Jueces 1:26 - Bible in Tzotzil de Chenalhó with Deuterocanon

²⁶ Te ibat ta yosilal Hetetic; te la spas jun lum. Luz laj yac'be sbi. Ja' jech sbi o c'alal to tana.

Bible in Tzotzil de Chamula

²⁶ Ti vinic taje bat nacluc ta yosil ti hititaetique. Lic sliques ta sva'anel jun jteclum, ti laj yac'be sbi Luze, ti sbiinoj to avi tana le' une.

Jueces 1:26 Iomraidhean Croise

2 Reyes 7:6

Yu'un li Muc'ul Diose oy c'usi laj yac'be ya'yic li siriaetique. Laj ya'yic ti te chbat epal caretaetic sventa pleito, xchi'uc ca'etic, xchi'uc epal soldadoetique. Jech lic yalbe sbaic: “Ja' xa li ajvalil ta Israele, yu'un laj xa xchap sc'opic xchi'uc li ajvaliletic yu'un hetetique xchi'uc li ajvaliletic yu'un egiptoetique. Ja' xa chtal smilutic”, xut sbaic.

2 Crónicas 1:17

Li stojol jcot careta chlic tal ta Egipto yu'unique ja' vaquib ciento (600) ta sep saquil taq'uin. Li jcot ca'e ja' o'lol xchibal cien (150) ta sep saquil taq'uin. Li ajvaliletic yu'un hetetic xchi'uc siriaetique ja' xa te la smanbeic batel ec li svinictac Salomone.

Jueces 1:25

Jech li vinique laj yac' ta ilel c'u x'elan xu' ch-ochic ta yut lum, jech la smilic comel ta espada scotol. Yan li vinique la scoltaic batel xchi'uc yajnil xnich'nab.

Jueces 1:27

Li jchop liquemic ta Manasese muc xu' yu'unic stsalel li lum Bet-seán, Taanac, Dor, Ibleam, Meguido, xchi'uc li tsobtsobnaetic yu'un jujun lume. Ja' yu'un te la xchi'inic ta naclej li canaanetique.