Jueces 1:19 - Bible in Tzotzil de Chenalhó with Deuterocanon

¹⁹ Li Judae te chi'inbil yu'un li Muc'ul Diose, jech ivu' yu'un la stsalic li boch'otic te nacajtic ta vitsetic ta toyolaltique. Ja' xa no'ox muc stsal yu'unic li boch'otic te nacajtic ta stenlejaltique yu'un oy lec scaretaic pasbilic ta stsatsal taq'uin.

Bible in Tzotzil de Chamula

¹⁹ Ti snitilultac ti Judae, ac'o mi sva'anoj sba ti Dios ta stojolic une, ti cuch yu'unic ta yu'ninel ti muc'tiquil vitstique, ja' xa mu'yuc xu' yu'unic ta stenel loq'uel ti buch'utic nacalic ta stenleje, yu'un naca taq'uin meltsanbil ti scarretaique.

Jueces 1:19 Iomraidhean Croise

Génesis 39:2

Pero li Josee te ono'ox chi'inbil yu'un li Muc'ul Diose, jech toj lec ibat yu'un c'usi la spas c'alal te oy ta sna li yajvale, ja' li egipto vinique.

Génesis 39:21

Pero li Muc'ul Diose te ono'ox xchi'inoj li Josee; lec la xc'uxubin. Jech lec i'ilat yu'un li banquilal jchabichuquinabe.

2 Samuel 5:10

Li Davide itsatsub lec yo'nton; i'ich'at lec ta muc', yu'un chi'inbil o yu'un li Muc'ul Dios ti tspas ta mantal scotole.

2 Reyes 18:7

Te chi'inbil o yu'un li Muc'ul Diose; buyuc no'ox ibat, lec ibat yu'un scotol. Li Ezequiase tsots laj yac' sba ta stojol li ajvalil ta Asiriae; muc sc'an ventainel yu'un.

Salmos 46:11

Li Muc'ul Dios ti tspas ta mantal scotole li' oy ta jtojoltic; li Dios yu'un Jacobe ja' jchabivanej cu'untic.

Salmos 46:7

Li Muc'ul Dios ti tspas ta mantal scotole li' oy ta jtojoltic; li Dios yu'un Jacobe ja' jchabivanej cu'untic.

Salmos 46:9

Ja' tspajes scotol li pleito c'alal to ta jujujot sti' banamile; ja' tsc'as li st'ilesubil flechaetique; ja' tslilin li lanzaetique; xchi'uc chchic' ta c'oc' li caretaetic sventa pleitoe.

Salmos 60:12

Ja' no'ox ta sventa Dios xu' ta jpastic li c'usi tsotsique, yu'un ja' chixpech'butic ta teq'uel li cajcontratique.

Eclesiastés 9:11

Oy to c'usi yan laj quil noxtoc li' ta banamile: li boch'otic lec sobique oy ma'uc tstsalvanic ta anil; li boch'otic toj simaronique ma'uc toj ech'em xu' yu'unic pleito; li boch'otic lec x'abtejique ma'uc oy ep sve'elic; li boch'otic lec bijique ma'uc toj c'ulejic; li boch'otic oy c'usi lec xchanojique ma'uc lec ich'bilic ta muc'. Scotolic le'e co'ol li c'usi macal ta stojolique.

Isaías 41:10

Ja' yu'un mu me xaxi', yu'un vu'un chajchi'inot; mu c'u xal avo'nton, yu'un vu'un Diosun avu'un. Vu'un chacac'bot atsatsal, vu'un chajcoltaot; vu'un chajtsacot lec ta jbats'ic'ob ti xu' yu'un tstsalvane.

Isaías 7:14

A'yo ava'ay, ja' stuc Muc'ul Dios ta xac'bot avil senyail: A'yo ava'ay, ta to xlic xchi'in yol jun tseb; ta svoq'ues jun querem, Emanuel ta xac'be sbi.

Isaías 8:10

Chapanic li c'usi chanopique, te no'ox macal chc'ot ta be; sibtasvananic, mu xc'ot ta pasel, yu'un li' oy ta jtojolcutic li Diose.

San Mateo 1:23

“A'yo ava'yic, ta xlic xchi'in yol jun tojol tseb, ta svoq'ues jun querem; Emanuel ta xac'be sbi”, xi ono'ox. “Dios li' jchi'uctic”, xi smelol li sbie.

Romanos 8:31

¿C'usi yan xu' chcaltic ta sventa scotol le'e? Me jech oy yo'nton ta jtojoltic stuc li Diose, ¿boch'o xu' chiscontrainutic?

Filipenses 4:13

Scotol xu' cu'un ta sventa Cristo, yu'un ja' chiyac'bun jtsatsal.

Josué 1:5

Mu'yuc boch'o xu' chastsalot ti jayib c'ac'al cuxulote. Vu'un chajchi'inot o, jech chac c'u cha'al la jchi'in scotol c'ac'al li Moisese. Me jliqueluc mu'yuc chajcomtsanot.

Josué 1:9

Q'uelavil, vu'un jtuc chacalbot. Tsotsan me; oyuc me lec stsatsal avo'nton. Mu me xaxi'; mu me xchibaj avo'nton. Vu'un chajchi'inot scotol c'ac'al buyuc no'ox chabat, vu'un li Muc'ul Diosun avu'une”, xut.

Josué 14:12

Ja' yu'un chacalbot ti ac'o avac'bun ta ora li osil le' ta toyolaltic ti yalojbun ono'ox Muc'ul Dios ja' cu'une. Yu'un ana'oj ono'ox ti ja' te nacajtic li smomnich'nab muc'ta vinic Anaque. Lec spasoj li lumetic yu'unique; lec setel ta tsatsal coralton. Pero ja' no'ox ta jch'un ti Muc'ul Dios chixchi'inun batele; ja' chiscoltaun jech xu' cu'un ta jnuts loq'uel jech chac c'u cha'al yalojbun ono'oxe”, xi li Calebe.

Josué 6:27

Li Josuee chi'inbil o yu'un Muc'ul Dios, jech ipuc batel sc'oplal.

Josué 7:12

Ja' ta scoj ti mu xa xu' avu'un chatsalic li avajcontraique. Persa nutsbil chasutic tal yu'un li avajcontraique, yu'un vo'oxuc tsc'an chc'ot ta atojol atuquic li vocole. Me mu xaloq'uesic li c'usi chopol te oy ta atojolique, mu'yuc xa bu chajchi'inoxuc o.

Jueces 1:2

Jech itac'batic yu'un li Muc'ul Diose: “Ja' ba'yuc chbatic li boch'otic liquemic ta Judae yu'un ja' cac'ojbe ta sc'obic li banamil le'e”, xi.

Jueces 4:13

Jech lic stsob ta ora li baluneb ciento (900) ta cot scareta pasbil ta tsatsal taq'uine xchi'uc scotol li yajsoldadotaque. Te iliquic tal ta Haroset-goim c'alal to ta bevo' Cisón.

Jueces 4:3

Li ajvalil Jabine oy baluneb ciento (900) ta cot scareta pasbil ta tsatsal taq'uin. Li israeletique jtob (20) xa'ox jabil i'ochic ta sc'ob li ajvalile; tsots uts'intael laj yich'ic. Ts'acal to lic sc'anbeic vocol li Muc'ul Diose yu'un ac'o coltaaticuc.

1 Samuel 18:12

Li Saule ixi' yu'un li Davide yu'un chi'inbil yu'un Muc'ul Dios; yan li Saule comtsanbil xa.

1 Samuel 18:14

Ta sventa ti coltabil yu'un Muc'ul Dios li Davide, jech oy lec sbijil ta spasel scotol li c'usitic la spase.

1 Samuel 18:5

Buyuc no'ox itacat batel yu'un Saúl li Davide, la xch'un batel. Toj lec laj yac' ta ilel sbijil. Jech li Saule la stic' ta jpasmantal yu'un soldadoetic. Toj lec i'ilat yu'un scotol soldadoetic xchi'uc j'abteletic yu'un li Saule.