Jueces 1:4 - Bible in Tzotzil de Chenalhó with Deuterocanon

^4-5 jech ibatic xcha'chopalic. Li Judae i'ac'bat ta sc'obic yu'un Muc'ul Dios li canaanetique xchi'uc li ferezetique. La smilic comel lajunmil (10,000) viniquetic te ta Bezec. Te la staic noxtoc ta Bezec li Adoni-bezeque, pero ijatov batel.

Bible in Tzotzil de Chamula

⁴ Va'i un, ti Judae laj yu'ninic ti osile, ti ac'bat ta yoc ta sc'ob yu'un Dios ti cananeoetique, xchi'uc ti ferezeoetique. Tsalbilic c'ot yu'unic tey ta Besec lajunmil (10,000) ta vo' viniquetic.

Jueces 1:4 Iomraidhean Croise

1 Reyes 22:15

Te ibat ta stojol li ajvalile, jech ijac'bat: —¿Me xu' chbat jpas pleito jchi'uc li lum Ramote, o me mu xu'? —xut. Itac'ov li Micaiase: —Batan avil me xu' avu'une. Me laj atsale, yu'un ja' Muc'ul Dios laj yac'bot ta ac'ob —xut.

1 Reyes 22:6

Li ajvalil ta Israele te lic stsob scotol li chanib ciento (400) j'alc'opetic yu'une, jech la sjac'be: —¿Me xu' chbat jcontraincutic li lum Ramot te ta Galaade, o me mu xu'? —xut. Itac'ovic: —Xu' chabatic, yu'un ja' stuc Muc'ul Dios chayac'bot ta ac'ob —xiic.

Salmos 44:2

Ta avu'el ta atsatsal laj anuts loq'uel scotol li muc'tic lumetique; laj avac'be stoj smulic, laj aloq'ues batel ta yosilalic. Ja' te laj avac' naclicuc li jmoltot jyame'cutic ta vo'onee.

Salmos 78:55

La snutsbe loq'uel scotol li yajvaltac yantic banamile, lec bisbil ta ch'ojon laj yich'ic li yosilique; ja' te laj yac' naquiicuc o ta yosilic li jaychop israeletique.

Deuteronomio 7:2

C'alal me la sta yorail laj yac' ta ac'obic Muc'ul Dios cu'untic li muc'tic lumetic le'e, xchi'uc me laj xa atsalique, nopic me ti oyic o ta sventa chich'ic ulesele. Me jutuc mu me c'usi xachapan achi'uquic. Mu me abuluc sba chavilic.

Deuteronomio 9:3

“Ja' yu'un li' ta orae, tsc'an chana'ic ti ja' ba'yucbe ta xbat avu'unic stuc li Muc'ul Diose, yu'un ja' jech chac c'u cha'al c'oc' ti xu' yu'un chchic' scotole. Ta asatic tslajes scotol, tsbic'tajes scotol li muc'tic banamile. Ja' yu'un li vo'oxuque jmaq'uel no'ox ta satil chanutsic loq'uel, chalajesic scotol jech chac c'u cha'al yaloj li Diose.

Jueces 1:3

Ja' yu'un li jchop liquemic ta Judae jech laj yalbeic li jchop liquemic ta Simeone, ja' yits'inab no'ox sbaic: “Bat coltauncutic ta spojel li banamil ti sc'oplal chquich'cutique, jech chbat jcoltaotcutic ta spojel ec li banamil bu chavich'ique”, xutic. Jech la xch'unic batel li jchop liquemic ta Simeone,

Jueces 11:32

Jech ibat ta slumal amonetic li Jeftee, bat stsac ta pleito. Li Muc'ul Diose laj yac'be ta sc'ob, jech ivu' yu'un la stsal.

Jueces 3:5

Ja' yu'un li israeletique te inaqui xchi'uquic li canaanetique, li hetetique, li amorretique, li ferezetique, li hevetique, xchi'uc li jebusetique.

1 Samuel 11:8

C'alal laj yat svinictac te ta Bezec li Saule, oy oxib ciento ta mil (300,000) israeletic ti iliquic ta Israele; ja' lajuneb xcha'vinic (30,000) ta mil iliquic ta Judá.

1 Samuel 14:10

Pero me jech chijyalbutique: ‘Li' xatalique’, me xijyututique, xu' chijmuy batel; ja' svinajeb ti yac'ojbutic xa ta jc'obtic li Muc'ul Diose —xut.

1 Samuel 14:6

Li Jonatane jech laj yalbe li yajcoltaubbaile: —Batic yo' bu oyic li jtsob soldadoetic ti mu'yuc yich'ojic circuncisione. Naca me oy c'usi lec tsc'an tspas ta jtojoltic li Muc'ul Diose. Yu'un li Muc'ul Diose mu'yuc c'usi tsots cha'ay; xu' yu'un tscolta li boch'otic epique xchi'uc li boch'otic mu'yuc epique —xut.