Jueces 1:22 - Bible in Tzotzil de Chenalhó with Deuterocanon

²² Li smomnich'nabtac Josee imuyic batel ta Betel, te chi'inbilic yu'un li Muc'ul Diose.

Bible in Tzotzil de Chamula

²² Snitilultac ti Josee c'ot ta nopel yu'unic ta stsaquic ta leto ti Betele, ti ja' jteclum Luz sbi ta ba'yel to oxe.

Jueces 1:22 Iomraidhean Croise

Génesis 49:24

Pero li vo'ote José, lec tsots li ac'obe; te t'inil chcom o li at'ilubte'e. Coliyal li Dios yu'un Jacob ti ech'em stsatsale. Coliyal li muc'ul Jchabivanej yu'un Israele.

2 Reyes 18:7

Te chi'inbil o yu'un li Muc'ul Diose; buyuc no'ox ibat, lec ibat yu'un scotol. Li Ezequiase tsots laj yac' sba ta stojol li ajvalil ta Asiriae; muc sc'an ventainel yu'un.

1 Crónicas 7:29

Li smomnich'nab Manasese ja' icom ta sventaic li lum Bet-seán, Taanac, Meguido, xchi'uc Dore, xchi'uc laj yich'beic yosilal li jujun lume. Le'e ja' te inaquiic li smomnich'nab Josee, ja' li xnich'on Israele.

Números 1:10

“Ta sventa li cha'chop liquemic ta xnich'nab Josee ja' Elisama, xnich'on Amiud, ja' ta sventa li Efraine. Ta sventa li Manasese ja' Gamaliel, xnich'on Pedasur.

Números 1:32

Li smomnich'nabtac Josee ja' iloc' cha'vinic ta mil xchi'uc vo'ob ciento (40,500) ta scotol ti liquemic ta Efraine. Yan li jchop liquemic ta Manasese ja' iloc' lajchab xcha'vinic ta mil xchi'uc chib ciento (32,200) ta scotol.

Josué 14:4

Li smomnich'nab Josee cha'chop iloc' israeletic te. Jchop iloc' ta sventa Manasés; jchop iloc' ta sventa Efraín. Yan li levietique mu'yuc laj yich'ic yosilic; ja' no'ox laj yich'ic lumetic sventa chnaquiic xchi'uc yosilal sventa tsts'ites xvacax xchi'uc xchijic.

Josué 8:12

Li Josuee te la snac' comel vo'mil (5,000) viniquetic te ta o'lol yu'unic li Betel xchi'uc Hai ta stuq'uil smaleb c'ac'al yu'un li lume.

Apocalipsis 7:8

Li jchop liquemic ta Zabulone lajcha'mil (12,000) laj yich'ic ec. Li jchop liquemic ta Josee lajcha'mil (12,000) laj yich'ic ec. Li jchop liquemic ta Benjamine lajcha'mil (12,000) laj yich'ic ec.

Jueces 1:19

Li Judae te chi'inbil yu'un li Muc'ul Diose, jech ivu' yu'un la stsalic li boch'otic te nacajtic ta vitsetic ta toyolaltique. Ja' xa no'ox muc stsal yu'unic li boch'otic te nacajtic ta stenlejaltique yu'un oy lec scaretaic pasbilic ta stsatsal taq'uin.

Jueces 1:21

Pero li jchop liquemic ta Benjamine muc xu' yu'unic la snutsic loq'uel te ta Jerusalén li jebusetic te nacajtique. Ja' yu'un te la xchi'inic o ta naclej. Yoquel te xchi'inojic o ta naclej ta Jerusalén c'alal to tana.

Jueces 1:23

Ba'yuc la staquic batel boch'o chbat sq'uel c'u x'elan li lum Betele, ja' li Luz to'ox yan sbie.