Jueces 1:7 - Bible in Tzotzil de Chenalhó with Deuterocanon

⁷ Li Adoni-bezeque jech laj yal: “Li vu'une ja' jech la jc'ocanbe sme' sc'ob, sme' yacanic lajuneb xchanvinic (70) ajvaliletic ec; laj cac'be stamic xch'uch'ulil jve'el ta yolon jmexa. Ti c'u x'elan la jpase, ja' jech chispacbun ec li Diose”, xi. Jech te laj yiq'uic batel ta Jerusalén; te icham o.

Bible in Tzotzil de Chamula

⁷ Va'i un, xi laj yale: “Ti vi s'elan li'e, jech to ox laj jpas ti laj jsetbe loq'uel sme' sc'ob, sme' yacan lajuneb xchanvinic (70) ta vo' ajvaliletic, ti xicujet no'ox ta stsobel ta yolon jmexa ti xi bitsajtic ta xc'ote. Avi tana li' une, ja' no'ox jech ta xispasbe ti Dios jech c'u cha'al laj jpasbe ti yane.” Va'i un, laj yiq'uic batel ta Jerusalén ti bu c'ot ta chamele.

Jueces 1:7 Iomraidhean Croise

1 Reyes 21:19

Jech xc'ot avalbe: ‘Jech chayalbot li Muc'ul Diose: Ta sventa ti laj amil li Nabote xchi'uc ti laj xa avich'be li c'usi ja' yu'une, te ta banamil yo' bu ilaj ta lec'bel xch'ich'al ta ts'i'etique, ja' no'ox te chavich' lec'bel ach'ich'al ta ts'i'etic ec’, uto c'otel”, xi li Muc'ul Diose.

Éxodo 29:20

Milo li chije. Li xch'ich'ale bonbo ta slajeb xlechlechil sbats'ichiquinic li Aarón xchi'uc xnich'nabe, xchi'uc ta sme' sbats'ic'obic xchi'uc ta sme' sbats'i-acanic. Li scomelale bat vijo ta sba scajleb jmoton xchi'uc ta spat xocon.

Isaías 33:1

Toj abul aba, vo'ot li j'elec'ot ti mu'yuc c'usi elc'anbilot eq'ue, vo'ot ti ep c'usi apojoj batel ti mu'yuc c'usi pojbilot eq'ue. C'alal me ilaj avo'nton ta spojel batel scotol li c'usitic oye, ja'o chavich'be spacol ec.

Sofonías 3:19

Ta sc'ac'alil le'e ta xcac'be stojolic scotol li boch'otic laj yuts'intaicote. Ta jcolta li chij ti xcoxcun chanove, xchi'uc ta xquic' sutel tal ti butic ch'ayemic batel ta bee. Ta xcac' ta ich'el ta muc'; ta xcac' pucuc sc'oplal ta sbejel banamil.

Romanos 2:15

Ta sventa c'usi tspasic chvinaj ti oy lec mantal ts'unbil ta yo'ntonique. Yu'un li sjol yo'ntonique sna' lec ti c'u x'elan yabtelique. Xu' ch-albatic yu'un sjolic me oy smulic, o me mu'yuc smulic.

Santiago 2:13

Yu'un li boch'o mu'yuc c'ux ta yo'nton xchi'ile, jech mu'yuc c'ux ta o'ntonal ec ti c'alal ta xchapanate. Yan li boch'o c'ux ta yo'nton xchi'ile, ja' jech c'ux ta o'ntonal ec ti c'alal yorail ta xchapanate.

Apocalipsis 13:10

“Li boch'o ja' sc'oplal chtic'at ta chuquel avu'unique ta ono'ox x'och. Li boch'o ja' sc'oplal chmilat ta espadae ta ono'ox xmilat”. Ta sventa li'i, tsc'an oy stsatsal yo'ntonic, tsc'an oy lec xch'unojel yo'ntonic li boch'o voc'bilic yu'un Diose.

Apocalipsis 16:6

Yu'un li boch'otic la smalbeic xch'ich'al avu'untaque xchi'uc li avaj'alc'optaque laj xa avac'beic ch'ich' yuch'ic ec. Ja' jech stojol tsc'anic”, xi.

Jueces 1:6

La snutsic batel, la xchuquic; la sc'ocanbeic sme' sc'ob xchi'uc sme' yacan.

Jueces 9:24

Yu'un jech ac'o stoj smul ta sventa ti la smil, ti la sloq'uesbe xch'ich'al li lajuneb xchanvinic (70) xnich'nab Jerobaale, ja' li xchi'iltac ta voq'uele. Xchi'uc jech ac'o stojic ec li cristianoetic te ta Siquem ti la scoltaic li Abimeleque.

Jueces 9:57

Jech noxtoc li Diose laj yac'be stoj c'usi chopol spasojic li cristianoetic te ta Siqueme, jech ic'ot ta stojolic li stojol mulil ti laj ono'ox yal Jotam, xnich'on Jerobaale.

1 Samuel 15:33

Pero li Samuele jech laj yal: —Ta scoj avespada ti ep antsetic mu'yuc yolic icom avu'une yu'un laj amilbe. Pero ja' no'ox jech mu'yuc yol ta xcom ec li ame'e —xut. Ja' yu'un li Samuele biq'uitic lic slilin ta stojol Muc'ul Dios te ta Gilgal li Agage.