; te ic'otic ta ti' uc'um Jordán ta yosilal Moab. Me junuc mu'yuc boch'o laj yac' jelovicuc tal ta jot uc'um.

Jueces 3:31

Ts'acal ilic yan jpojvanej yu'unic li israeletique, ja' Samgar sbi; ja' xnich'on Anat. Ja' la smil vaquib ciento (600) filista viniquetic ta stijubil vacax. Ja' jech la scolta ec li xchi'iltac ta israelale.

1 Samuel 12:8

C'alal ibatic ta Egipto li Jacob xchi'uc smomnich'nabtaque, te laj yich'ic mozoinel yu'un li egiptoetique. Jech li jmoltot jyame'tic ta vo'onee lic sc'anbeic vocol li Muc'ul Diose. Ja' yu'un li Muc'ul Diose ja' la stac batel li Moisés xchi'uc Aarone; ja' bat sloq'uesic tal ta mozoil ta Egipto banamil li jmoltot jyame'tic ta vo'onee, jech li' ivul naquiicuc ta banamile.