Jueces 1:15 - Bible in Tzotzil de Chenalhó with Deuterocanon

¹⁵ —Yu'un oy c'usi ta jc'an chavac'bun. Yu'un avac'ojbun xa ono'ox li Negueve; ac'bun noxtoc li nio'etic tee —xut. Jech li Calebe laj yac'be li nio'etic ta cajal xchi'uc ta olone.

Bible in Tzotzil de Chamula

¹⁵ —C'uxubajuc to avo'nton cu'un —xi laj stac' ti tsebe—. Ti laj xa avac'bun ti banomil ta Négueve, ac'bun to xtoc ti yosilal sat vo'etique. Ti Calebe laj yac'be stseb ti sat vo'etic ti oy ta ac'ole, xchi'uc ti oy ta olone.

Jueces 1:15 Iomraidhean Croise

Génesis 33:11

Ta jc'anbot vocol ti ac'o avich'bun li amoton quich'ojbot tale, yu'un Dios laj yac'bun li jc'ulejale, jech mu'yuc xa c'usi yan sc'an cu'un —xi. Ta sventa ti mu xlaj yo'nton o li Jacobe, jech te la stsac smoton li Esaue.

2 Corintios 9:5

Ja' yu'un la jnop ti ja' lec ta jtac jelovel tal li quermanotique yu'un jech chchapaj avu'unic li taq'uin ti avaloj chatsobique. Jech chvinaj ti yutsil avo'nton laj anop atuquic chavaq'uique, ti muc vu'ucun la jsujoxuque.

Hebreos 6:7

Nopo ava'yic c'u x'elan li banamile. Ti c'alal chaq'uilan vo'e, chuch'ilan. Jech lec chch'i li c'usitic chtun cu'untique, yu'un chich' li bendición chac' Diose.

Josué 15:19

Itac'ov li stsebe: —Yu'un ta jc'anbot vocol ta atojol. Laj xa avac'bun li banamil te ta xocol banamil ta Negueve; ac'bun noxtoc li nio'etic tee —xut. Jech laj yac'be li nio'etic te ta cajal xchi'uc ta olone.

1 Pedro 3:9

Mu me chopoluc c'usi xapasbeic ec li boch'o chopol c'usi chaspasboxuque. Mu me xachopolc'optaic ec li boch'o ta xchopolc'optaoxuque. Ja' tsc'an chac'anbeic slequilalic, yu'un jech ac'o staic bendición. Yu'un ic'biloxuc yu'un Dios ti jech ac'o apasique, yu'un jech ac'o avich'ic bendición.

Jueces 1:14

C'alal yu'un xa'ox chic' batel li yajnile, li Otoniele laj yalbe yajnil ti ac'o sc'anbe jutebuc yosil li stote. Jech iyal ta sburo li tsebe. Li Calebe jech la sjac'be li stsebe: —¿C'usi apas? —xut.

Jueces 1:16

Li xnich'nab queneo vinic, ja' li smuni' Moisese, iloq'uic batel ta lumetic ti xantic sbie; ja' la xchi'inic batel li jchop liquemic ta Judae. Te ibatic ta xocol banamil yu'un li Judá te ta stuq'uil sur yu'un Arade. Jech te icom naquiicuc scotolic.

1 Samuel 25:18

Li Abigaile ta ora la stsac lajunvinic (200) pan, xchi'uc chib vorxa nucul ya'lel ts'usub, xchi'uc vo'cot vobil chij, xchi'uc cha'vinic (40) kilo bacuben bec' trigo, xchi'uc vo'vinic (100) pan pasbil ta taqui sat ts'usub, xchi'uc lajunvinic (200) pan pasbil ta taq'ui sat higo. La scajan batel scotol ta sburotac,

1 Samuel 25:27

Ja' yu'un avocoluc voc'bo abaic achi'uc achi'iltac li amoton li' quich'ojbot tale.