Jueces 1:3 - Bible in Tzotzil de Chenalhó with Deuterocanon

³ Ja' yu'un li jchop liquemic ta Judae jech laj yalbeic li jchop liquemic ta Simeone, ja' yits'inab no'ox sbaic: “Bat coltauncutic ta spojel li banamil ti sc'oplal chquich'cutique, jech chbat jcoltaotcutic ta spojel ec li banamil bu chavich'ique”, xutic. Jech la xch'unic batel li jchop liquemic ta Simeone,

Bible in Tzotzil de Chamula

³ Va'i un, snitilultac ti Judae laj stac ta iq'uel ti svinquilelic ti ja' snitilultac ti Simeone yo' jech jmoj ta svol sbaic ta yu'ninel ti banomil ti bu ta xc'ot ta yu'un ti Judae. Ts'acal to xtoc un, jmoj ta svol sbaic batel ta yu'ninel ti banomil ti bu xc'ot ta yu'un ti Simeone. Ti snitilultac ti Simeone lec laj ya'iic ti ta svol sbaic ta jmoj xchi'uc snitilultac ti Judae.

Jueces 1:3 Iomraidhean Croise

Génesis 29:33

Ts'acal ivoc' yan yol noxtoc li Leae, Simeón laj yac'be sbi, jech laj yal: “Li Muc'ul Diose laj ya'ay ti chisbajicune, jech laj yac'bun yan col”, xi.

2 Samuel 10:11

Jech laj yalbe: “Me ja' ech'em xu' yu'unic jech chac c'u cha'aluncutic li siriaetique, xtal me acoltauncutic. Yan me ja' ech'em xu' yu'un li amonetic jech chac c'u cha'aloxuque, vu'uncutic chtal jcoltaotcutic.

Josué 19:1

Li xchibal velta canal tajimol la spasique ja' ic'ot ta stojol li jchop liquemic ta Simeone. Ti bu la staique, ja' te xcom ta o'lol yosilalic li boch'otic liquemic ta Judae.

Apocalipsis 7:7

Li jchop liquemic ta Simeone lajcha'mil (12,000) laj yich'ic ec. Li jchop liquemic ta Levie lajcha'mil (12,000) laj yich'ic ec. Li jchop liquemic ta Isacare lajcha'mil (12,000) laj yich'ic ec.

Jueces 1:17

Li jchop liquemic ta Judá xchi'uc ta Simeón ti xchi'il no'ox sbaic ta voq'uele bat stsalic li canaanetic te nacajtic ta Sefate; laj yulesic o comel. Li lum tee Horma laj yac'beic sbi.

Jueces 1:2

Jech itac'batic yu'un li Muc'ul Diose: “Ja' ba'yuc chbatic li boch'otic liquemic ta Judae yu'un ja' cac'ojbe ta sc'obic li banamil le'e”, xi.

Jueces 1:4

jech ibatic xcha'chopalic. Li Judae i'ac'bat ta sc'obic yu'un Muc'ul Dios li canaanetique xchi'uc li ferezetique. La smilic comel lajunmil (10,000) viniquetic te ta Bezec. Te la staic noxtoc ta Bezec li Adoni-bezeque, pero ijatov batel.